ടാ​ക്സി​ക്കൊ​ള്ള​യും സ​ഹി​ക്ക​ണോ പ്ര​വാ​സി?

ഓ​ണം-​പെ​രു​ന്നാ​ൾ വേ​ള​ക​ളി​ലും ഗ​ൾ​ഫി​ലെ സ്കൂ​ൾ തു​റ​പ്പ് കാ​ല​ത്തും സ്കൂ​ള​ട​പ്പു കാ​ല​ത്തും എ​ന്നു​വേ​ണ്ട സീ​സ​ൺ അ​ല്ലാ​ത്ത കാ​ല​ങ്ങ​ളി​ൽ​പ്പോ​ലും വി​മാ​ന ടി​ക്ക​റ്റി​ന് അ​മി​ത നി​ര​ക്ക് ന​ൽ​കി യാ​ത്ര ചെ​യ്യേ​ണ്ടി​വ​രു​ന്ന പ്ര​വാ​സി മ​ല​യാ​ളി​യു​ടെ സ​ങ്ക​ട​ങ്ങ​ളെ​ക്കു​റി​ച്ച് പ​രാ​തി ഉ​യ​രാ​ത്ത വേ​ദി​ക​ളി​ല്ല, പ​രി​ഹാ​ര​മേ​തു​മു​ണ്ടാ​യി​ട്ടു​മി​ല്ല. ക​ഴു​ത്ത​റു​പ്പ​ൻ നി​ര​ക്കി​ൽ ടി​ക്ക​റ്റെ​ടു​ത്ത് യാ​ത്ര ചെ​യ്ത് നാ​ട്ടി​ലെ വി​മാ​ന​ത്താ​വ​ള​ത്തി​ൽ വ​ന്നി​റ​ങ്ങു​ന്ന​വ​രെ കാ​ത്തി​രി​ക്കു​ന്ന അ​ടു​ത്ത ചൂ​ഷ​ണം അ​വി​ട​ത്തെ ടാ​ക്സി നി​ര​ക്കാ​ണ്.

യാ​ത്ര​ക്കാ​രോ​ട് ഇ​ര​ട്ടി​ക്കൂ​ലി വാ​ങ്ങി​ക്കു​ന്ന ത​ട്ടി​പ്പാ​ണ് കാ​ലി​ക്ക​റ്റ് അ​ന്താ​രാ​ഷ്ട വി​മാ​ന​ത്താ​വ​ള​ത്തി​ൽ (ക​രി​പ്പൂ​ർ) ടാ​ക്സി സ​ർ​വി​സു​കാ​ർ നാ​ളു​ക​ളാ​യി ന​ട​ത്തി​വ​രു​ന്ന​ത്. എ​യ​ർ​പോ​ർ​ട്ടി​ൽ​നി​ന്ന് ഒ​രു കി​ലോ​മീ​റ്റ​ർ യാ​ത്ര​ക്ക് ഈ​ടാ​ക്കു​ന്ന​ത് 36 രൂ​പ​യാ​ണ്, ചെ​റി​യൊ​രു ടാ​ക്സും. അ​തൊ​രു വ​ലി​യ സം​ഖ്യ​യ​ല്ല. അ​ടു​ത്തു​ള്ള സ്ഥ​ല​ങ്ങ​ളി​ലേ​ക്ക് ന്യാ​യ​മാ​യും മി​നി​മം ചാ​ർ​ജ് ന​ൽ​കേ​ണ്ടി​വ​രും.

ഒ​രു പ​രീ​ക്ഷ​ണ യാ​ത്ര ന​ട​ത്താം. ക​രി​പ്പൂ​രി​ൽ​നി​ന്ന് ചേ​ന്ദ​മം​ഗ​ലൂ​ർ വ​രെ. ക​രി​പ്പൂ​ർ, കൊ​ണ്ടോ​ട്ടി, എ​ട​വ​ണ്ണ​പ്പാ​റ, കൂ​ളി​മാ​ട് വ​ഴി​യാ​ണ് ക​ഴി​ഞ്ഞ കു​റേ​ക്കാ​ല​മാ​യി ഡ്രൈ​വ​ർ​മാ​ർ യാ​ത്ര​ക്കാ​രെ ചേ​ന്ദ​മം​ഗ​ലൂ​രി​ൽ എ​ത്തി​ക്കു​ന്ന​ത്. അ​താ​യ​ത്, എ​യ​ർ​പോ​ർ​ട്ടി​ൽ നി​ന്ന് 24 കി​ലോ​മീ​റ്റ​ർ ദൂ​രം! ക​ണ​ക്ക് പ്ര​കാ​രം യാ​ത്ര​ക്കാ​ർ കൊ​ടു​ക്കേ​ണ്ട​ത് 864 രൂ​പ​യും ടാ​ക്സും, കൂ​ടി​യാ​ൽ 915 രൂ​പ.

