ഈ ​ജാ​തി​ക്ക​ളി ഇ​സ്‍ലാ​മി​ന്റേ​ത​ല്ല

മ​നു​ഷ്യ​ർ​ക്കി​ട​യി​ൽ വി​ഭാ​ഗീ​യ​ത​ക​ൾ സൃ​ഷ്ടി​ക്കു​ന്ന​ത് അ​നു​വ​ദി​ക്കാ​ത്ത, വി​വേ​ച​ന​ത്തെ വി​ല​ക്കു​ന്ന വി​ശ്വാ​സ​സം​ഹി​ത​യാ​ണ് ഇ​സ്‍ലാം. വ​ർ​ണ​വെ​റി​യും വം​ശീ​യ​ത​യും ജാ​തി​വ്യ​വ​സ്ഥ​യും ഉ​ൾ​പ്പെ​ടെ​യു​ള്ള സാ​മൂ​ഹി​ക ഉ​ച്ഛ​നീ​ച​ത്വ​ങ്ങ​ൾ​ക്കെ​തി​രാ​യ പ്ര​തി​രോ​ധ​മാ​യാ​ണ് ഇ​സ്‍ലാ​മി​ക അ​ധ്യാ​പ​ന​ങ്ങ​ളെ ലോ​കം ഉ​യ​ർ​ത്തി​പ്പി​ടി​ക്കു​ന്ന​തു​ത​ന്നെ. ച​രി​ത്ര​പ്ര​സി​ദ്ധ​രാ​യ പ​ല വ്യ​ക്തി​ത്വ​ങ്ങ​ളു​ടെ മു​ത​ൽ ജാ​തി​വി​വേ​ച​ന​ത്തി​നി​ര​യാ​യ അ​ടി​സ്ഥാ​ന ജ​ന​സ​മൂ​ഹ​ങ്ങ​ളു​ടെ​വ​രെ ഇ​സ്‍ലാം ആ​ശ്ലേ​ഷ​ണ​ത്തി​ന് പ​ല​പ്പോ​ഴും ഈ ​സ​മ​ഭാ​വ​ന​യും സ​മ​ത്വ​ചി​ന്ത​യും പ്രേരകമായതും കാ​ണാം.

എ​ന്നാ​ൽ,​ ‘‘അ​റ​ബി​ക്ക് അ​ന​റ​ബി​യെ​ക്കാ​ൾ ശ്രേ​ഷ്ഠ​ത​യി​ല്ല, വെ​ള്ള​ക്കാ​ർ​ ക​റു​ത്ത​വ​രെ​ക്കാ​ളോ ക​റു​ത്ത​വ​ർ വെ​ളു​ത്ത​വ​രേ​ക്കാ​ളോ ശ്രേ​ഷ്ഠ​ര​ല്ല’’-​എ​ന്ന് മു​ഹ​മ്മ​ദ് ന​ബി ന​ട​ത്തി​യ വി​ട​വാ​ങ്ങ​ൽ പ്ര​സം​ഗ​ത്തി​ന്റെ മ​റ്റൊ​രു ഓ​ർ​മ​പു​തു​ക്ക​ൽ ക​ഴി​ഞ്ഞ് ദി​വ​സ​ങ്ങ​ൾ പി​ന്നി​ട​വെ കേ​ര​ള​ത്തി​ലെ ഒ​രു മ​സ്ജി​ദ് ഭ​ര​ണ​സ​മി​തി അ​തി​ന് ക​ട​ക​വി​രു​ദ്ധ​മാ​യ നി​ല​പാ​ട് കൈ​ക്കൊ​ണ്ടി​രി​ക്കു​ന്നു. കോ​ട്ട​യം ജി​ല്ല​യി​ലെ ച​ങ്ങ​നാ​ശ്ശേ​രി പു​തൂ​ർ​പ​ള്ളി മു​സ്‍ലിം ജ​മാ​അ​ത്ത് പൊ​തു​യോ​ഗ​ത്തി​ൽ സം​ബ​ന്ധി​ച്ച അ​ന്നാ​ട്ടു​കാ​ര​നാ​യ ഒ​രു വി​ശ്വാ​സി​ക്ക് ന​ൽ​കി​യ ക​ത്ത് വി​വേ​ച​ന​പ​രം മാ​ത്ര​മ​ല്ല, മ​നു​ഷ്യാ​ന്ത​സ്സി​നോ​ടു​ള്ള ക​ടു​ത്ത ധി​ക്കാ​രം ത​ന്നെ​യാ​ണ്. പൂ​ർ​വി​ക കാ​ലം മു​ത​ൽ​ക്ക് നി​ല​നി​ൽ​ക്കു​ന്ന ‘കീ​ഴ്ന​ട​പ്പി’​നും പ​ള്ളി നി​യ​മാ​വ​ലി​ക്കും വി​രു​ദ്ധ​മാ​യി പൊ​തു​യോ​ഗ​ത്തി​ൽ സം​ബ​ന്ധി​ച്ച​ത് അ​റി​വി​ല്ലാ​യ്മ​യാ​യി ക​ണ​ക്കാ​ക്കി ക്ഷ​മി​ക്കു​ന്നു​വെ​ന്ന് പ​റ​യു​ന്ന ജ​മാ​അ​ത്ത് ക​മ്മി​റ്റി ഇ​നി ഇ​താ​വ​ർ​ത്തി​ക്ക​രു​ത് എ​ന്ന