പാലാ: ലോറിയും സ്കൂട്ടറും കൂട്ടിയിടിച്ച് വയോധികൻ മരിച്ചു. സ്‌കൂട്ടറിൽ സഞ്ചരിച്ച ഉള്ളനാട് കുറ്റിക്കാട്ട് തോമസ് അഗസ്റ്റിനാണ് (തൊമ്മച്ചൻ -72) മരിച്ചത്. പുനലൂർ-മൂവാറ്റുപുഴ ഹൈവേയിൽ പ്രവിത്താനം ടൗണിന് സമീപം ചൊവ്വാഴ്ച ഉച്ചക്ക് രണ്ടിനായിരുന്നു അപകടം.സ്‌കൂട്ടർ റോഡിന്‍റെ മറുവശത്തേക്ക് തിരിക്കുന്നതിനിടെ ലോറിയിൽ ഇടിക്കുകയായിരുന്നു. വേഗത്തിലെത്തിയ ലോറി ബ്രേക്ക് ചെയ്‌തെങ്കിലും സ്‌കൂട്ടറിൽ ഇടിച്ചാണ് നിന്നത്. കോട്ടക്കലില്‍നിന്ന് ഈത്തപ്പഴവുമായി വരുകയായിരുന്നു ലോറി. തോമസിനെ ഉടൻ സമീപത്തെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഭാര്യ: ഒരപ്പൂഴിക്കൽ കുടുംബംഗം മേരി. മക്കൾ: അഗസ്റ്റിൻ തോമസ് (ബിജു, റിട്ട. എയർഫോഴ്സ്), ബീന റോബിൻ (യു.എസ്.എ), റാണി റോയി (ഐങ്കൊമ്പ്), സോഫി ജോയി (വാഴക്കുളം).
