പ്ര​ധാ​ന​മ​ന്ത്രി​യും ഒ​രു കു​ട​ശ്ശീ​ല​യും

ഭ​ര​ണ​മി​ടു​ക്കാ​യി ഒ​ന്നും എ​ടു​ത്തു​കാ​ട്ടാ​നി​ല്ലാ​തെ​വ​രു​മ്പോ​ൾ വ്യ​ക്തി​ഹ​ത്യ​യും ചി​ത്ര​വ​ധ​വു​മാ​യി പ്ര​തി​പ​ക്ഷ​നേ​താ​ക്ക​ളെ പി​ന്തു​ട​രു​ന്ന ശൈ​ലി ക​ക്ഷി​രാ​ഷ്ട്രീ​യ​ത്തി​ലെ ഏ​റ്റ​വും ത​രം​താ​ണ അ​ട​വാ​യാ​ണ് പൊ​തു​വെ വി​ല​യി​രു​ത്ത​പ്പെ​ടാ​റ്. ദേ​ശീ​യ​രാ​ഷ്ട്രീ​യ​ത്തി​ലും സം​സ്ഥാ​ന​രാ​ഷ്ട്രീ​യ​ത്തി​ലു​മൊ​ക്കെ ഇ​ത് പ​യ​റ്റു​ന്ന​വ​രു​ണ്ടെ​ങ്കി​ലും ദേ​ശീ​യ​രാ​ഷ്ട്രീ​യ​ത്തി​ൽ സം​ഘ്​​പ​രി​വാ​ർ ക​ക്ഷി​ക​ളാ​ണ്​ അ​തി​ൽ മു​ന്നി​ലെ​ന്ന​തി​ന്​ സ​മ​കാ​ല സം​ഭ​വ​ങ്ങ​ൾ സാ​ക്ഷി. രാ​ഹു​ൽ​ഗാ​ന്ധി​യെ​ക്കു​റി​ച്ച പ​പ്പു പ്ര​തി​ച്ഛാ​യ അ​ങ്ങ​നെ നി​ർ​മി​ച്ചെ​ടു​ത്ത​താ​ണ്. എ​ന്നാ​ൽ, ഇ​ത്ത​രം വി​മ​ർ​ശ​ന​ങ്ങ​ൾ ത​രി​മ്പി​നു​പോ​ലും സം​ഘ്​​പ​രി​വാ​ർ പൊ​റു​ക്കാ​റു​മി​ല്ല. പ്ര​ധാ​ന​മ​ന്ത്രി​യെ കു​റ്റ​പ്പെ​ടു​ത്തു​ന്ന ‘പ്ര​തി​ക​ളെ’ സൈ​ബ​ർ ലി​ഞ്ചി​ങ്ങി​നു ഇ​ര​യാ​ക്കാ​നും കോ​ട​തി ക​യ​റ്റാ​നു​മൊ​ക്കെ അ​വ​ർ ധൃ​ഷ്ട​രാ​കും. എ​തി​രാ​ളി​ക​ൾ​ക്കെ​തി​രെ അ​റു​വ​ഷ​ള​ൻ ആ​രോ​പ​ണ​ങ്ങ​ൾ ഉ​ന്ന​യി​ക്കു​ന്ന​തി​ൽ അ​വ​ർ​ക്ക്​ ല​വ​ലേ​ശം മ​ടി​യു​മി​ല്ല. ഈ​യി​ടെ​യാ​യി പ്ര​ധാ​ന​മ​ന്ത്രി ന​രേ​ന്ദ്ര മോ​ദി ത​ന്നെ വ്യ​ക്തി​പ​ര​മാ​യ പ​രി​ഹാ​സ​ത്തി​നും ആ​ക്ഷേ​പ​ത്തി​നും മു​തി​രു​ന്ന​ത്​ കാ​ണാ​നാ​കും. അ​തി​ലൊ​ന്നാ​ണ്​ ക​ർ​ണാ​ട​ക​യി​ലെ ബെ​ള​ഗാ​വി​യി​ൽ ബി.​ജെ.​പി റാ​ലി​യി​ൽ സം​സാ​രി​ക്ക​വേ അ​ദ്ദേ​ഹം ന​ട​ത്തി​യ പ​രാ​മ​ർ​ശം. "കോ​ൺ​ഗ്ര​സ് പ്ലീ​ന​റി സ​മ്മേ​ള​ന​ത്തി​ൽ ഖാ​ർ​ഗെ​യെ കൈ​കാ​ര്യം ചെ​യ്ത രീ​തി ക​ണ്ട​പ്പോ​ൾ സ​ങ്ക​ടം തോ​ന്നി. ക​ടു​ത്ത ഉ​ഷ്ണ​കാ​ലാ​വ​സ്ഥ​യി​ലും ഒ​രു കു​ട​യു​ടെ ത​ണ​ൽ കി​ട്ടാ​ൻ അ​ദ്ദേ​ഹ​ത്തി​നു യോ​ഗ​മു​ണ്ടാ​യി​ല്ല. ആ ​ഭാ​ഗ്യം അ​ടു​ത്ത് നി​ൽ​ക്കു​ന്ന മ​റ്റൊ​രാ​ൾ​ക്ക് സം​വ​ര​ണം ചെ​യ്തി​രി​ക്കു​ക​യാ​യി​രു​ന്നു. ഇ​ത് കാ​ണി​ക്കു​ന്ന​ത് ഖാ​ർ​ഗെ നാ​മ​മാ​ത്ര കോ​ൺ​ഗ്ര​സ്​ പ്ര​സി​ഡ​ന്റാ​ണെ​ന്നും പാ​ർ​ട്ടി ച​ലി​ക്കു​ന്ന​ത് ഒ​രു കു​ടും​ബ​ത്തി​ന്റെ റി​മോ​ട്ട് ക​ൺ​ട്രോ​ളി​ലാ​ണ് എ​ന്നു​മാ​ണ്’’ -ഇ​താ​യി​രു​ന്നു മോ​ദി​യു​ടെ ക​മ​ൻ​റ്.