താ​ക്കീ​തോ​ടെ​യാ​ണ് ക​ത്ത് അ​വ​സാ​നി​പ്പി​ക്കു​ന്ന​ത്. പൂ​ർ​വി​ക​രു​ടെ കാ​ലം മു​ത​ൽ നി​ല​നി​ൽ​ക്കു​ന്ന ‘കീ​ഴ്ന​ട​പ്പ്’ എ​ന്തെ​ന്ന് പ​രി​ശോ​ധി​ക്കു​മ്പോ​ഴാ​ണ് ആ ​തീ​രു​മാ​ന​ത്തി​ലെ ഇ​സ്‍ലാം വി​രു​ദ്ധ​ത വ്യ​ക്ത​മാ​വു​ന്ന​ത്. ആ ​യു​വാ​വ് ഉ​ൾ​ക്കൊ​ള്ളു​ന്ന ഒ​സ്സാ​ൻ (ബാ​ർ​ബ​ർ) വി​ഭാ​ഗ​ങ്ങ​ളി​ൽ​പ്പെ​ട്ട മു​സ്‍ലിം​ക​ളെ പൊ​തു​യോ​ഗ​ങ്ങ​ളി​ൽ പ​​ങ്കെ​ടു​പ്പി​ക്ക​രു​തെ​ന്ന് പു​തൂ​ർ​പ​ള്ളി ജ​മാ​അ​ത്ത് ക​മ്മി​റ്റി​യു​ടെ നി​യ​മാ​വ​ലി​യി​ലു​ണ്ടെ​ത്രേ. ജ​ന​ന​ത്തി​ന്റെ​യും നി​റ​ത്തി​ന്റെ​യും വം​ശ​ത്തി​ന്റെ​യും പേ​രി​ൽ വി​വേ​ച​ന​മ​രു​തെ​ന്ന് ഇ​സ്‍ലാ​മി​ന്റെ പ​ര​മോ​ന്ന​ത നി​യ​മാ​വ​ലി​യും ജാ​തി​യു​ടെ​യും കു​ല​ത്തി​ന്റെ​യും പേ​രി​ൽ വി​വേ​ച​നം പാ​ടി​ല്ലെ​ന്ന് നാം ​ജീ​വി​ക്കു​ന്ന രാ​ഷ്ട്ര​ത്തി​ന്റെ ഭ​ര​ണ​ഘ​ട​ന​യും ഉ​ദ്ഘോ​ഷി​ക്കു​മ്പോ​ഴാ​ണ് തൊ​ഴി​ലി​ന്റെ​യും കു​ടും​ബ​പാ​ര​മ്പ​ര്യ​ത്തി​ന്റെ​യും പേ​രി​ൽ ഖാ​പ് പ​ഞ്ചാ​യ​ത്തു​ക​ളെ അ​നു​സ്മ​രി​പ്പി​ക്കും​വി​ധ​ത്തി​ൽ മ​ഹ​ല്ല് ക​മ്മി​റ്റി ഇ​ത്ത​ര​മൊ​രു തീ​ട്ടൂ​രം പു​റ​ത്തി​റ​ക്കു​ന്ന​ത്. ഇ​തി​നെ ജാ​തീ​യ​ത​യെ​ന്ന​ല്ലാ​തെ വി​ളി​ക്കാ​നാ​വി​ല്ല. പു​തൂ​ർ​പ​ള്ളി​യി​ലേ​തു​പോ​ലെ നി​യ​മാ​വ​ലി​യി​ൽ എ​ഴു​തി​വെ​ച്ചി​ട്ടി​ല്ലെ​ങ്കി​ലും കേ​ര​ള​ത്തി​ന്റെ മ​റ്റു ചി​ല ഭാ​ഗ​ങ്ങ​ളി​ലും ചി​ല വി​ഭാ​ഗ​ങ്ങ​ളെ തൊ​ഴി​ലി​ന്റെ പേ​രി​ൽ സാ​മൂ​ഹി​ക​മാ​യി അ​ക​റ്റി​നി​ർ​ത്തു​ന്ന പ്ര​വ​ണ​ത മു​സ്‍ലിം സ​മു​ദാ​യ​ത്തി​നി​ട​യി​ൽ നി​ല​നി​ൽ​ക്കു​ന്നു​ണ്ട് എ​ന്ന കാ​ര്യം നി​ഷേ​ധി​ക്കാ​നാ​വി​ല്ല. ബാ​ർ​ബ​ർ, മ​ത്സ്യ​ബ​ന്ധ​ന​ത്തി​ലേ​ർ​പ്പെ​ടു​ന്ന​വ​ർ, ഖ​ബ​ർ കു​ഴി​ക്കു​ന്ന ജോ​ലി​ചെ​യ്യു​ന്ന​വ​ർ എ​ന്നി​വ​രൊ​ക്കെ​യാ​ണ് അ​ത്ത​രം അ​നീ​തി നേ​രി​ടേ​ണ്ടി വ​രു​ന്ന​ത്. ഒ​രു കാ​ര​ണ​വ​ശാ​ലും അം​ഗീ​ക​രി​ക്കാ​നാ​വാ​ത്ത ആ ​പ്ര​വ​ണ​ത ഇ​സ്‍ലാ​മി​ക വി​ശ്വാ​സ​ത്തി​ന് ക​ട​ക​വി​രു​ദ്ധ​വു​മാ​ണ്.

