തൂ​ത്തു​വാ​രി തൃ​ണ​മൂ​ൽ

നാ​ൽ​പ​ത്ത​ഞ്ചോ​ളം മ​നു​ഷ്യ​രു​ടെ മ​ര​ണ​ത്തി​ൽ ക​ലാ​ശി​ച്ച അ​ക്ര​മ​വും ഹിം​സ​യും അ​ഴി​ഞ്ഞാ​ടി​യ പ​ശ്ചി​മ​ബം​ഗാ​ൾ പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​ന്റെ ഫ​ലം പൂ​ർ​ണ​മാ​യി പു​റ​ത്തു​വ​രാ​നി​രി​ക്കെ 90 ശ​ത​മാ​നം സീ​റ്റു​ക​ൾ നേ​ടി മ​മ​താ ബാ​ന​ർ​ജി​യു​ടെ തൃ​ണ​മൂ​ൽ കോ​ൺ​ഗ്ര​സ് പ്ര​ധാ​ന പ്ര​തി​പ​ക്ഷ പാ​ർ​ട്ടി​ക​ളെ​യാ​കെ ത​ക​ർ​ത്തു​ത​രി​പ്പ​ണ​മാ​ക്കി മു​ന്നേ​റ്റം തു​ട​രു​ന്നു​വെ​ന്നാ​ണ് റി​പ്പോ​ർ​ട്ടു​ക​ൾ. സ​മാ​ധാ​ന​പ​ര​മാ​യ തെ​ര​ഞ്ഞെ​ടു​പ്പി​ന് ക​ഴി​ഞ്ഞ​ കാ​ല​ത്തൊ​രി​ക്ക​ലും ബം​ഗാ​ൾ സാ​ക്ഷ്യം​വ​ഹി​ച്ചി​ട്ടി​ല്ലെ​ങ്കി​ലും ഇ​ത്ത​വ​ണ ചോ​ര​ക്ക​ളി അ​ഭൂ​ത​പൂ​ർ​വ​മാ​യി​രു​ന്നു എ​ന്നാ​ണ് പു​റ​ത്തു​വ​ന്ന വി​വ​രം. 70,000 പ്രാ​ദേ​ശി​ക പൊ​ലീ​സു​കാ​ർ​ക്ക് പു​റ​മെ ഭ​ര​ണ​ക​ക്ഷി​യാ​യ തൃ​ണ​മൂ​ലി​ന്റെ എ​തി​ർ​പ്പി​നെ മ​റി​ക​ട​ന്ന് മോ​ദി​സ​ർ​ക്കാ​ർ 65,000 സി.​ആ​ർ.​പി​ക്കാ​രെ​യും സ​മാ​ധാ​ന​പാ​ല​ന​ത്തി​ന​യച്ചു. പ​ക്ഷേ, അ​ക്ര​മ​സം​ഭ​വ​ങ്ങ​ളൊ​തു​ക്കി​ സ​മാ​ധാ​ന​പ​ര​മാ​യ വോ​ട്ടെ​ടു​പ്പ് ഉ​റ​പ്പു​വ​രു​ത്താ​ൻ സു​ര​ക്ഷാ​സേ​ന​ക്ക് സാ​ധി​ച്ചി​ല്ലെ​ന്ന​തി​ന്റെ തെ​ളി​വാ​ണ് 697 ജി​ല്ല പ​രി​ഷ​ത് ബൂ​ത്തു​ക​ളി​ലും 9730 പ​ഞ്ചാ​യ​ത്ത് സ​മി​തി​ക​ളി​ലും വീ​ണ്ടും വോ​ട്ടെ​ടു​പ്പ് വേ​ണ്ടി​വ​ന്ന​ത്. ബാ​ല​റ്റ് പെ​ട്ടി​ക​ൾ ത​ട്ടി​ക്കൊ​ണ്ടു​പോ​യി ക​ള്ള​വോ​ട്ടു​ക​ൾ നി​റ​ക്ക​ൽ, ബൂ​ത്ത് പി​ടി​ക്ക​ൽ, പ്രി​സൈ​ഡി​ങ് ഓ​ഫി​സ​ർ​മാ​രെ ആ​ക്ര​മി​ക്ക​ൽ തു​ട​ങ്ങി​യ സം​ഭ​വ​ങ്ങ​ൾ മു​ർ​ഷി​ദാ​ബാ​ദ്, കു​ച്ച്ബി​ഹാ​ർ, മാ​ൽ​ഡ, ദ​ക്ഷി​ണ 24 