പിറവം: ടിപ്പർ ലോറി ഇടിച്ച് സ്കൂട്ടർ യാത്രക്കാരി മരിച്ചു. രാമമംഗലം സ്രാമ്പിക്കൽ കുഞ്ഞുമോന്‍റെ ഭാര്യ സിനി (44) ആണ് മരിച്ചത്. ചൊവ്വാഴ്ച രാവിലെ 7.45 ഓടെ രാമമംഗലം പാലത്തിന് സമീപം തമ്മാനിമറ്റത്തേക്ക് തിരിയുന്ന ഭാഗത്തായിരുന്നു അപകടം. ഇടിയുടെ ആഘാതത്തിൽ റോഡിൽ തെറിച്ചുവീണ യുവതിയുടെ ശരീരത്തിലൂടെ ലോറി കയറിയിറങ്ങി. സംഭവ സ്ഥലത്ത് സിനി മരിച്ചു. കോലഞ്ചേരി മെഡിക്കൽ കോളജിലെ ശുചീകരണ തൊഴിലാളിയാണ്. പാലക്കാട് കോലത്ത് ധോണി കുടുംബാംഗമാണ്. ഭർത്താവ്: കുഞ്ഞുമോൻ (രാമമംഗലം ഹൈസ്കൂൾ സ്കൂൾ ബസ്, ക്നാനായ വലിയ പള്ളി ആംബുലൻസ് എന്നിവയുടെ ഡ്രൈവർ). മക്കൾ: ക്രിസ്റ്റീന, ക്രിസ്റ്റി, ക്രിസ്‌ന. സംസ്കാരം ബുധനാഴ്ച പകൽ 12.30ന് രാമമംഗലം സെൻറ് ജേക്കബ്സ് ക്നാനായ വലിയ പള്ളി സെമിത്തേരിയിൽ.