പു​തൂ​ർ​പ​ള്ളി ജ​മാ​അ​ത്തി​ന്റെ നി​ല​പാ​ടി​നെ ന്യാ​യീ​ക​രി​ക്കാ​ൻ കേ​ര​ള​ത്തി​ലെ ഏ​തെ​ങ്കി​ലു​മൊ​രു മു​സ്‍ലിം സം​ഘ​ട​ന മു​ന്നോ​ട്ടു​വ​ന്നി​ല്ല എ​ന്ന​ത് ശ്ര​ദ്ധേ​യ​മാ​ണ്, മു​ൻ​നി​ര സം​ഘ​ട​നാ നേ​താ​ക്ക​ളി​ൽ പ​ല​രും ഈ ​ന​ട​പ​ടി​യെ പ​ര​സ്യ​മാ​യി ത​ള്ളി​പ്പ​റ​ഞ്ഞ​തും ന​ല്ല കാ​ര്യം ത​ന്നെ. പ​ക്ഷേ, മ​ന​സ്സ് മു​റി​പ്പെട്ട മ​നു​ഷ്യ​രു​ടെ വേ​ദ​ന​മാ​റ്റാ​നും ഈ ​വി​പ​ത്തി​നെ ​വേ​രോ​ടെ നീ​ക്കം ചെ​യ്യാ​നും അ​തു​മാ​ത്രം പ​ര്യാ​പ്ത​മ​ല്ല. ഇ​ത്ത​ര​മൊ​രു അ​ന​ഭി​ല​ഷ​ണീ​യ വി​വേ​ച​ന സാ​ഹ​ച​ര്യം നി​ല​നി​ൽ​ക്കു​ന്നു എ​ന്ന യാ​ഥാ​ർ​ഥ്യം അം​ഗീ​ക​രി​ച്ചു കൊ​ണ്ടു​ത​ന്നെ വി​ഷ​യ​ത്തെ സം​ബോ​ധ​ന ചെ​യ്യാ​ൻ അ​വ​ർ മു​ന്നോ​ട്ടു​വ​ര​ണം. മ​ത-​സാ​മൂ​ഹി​ക ജീ​വി​ത​ത്തി​ന്റെ ഒ​രു കോ​ണി​ലും ജാ​തീ​യ​ത​യു​ടെ ലാ​ഞ്ഛ​ന​യു​ണ്ടാ​വു​ന്നി​ല്ലെ​ന്ന് ഉ​റ​പ്പാ​ക്കാ​ൻ അ​ണി​ക​ൾ​ക്ക് നി​ർ​ദേ​ശം ന​ൽ​കേ​ണ്ട സാ​മൂ​ഹി​ക ബാ​ധ്യ​ത മ​ത​പ​ണ്ഡി​ത​ർ​ക്കു​ണ്ട്. മ​ഹ​ല്ലു​ക​ളി​ലും അ​നു​ബ​ന്ധ സം​വി​ധാ​ന​ങ്ങ​ളി​ലും ജാ​തീ​യ ഉ​ച്ഛ​നീ​ച​ത്വ​ങ്ങ​ൾ ഇ​ല്ലെ​ന്നു​റ​പ്പി​ക്കാ​ൻ മ​ത​സം​ഘ​ട​ന​ക​ൾ​ക്കും ഇ​സ്‍ലാ​മി​ക പ​ണ്ഡി​ത​ർ​ക്കും മ​സ്ജി​ദ് ക​മ്മി​റ്റി​ക​ൾ​ക്കും സാധിക്കണം. അ​നീ​തി​യു​ടെ അ​വ​സാ​ന ക​ണി​ക​യേ​യും തൂ​ത്തു​മാ​റ്റു​ക എ​ന്ന​താ​ണ് സ​മു​ദാ​യം ഏ​റ്റെ​ടു​ക്കേ​ണ്ട ദൗ​ത്യം. മ​റ്റു സാ​മൂ​ഹി​ക വി​പ​ത്തു​ക​ൾ​ക്കെ​തി​രെ പു​ല​ർ​ത്തു​ന്ന ജാ​ഗ്ര​ത സ​മു​ദാ​യ​ത്തി​ൽ ജാ​തീ​യ​ത​യും അ​യി​ത്ത​വും ക​ട​ന്നു​കൂ​ടു​ന്നി​ല്ലെ​ന്ന് ഉ​റ​പ്പു​വ​രു​ത്തുന്നതിലും അ​വ​ർ പാ​ലി​ക്ക​ണം.