പ​ർ​ഗാ​നാ​സ്, നോ​ർ​ത്ത് ദി​നാ​ജ്പു​ർ, നാ​ദി​യ ജി​ല്ല​ക​ളി​ലാ​ണ് കൂ​ടു​ത​ൽ ന​ട​മാ​ടി​യത്​. കൊ​ല്ല​പ്പെ​ട്ട​വ​രി​ൽ ന​ല്ല​പ​ങ്ക് ഭ​ര​ണ​ക​ക്ഷി​യാ​യ തൃ​ണ​മൂ​ൽ ​പ്ര​വ​ർ​ത്ത​ക​രാ​ണെ​ന്ന വ​സ്തു​ത പ്ര​തി​പ​ക്ഷം ആ​രോ​പി​ക്കും​പോ​ലെ ഏ​ക​പ​ക്ഷീ​യ​മാ​യി​രു​ന്നി​ല്ല തേ​ർ​വാ​ഴ്ച എ​ന്ന് കാ​ണി​ക്കു​ന്നു. ഒ​ടു​വി​ൽ ഫ​ല​ങ്ങ​ൾ പു​റ​ത്തു​വ​രു​മ്പോ​ൾ മ​മ​താ​ബാ​ന​ർ​ജി​യു​ടെ പ്ര​ഭാ​വ​വും സ്വാ​ധീ​ന​വും ഒ​ട്ടും കു​റ​ഞ്ഞി​ട്ടി​ല്ലെ​ന്നാ​ണ് തെ​ളി​യു​ന്ന​ത്. 63,229 ഗ്രാ​മ​പ​ഞ്ചാ​യ​ത്ത് സീ​റ്റു​ക​ളി​ൽ 42,097 സീ​റ്റു​ക​ൾ ഇ​തി​ന​കം തൃ​ണ​മൂ​ൽ ജ​യി​ച്ചു​ക​ഴി​ഞ്ഞു. പ്ര​തി​പ​ക്ഷ​ത്തെ ബി.​ജെ.​പി​ക്ക് 9223ഉം ​ഇ​ട​തു​മു​ന്ന​ണി​ക്ക് 3021ഉം ​കോ​ൺ​ഗ്ര​സി​ന് 2430 സീ​റ്റു​ക​ളു​മാ​ണ് ബു​ധ​നാ​ഴ്ച ഉ​ച്ച​വ​രെ കൈ​വ​ന്ന​ത്. അ​വ​ശേ​ഷി​ച്ച സീ​റ്റു​ക​ളി​ല​ധി​ക​വും തൃ​ണ​മൂ​ൽ സ്ഥാ​നാ​ർ​ഥി​ക​ൾ മു​ന്നി​ട്ടു​നി​ൽ​ക്കു​ന്നു. ജി​ല്ല പ​രി​ഷ​ത്തു​ക​ളി​ലാ​വ​ട്ടെ, 208 സീ​റ്റ് ഭ​ര​ണ​ക​ക്ഷി​യെ തു​ണ​ച്ച​പ്പോ​ൾ ബി.​ജെ.​പി​ക്ക് വെ​റും നാ​ലെ​ണ്ണ​മേ കി​ട്ടി​യി​ട്ടു​ള്ളൂ. കോ​ൺ​ഗ്ര​സ് നാ​ല് പ​രി​ഷ​ത്തു​ക​ൾ നേ​ടി​യ​പ്പോ​ൾ ദ​യ​നീ​യ​മാ​ണ് സി.​പി.​എ​മ്മി​ന്റെ സ്ഥി​തി. ര​ണ്ടേ​ ര​ണ്ട് പ​രി​ഷ​ത് സീ​റ്റു​ക​ളു​മാ​യി നോ​ക്കു​കു​ത്തി​യാ​വേ​ണ്ടി​വ​ന്നി​രി​ക്കു​ന്നു 35 വ​ർ​ഷം സം​സ്ഥാ​നം ഭ​രി​ച്ച പാ​ർ​ട്ടി. നി​യ​മ​സ​ഭ തെ​ര​ഞ്ഞെ​ടു​പ്പി​ലെ​ന്ന ​പോ​ലെ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലേ​ക്കു​ള്ള ഇ​ല​ക്ഷ​നി​ലും കോ​ൺ​ഗ്ര​സു​മാ​യു​ണ്ടാ​ക്കി​യ കൂ​ട്ടു​കെ​ട്ട് സി.​പി.​എ​മ്മി​ന് ന​ഷ്ട​ക്ക​ച്ച​വ​ട​മാ​യി.