എ​ന്നാ​ൽ, യാ​ത്ര​ക്കാ​ർ അ​ട​ക്കേ​ണ്ട​ത് 38.5 കി​ലോ​മീ​റ്റ​ർ ദൂ​ര​ത്തി​നു​ള്ള കൂ​ലി​യാ​ണ്. 1382 രൂ​പ. പി​ന്നെ 59 രൂ​പ ടാ​ക്‌​സും. മൊ​ത്തം 1441 രൂ​പ. ഒ​രൊ​റ്റ ചെ​റി​യ ട്രി​പ്പി​ൽ അ​ധി​ക​മാ​യി ഊ​റ്റു​ന്ന​ത് 526 രൂ​പ. എ​യ​ർ​പോ​ർ​ട്ടി​ൽ​നി​ന്ന് ര​ണ്ടാ​യി​രം രൂ​പ വ​രെ ഒ​രു ട്രി​പ്പി​ന് അ​ധി​കം കൊ​ടു​ക്കേ​ണ്ടി വ​രു​ന്ന​വ​രു​ണ്ട്. പു​തി​യ റോ​ഡു​ക​ൾ വ​ന്നു. അ​ത​നു​സ​രി​ച്ച് റൂ​ട്ടു​ക​ൾ പ​രി​ഷ്ക​രി​ച്ചി​ട്ടി​ല്ല.

‘‘ഞ​ങ്ങ​ൾ​ക്ക് വെ​റും 20 ശ​ത​മാ​നം ബ​ത്ത മാ​ത്ര​മേ കി​ട്ടൂ, ഈ​ടാ​ക്കു​ന്ന അ​ധി​ക പൈ​സ പോ​കു​ന്ന​ത് മു​ത​ലാ​ളി​മാ​ർ​ക്കാ​ണ്, കൂ​ടി​യാ​ൽ ര​ണ്ടു ട്രി​പ്പാ​ണ് ഞ​ങ്ങ​ൾ​ക്ക് ഒ​രു​ദി​വ​സം കി​ട്ടു​ക’’ എ​ന്നൊ​ക്കെ​യു​ള്ള സ​ങ്ക​ട​മാ​ണ് പ​രാ​തി പ​റ​യു​ന്ന​വ​രോ​ട് ഡ്രൈ​വ​ർ​മാ​ർ ന​ൽ​കു​ന്ന മ​റു​പ​ടി.

അ​മി​ത കൂ​ലി​യെ​ക്കു​റി​ച്ച് എ​യ​ർ​പോ​ർ​ട്ട് ടാ​ക്സി സ​ർ​വി​സ് യൂ​നി​യ​ൻ സെ​ക്ര​ട്ട​റി​യു​മാ​യി ഒ​രി​ക്ക​ൽ സം​സാ​രി​ച്ച​പ്പോ​ൾ കി​ട്ടി​യ മ​റു​പ​ടി ര​സ​ക​ര​മാ​യി​രു​ന്നു. ‘‘നി​ങ്ങ​ളെ ചേ​ന്ദ​മം​ഗ​ലൂ​രി​ലേ​ക്ക് കൊ​ണ്ടു​പോ​കു​ന്ന​ത് ഫ​റോ​ക്ക്, കോ​ഴി​ക്കോ​ട്, കു​ന്ദ​മം​ഗ​ലം, മ​ണാ​ശ്ശേ​രി വ​ഴി​യാ​ണ്!’’. പോ​കു​ന്ന റൂ​ട്ട് അ​ത​ല്ല​ല്ലോ എ​ന്ന് പ​റ​ഞ്ഞ​പ്പോ​ൾ, ആ ​റൂ​ട്ട് മു​മ്പ് ഫി​ക്സ് ചെ​യ്ത​താ​ണ്. അ​ത് മാ​റ്റാ​ൻ ആ​ലോ​ചി​ക്കു​ന്നു​ണ്ട് എ​ന്നാ​യി​രു​ന്നു. അ​ത് പ​റ​ഞ്ഞി​ട്ട് ഇ​പ്പോ​ൾ വ​ർ​ഷം അ​ഞ്ചാ​വു​ന്നു.

