മഞ്ചേരി: പ്രഭാത നമസ്കാരം കഴിഞ്ഞ് പള്ളിയില്‍നിന്ന് വീട്ടിലേക്ക് നടന്നുപോവുകയായിരുന്ന ഗൃഹനാഥന്‍ ബൈക്കിടിച്ച് മരിച്ചു. ചെട്ടിയങ്ങാടിയില്‍ താമസിക്കുന്ന മഞ്ചേരി ചന്തക്കുന്ന് മച്ചിങ്ങല്‍ ഷൗക്കത്തലിയാണ് (60) മരിച്ചത്. ചൊവ്വാഴ്ച പുലര്‍ച്ച അഞ്ചോടെ മഞ്ചേരി നെല്ലിപ്പറമ്പിനും ചെട്ടിയങ്ങാടിക്കും ഇടയിലായിരുന്നു അപകടം. ഉടന്‍ മഞ്ചേരി ഗവ. മെഡിക്കല്‍ കോളജ് ആശുപത്രിയിലും തുടര്‍ന്ന് കോഴിക്കോട് മെഡിക്കല്‍ കോളജ് ആശുപത്രിയിലും പ്രവേശിപ്പിച്ചുവെങ്കിലും രക്ഷിക്കാനായില്ല. ഭാര്യ: പാത്തുമ്മ. മക്കള്‍: നൗഫല്‍, നസ്‌റുദ്ദീന്‍, നിഷാന. മരുമകന്‍: ഷാഫി. മൃതദേഹം കോഴിക്കോട് മെഡിക്കല്‍ കോളജ് മോര്‍ച്ചറിയില്‍. ബുധനാഴ്ച പോസ്റ്റ്മോര്‍ട്ടത്തിനും പൊലീസ് നടപടികള്‍ക്കും ശേഷം വൈകീട്ട് ചെരണി ജുമാ മസ്ജിദ് ഖബർസ്ഥാനില്‍ ഖബറടക്കും.