2024ലെ ​ലോ​ക്സ​ഭ തെ​ര​ഞ്ഞെ​ടു​പ്പ് ​പ്ര​ചാ​ര​ണ​ത്തി​ന് തി​ര​ശ്ശീ​ല​യു​യ​രു​മ്പോ​ഴേ​ക്ക് തൃ​ണ​മൂ​ലി​ന്റെ അ​പ്ര​തി​രോ​ധ്യ​മാ​യ മു​ന്നേ​റ്റ​വും പ്ര​തി​പ​ക്ഷ​ത്തി​ന്റെ ത​ക​ർ​ച്ച​യു​മെ​ന്ന​ത് അ​വ​ർ​ക്ക് ഹൃ​ദ​യ​മി​ടി​പ്പി​ന് വേ​ഗം കൂ​ട്ടു​ന്ന​താ​ണ്. മൊ​ത്തം 42 ലോ​ക്സ​ഭ സീ​റ്റു​ക​ളി​ൽ നി​ല​വി​ൽ തൃ​ണ​മൂ​ലി​ന് 22 സീ​റ്റു​ക​ളും ബി.​ജെ.​പി​ക്ക് 18ഉം ​കോ​ൺ​ഗ്ര​സി​ന് ര​ണ്ടും സീ​റ്റു​ക​ളാ​ണു​ള്ള​ത്. സി.​പി.​എ​മ്മി​ന് വ​ട്ട​പ്പൂ​ജ്യ​വും. പ​ഞ്ചാ​യ​ത്ത്-​ജി​ല്ല പ​രി​ഷ​ത് തെ​ര​ഞ്ഞെ​ടു​പ്പി​ൽ​നി​ന്ന് വ്യ​ത്യ​സ്ത​മാ​ണ് പാ​ർ​ല​മെ​ന്റ് തെ​ര​ഞ്ഞെ​ടു​പ്പ് എ​ന്ന് സ​മ്മ​തി​ച്ചാ​ലും ഫ​ല​ത്തെ​യാ​കെ ത​കി​ടം​മ​റി​ക്കു​ന്ന മാ​റ്റ​ങ്ങ​ളൊ​ന്നും പ്ര​തീ​ക്ഷി​ക്കാ​നാ​വി​ല്ല. അ​തി​ന​ർ​ഥം ദേ​ശീ​യ​ത​ല​ത്തി​ൽ പ്ര​തി​പക്ഷ ഐ​ക്യം യാ​ഥാ​ർ​ഥ്യ​മാ​യാ​ൽ​ത​ന്നെ പ്രാ​ദേ​ശി​ക ക​ക്ഷി​ക​ളു​ടെ വി​ല​പേ​ശ​ൽ​ശ​ക്തി വ​ർ​ധി​ക്കു​ന്ന​തോ​ടൊ​പ്പം കോ​ൺ​ഗ്ര​സി​നും മേ​ൽ​ക്കൈ ഏ​റെ​യൊ​ന്നും പ്ര​തീ​ക്ഷി​ക്കാ​നാ​വി​ല്ല എ​ന്ന​തു​ത​ന്നെ. പ​ര​മാ​വ​ധി വി​ട്ടു​വീ​ഴ്ച ചെ​യ്ത് തൃ​ണ​മൂ​ൽ, ഡി.​എം.​കെ, സ​മാ​ജ്‍വാ​ദി തു​ട​ങ്ങി​യ പാ​ർ​ട്ടി​ക​ളെ കൂ​ടെ​നി​ർ​ത്താ​ൻ സാ​ധി​ച്ചാ​ലേ കോ​ൺ​ഗ്ര​സ് ക​ണ​ക്കു​കൂ​ട്ടു​ന്ന അ​ട്ടി​മ​റി​ക്ക് നേ​രി​യ സാ​ധ്യ​ത​യെ​ങ്കി​ലും കാ​ത്തി​രി​ക്കേ​ണ്ട​തു​ള്ളൂ. ബം​ഗാ​ളിൽ മ​മ​ത ബാ​ന​ർ​ജി​ക്കു​ശേ​ഷം ആ​ര് എ​ന്ന​ചോ​ദ്യം ഉ​യ​ർ​ന്നു​തു​ട​ങ്ങി. ആ​ദ​ർ​ശ​പ​ര​മാ​യോ പ്ര​ത്യ​യ​ശാ​സ്ത്ര​പ​ര​മാ​യോ വ്യ​തി​രി​ക്ത​ത​യൊ​ന്നും അ​വ​കാ​ശ​പ്പെ​ടാ​നി​ല്ലാ​ത്ത