ഇ​പ്പോ​ൾ ഇ​തെ​ഴു​താ​ൻ കാ​ര​ണം, ഏ​താ​നും ആ​ഴ്ച മു​മ്പ് കോ​ഴി​ക്കോ​ട്ടേ​ക്കു​ള്ള യാ​ത്ര​യി​ൽ ക​ണ്ട ചി​ല ദ​യ​നീ​യ ദൃ​ശ്യ​ങ്ങ​ളാ​ണ്. ഫ്ലൈ​റ്റ് ക​രി​പ്പൂ​ർ റ​ൺ​വേ​യി​ൽ ഓ​ടി​ക്കി​ത​ച്ചു നി​ന്ന​പ്പോ​ൾ ഒ​രാ​ൾ ആ​രോ​ടോ ഫോ​ണി​ൽ പ​റ​യു​ന്നു. വ​ണ്ടി​യൊ​ന്നും വി​ളി​ച്ചു​വ​ര​ണ്ട, ഞാ​ൻ ആ​രു​ടെ​യെ​ങ്കി​ലും കൂ​ടെ ഷെ​യ​ർ ചെ​യ്തു​വ​രാം. അ​യാ​ൾ കൊ​യി​ലാ​ണ്ടി​ക്കാ​ര​നാ​ണ്. ഇ​റ​ങ്ങു​മ്പോ​ൾ അ​യാ​ളോ​ട് വെ​റു​തെ​യൊ​ന്ന് ചോ​ദി​ച്ചു, എ​വി​ടെ​യാ​ണ് ജോ​ലി. ഷാ​ർ​ജ​യി​ൽ ഒ​രു ഷോ​പ്പി​ലാ​ണ് എ​ന്നാ​യി​രു​ന്നു മ​റു​പ​ടി. ടാ​ക്സി കൗ​ണ്ട​റി​ൽ നി​ൽ​ക്കെ മ​റ്റൊ​രാ​ൾ വ​ന്നു മെ​ല്ലെ ചോ​ദി​ക്കു​ന്നു, ‘‘ഫ​റോ​ക്കി​ലേ​ക്കാ​ണോ, ആ​ണെ​ങ്കി​ൽ ന​മു​ക്ക് ഒ​ന്നി​ച്ചു​പോ​വാ​മാ​യി​രു​ന്നു’’- ഒ​റ്റ​ക്കൊ​രു ടാ​ക്സി വി​ളി​ച്ചു​പോ​കാ​ൻ പോ​ലും പ​റ്റാ​ത്ത അ​വ​സ്ഥ​യി​ലാ​ണ് പ​ല പ്ര​വാ​സി​ക​ളും. ഇ​ങ്ങ​നെ ഞെ​രു​ങ്ങു​ന്ന​വ​രു​ടെ ക​ഴു​ത്താ​ണ് ഇ​ല്ലാ​ത്ത കി​ലോ​മീ​റ്റ​റി​ന്റെ ചാ​ർ​ജ് ഈ​ടാ​ക്കി വ​രി​ഞ്ഞു​മു​റു​ക്കു​ന്ന​ത് എ​ന്ന​താ​ണ് സ​ങ്ക​ടം.

പ്ര​വാ​സി​ക​ൾ​ക്കാ​യി സ​ർ​ക്കാ​ർ ന​ട​ക്കാ​ത്ത പ​ല​വി​ധ വ​മ്പ​ൻ പ​ദ്ധ​തി​ക​ളും പ്ര​ഖ്യാ​പി​ക്കാ​റു​ണ്ട്. അ​തി​നു​പ​ക​രം ഇ​ത്ത​രം ചെ​റി​യ ത​ട്ടി​പ്പു​ക​ൾ​ക്കെ​ങ്കി​ലും പ​രി​ഹാ​രം ക​ണ്ടാ​ൽ ഒ​രു​പാ​ട് സാ​ധാ​ര​ണ​ക്കാ​ർ​ക്ക് ഉ​പ​കാ​ര​മാ​കും.

ഇ​ന്ത്യ​യി​ലെ ഒ​ട്ടു​മി​ക്ക എ​യ​ർ​പോ​ർ​ട്ടു​ക​ളി​ലും ഉ​ബ​ർ/​ഓ​ല സ​ർ​വി​സു​ള്ള സ്ഥി​തി​ക്ക് എ​ന്തു​കൊ​ണ്ട് കോ​ഴി​ക്കോ​ട്ടും ആ​യി​ക്കൂ​ടാ എ​ന്ന ആ​ലോ​ച​ന​യും പ്ര​സ​ക്ത​മാ​ണ്.