ഇ​ത്ത​രം വി​വേ​ച​ന​ങ്ങ​ളെ ശ​രി​യാം​വി​ധം അ​ഭി​മു​ഖീ​ക​രി​ക്കു​ന്ന​തി​ൽ വ​രു​ത്തു​ന്ന വീ​ഴ്ച ആ​ത്യ​ന്തി​ക​മാ​യി ഗു​ണം ചെ​യ്യു​ക സം​ഘ്പ​രി​വാ​ർ ഉ​ൾ​പ്പെ​ടെ​യു​ള്ള പ്ര​തി​ലോ​മ​ശ​ക്തി​ക​ൾ​ക്കാ​ണ്. ആ​ദി​വാ​സി​യു​ടെ മു​ഖ​ത്ത് മൂ​ത്ര​മൊ​ഴി​ക്കാ​ൻ​പോ​ലും ധാ​ർ​ഷ്ട്യം കാ​ണി​ക്കു​ന്ന​ത്ര മേ​ൽ​ജാ​തി​ വാ​ദം കൊ​ടി​കു​ത്തി വാ​ഴു​ന്ന ഉ​ത്ത​രേ​ന്ത്യ​യി​ൽ അ​തി​ന് ആ​വ​ശ്യ​ത്തി​ലേ​റെ ഉ​ദാ​ഹ​ര​ണ​ങ്ങ​ളു​ണ്ട്. അ​വി​ടെ ചി​ല മേ​ഖ​ല​ക​ളി​ൽ പ്ര​ക​ട​മാ​യ രീ​തി​യി​ൽ ജാ​തി​ചി​ന്ത മു​സ്‍ലിം സ​മു​ദാ​യ​ത്തി​നി​ട​യി​ലു​മു​ണ്ട്. സ്വ​സ​മു​ദാ​യ​ത്തി​ൽ​നി​ന്ന് വി​വേ​ച​നം നേ​രി​ടേ​ണ്ടി​വ​ന്ന പ​സ് മാ​ന്ദ​ക​ൾ എ​ന്ന​റി​യ​പ്പെ​ടു​ന്ന മു​സ്‍ലിം​ക​ളെ സം​ഘ്പ​രി​വാ​രം അ​വ​രു​ടെ പാ​ള​യ​ത്തി​ലേ​ക്ക് ആ​ക​ർ​ഷി​ക്കു​ക​യും രാ​ഷ്ട്രീ​യ നേ​ട്ട​ങ്ങ​ൾ​ക്ക് ക​രു​വാ​ക്കു​ക​യും ചെ​യ്തു​വെ​ന്ന​താ​യി​രു​ന്നു ഈ ​ജാ​തി​ചി​ന്ത​യു​ടെ​യും വി​വേ​ച​ന​ത്തി​ന്റെ​യും സ​മീ​പ​കാ​ല പ​രി​ണ​തി. മ​ത​പ​ണ്ഡി​ത​രും സ​മു​ദാ​യ നേ​തൃ​ത്വ​വും മു​ന്നി​ട്ടി​റ​ങ്ങു​ക​യും ജാ​തി​യെ കു​ട​ഞ്ഞെ​റി​യാ​ൻ ത​യാ​റാ​വു​ക​യും ചെ​യ്താ​ൽ മാ​ത്ര​മേ അ​ത്ത​ര​മൊ​രു അ​നി​ഷ്ട​ക​ര​മാ​യ സാ​ഹ​ച​ര്യം കേ​ര​ള​ത്തി​ലും ആ​വ​ർ​ത്തി​ക്ക​പ്പെ​ടാ​തി​രി​ക്കൂ.