വ്യ​ക്ത്യാ​ധി​ഷ്ഠി​ത പാ​ർ​ട്ടി​യാ​ണ് തൃ​ണ​മൂ​ൽ. ഇ​പ്പോ​ൾ മി​ക്ക പാ​ർ​ട്ടി​ക​ളും അ​ത്ത​ര​മൊ​രു പ​ത​ന​ത്തി​ലെ​ത്തി​യി​രി​ക്കു​ന്നു എ​ന്ന​ത് വേ​റെ കാ​ര്യം. മ​മ​ത​യു​ടെ മ​റ​വി​ൽ ക​ളി​ക്കു​ന്ന​തും പി​ൻ​ഗാ​മി​യാ​വാ​ൻ പ​ണി​യെ​ടു​ക്കു​ന്ന​തും മ​രു​മ​ക​ൻ അ​ഭി​ഷേ​ക് ബാ​ന​ർ​ജി​യാ​ണ്. മ​രു​മ​ക​നാ​ണ് പി​ൻ​ഗാ​മി​യെ​ന്ന സൂ​ച​ന​ക​ൾ മ​മ​ത​യും ന​ൽ​കാ​തി​രി​ക്കു​ന്നി​ല്ല. മ​തേ​ത​ര ജ​നാ​ധി​പ​ത്യ​വും സ്വാ​ത​ന്ത്ര്യ​വും ക​ടു​ത്ത​ഭീ​ഷ​ണി നേ​രി​ടു​ന്ന വ​ർ​ത്ത​മാ​ന​ പ​രി​ത​സ്ഥി​തി​യി​ൽ ഭ​ര​ണ​ഘ​ട​ന​യു​ടെ മൗ​ലി​ക ത​ത്ത്വ​ങ്ങ​ളോ​ട് അ​ഭി​ഷേ​കി​നും പാ​ർ​ട്ടി​ക്കും എ​ത്ര​മാ​ത്രം പ്ര​തി​ബ​ദ്ധ​ത​യു​ണ്ട് എ​ന്ന് കാ​ണാ​നി​രി​ക്കു​​ന്ന​തേ​യു​ള്ളൂ. ബം​ഗാ​ളി​ന്റെ ഭാ​ഗ​ധേ​യം നി​ർ​ണ​യി​ക്കു​ന്ന​തി​ൽ സു​പ്ര​ധാ​ന പ​ങ്കു​വ​ഹി​ക്കു​ന്ന മ​ത​ന്യൂ​ന​പ​ക്ഷ​മാ​ണ് തൃ​ണ​മൂ​ലി​ന്റെ അ​ടി​സ്ഥാ​ന​ശ​ക്തി. അ​തി​ലേ​ക്ക് ബം​ഗാ​ളി ഉ​പ​ദേ​ശീ​യ​ത​യു​ടെ വീ​റും വീ​ര്യ​വും ചേ​ർ​ത്തു​കൊ​ണ്ടാ​ണ് ഒ​ടു​വി​ല​ത്തെ നി​യ​മ​സ​ഭ തെ​ര​ഞ്ഞെ​ടു​പ്പി​ൽ ബി.​ജെ.​പി​യു​ടെ മു​ഴു​വ​ൻ ശ​ക്തി​സ​ന്നാ​ഹ​ങ്ങ​ളെ​യും ഭീ​ഷ​ണി​യെ​യും മ​മ​ത അ​തി​ജീ​വി​ച്ച​ത്. അ​സ​ദു​ദ്ദീ​ൻ ഉ​വൈ​സി​യു​ടെ ക​ട​ന്നു​ക​യ​റ്റ​മോ ഇ​ന്ത്യ​ൻ സെ​ക്കു​ല​ർ ഫ്ര​ണ്ടി​ന്റെ രം​ഗ​പ്ര​വേ​ശ​ന​മോ ഒ​ന്നും മ​മ​ത​യെ കൈ​വി​ടാ​ൻ ന്യൂ​ന​പ​ക്ഷ​ത്തെ പ്രേ​രി​പ്പി​ച്ചി​ട്ടി​ല്ല. അ​തേ​സ​മ​യം, ബി.​ജെ.​പി​യു​ടെ സാ​മു​ദാ​യി​ക ധ്രു​വീ​ക​ര​ണ ശ്ര​മ​ങ്ങ​ളെ ഫ​ല​പ്ര​ദ​മാ​യി നേ​രി​ടു​ക എ​ന്ന​ത് മ​മ​ത​ക്കി​പ്പോ​ഴും വെ​ല്ലു​വി​ളി​യാ​ണു​താ​നും.