ചങ്ങരംകുളം: ആലങ്കോട് സ്വദേശി പുലാകൂട്ടത്തിൽ കൃഷ്ണകുമാറിനെ (47) വായനശാലയിൽ തൂങ്ങിമരിച്ച നിലയിൽ കണ്ടെത്തി. രാവിലെ വീട്ടിൽനിന്ന് ഇറങ്ങിയ കൃഷ്ണകുമാറിനെ ഏറെ നേരം കഴിഞ്ഞും കാണാതായതോടെ സുഹൃത്തുക്കൾ വീടിന് സമീപത്തെ സാംസ്കാരികകേന്ദ്രത്തിൽ അന്വേഷിച്ചെത്തിയപ്പോഴാണ് വായനശാലയിൽ തൂങ്ങിമരിച്ച നിലയിൽ കണ്ടെത്തിയത്. സി.പി.എം ബ്രാഞ്ച് കമ്മിറ്റി അംഗവും ചങ്ങരംകുളം കാർഷിക വികസന ബാങ്ക് ജീവനക്കാരനുമാണ്. ചങ്ങരംകുളം പൊലീസ് നടപടി സ്വീകരിച്ചു. പൊന്നാനി താലൂക്ക് ആശുപത്രിയിൽ പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും.