രോ​ഗ​ചി​കി​ത്സ​യി​ലു​ള്ള കോ​ൺ​ഗ്ര​സ്​ മു​ൻ അ​ധ്യ​ക്ഷ സോ​ണി​യ ഗാ​ന്ധി​ക്ക്​ സു​ര​ക്ഷ ഉ​ദ്യോ​ഗ​സ്ഥ​ൻ കു​ട​പി​ടി​ച്ചു കൊ​ടു​ത്ത​തി​നെ​യാ​ണ്​ മോ​ദി പ​രി​ഹ​സി​ച്ച​ത്. രോ​ഗി​യാ​യ​തി​നാ​ൽ വെ​യി​ലും പൊ​ടി​യും ഉ​ള്ളി​ട​ത്ത് നി​ൽ​ക്ക​രു​തെ​ന്ന വൈ​ദ്യോ​പ​ദേ​ശം അ​വ​ഗ​ണി​ച്ച്​ പാ​ർ​ട്ടി​യോ​ടു​ള്ള അ​ർ​പ്പ​ണ​ബോ​ധം കൊ​ണ്ടു​മാ​ത്രം അ​ണി​ക​ളു​ടെ ആ​വേ​ശ​ത്തി​ൽ അ​ണി​ചേ​രാ​നെ​ത്തി​യ​താ​ണ്​ സോ​ണി​യ. അ​ത്ത​ര​മൊ​രാ​ളോ​ട്​ ആ​രും കാ​ണി​ക്കു​ന്ന സാ​മാ​ന്യ മാ​നു​ഷി​ക മ​ര്യാ​ദ​യെ പ​രി​ഹ​സി​ക്കു​ന്ന​ത്​ ആ​രോ അ​ല്ല, രാ​ജ്യം ഭ​രി​ക്കു​ന്ന പ്ര​ധാ​ന​മ​ന്ത്രി​യാ​ണ്. മോ​ദി​യു​ടെ പ​രാ​മ​ർ​ശ​ത്തോ​ട് കോ​ൺ​ഗ്ര​സ് വ​ക്താ​വ് സു​പ്രി​യ ശ്രീ​നേ​റ്റ് രൂ​ക്ഷ​മാ​യാ​ണ് പ്ര​തി​ക​രി​ച്ച​ത്. പ്ര​ധാ​ന​മ​ന്ത്രി ഖാ​ർ​ഗെ​യെ​ക്കു​റി​ച്ച് ഇ​ത്ര​യും പ​റ​യു​മ്പോ​ൾ അ​ദ്ദേ​ഹ​ത്തെ ക​ഴി​ഞ്ഞ അ​ര നൂ​റ്റാ​ണ്ടാ​യി വി​വി​ധ സ​ഭ​ക​ളി​ലേ​ക്കു തെ​ര​ഞ്ഞെ​ടു​ത്ത ജ​ന​ങ്ങ​ളെ കൊ​ച്ചാ​ക്കു​ക​യാ​ണ് മോ​ദി എ​ന്നാ​യി​രു​ന്നു കോ​ൺ​ഗ്ര​സ്​ പ്ര​തി​ക​ര​ണം.

ന​രേ​ന്ദ്ര മോ​ദി​ക്ക്‌ പ്ര​തി​പ​ക്ഷ ക​ക്ഷി​യാ​യ കോ​ൺ​ഗ്ര​സി​നെ വി​മ​ർ​ശി​ക്കു​ക​യും ക​ളി​യാ​ക്കു​ക​യും ചെ​യ്യാം. എ​ന്നാ​ൽ, ഉ​ള്ള​ട​ക്ക​വും സ്വ​ര​വും അ​തി​ന്‍റെ നി​ല​വാ​രം നി​ശ്ച​യി​ക്കു​മെ​ന്നു​മോ​ർ​ക്ക​ണം. കോ​ൺ​ഗ്ര​സി​ന്റെ ന​യ​ങ്ങ​ളെ എ​തി​ർ​ക്കാ​ൻ എ​ന്തെ​ങ്കി​ലും പ​റ​യു​ന്ന​തു​പോ​ലെ​യ​ല്ല ഒ​രു കു​ട​യു​ടെ മ​റ പ​റ്റി കോ​ൺ​ഗ്ര​സ്​ നേ​തൃ​ത്വ​ത്തെ പ്ര​ധാ​ന​മ​ന്ത്രി പ​രി​ഹ​സി​ക്കു​ന്ന​ത്. എ​ന്തി​നു​മേ​തി​നും ഒ​രു കു​ടും​ബ​ത്തെ പ​രാ​മ​ർ​ശി​ച്ചു ന​ട​ത്തു​ന്ന വി​മ​ർ​ശ​നം ജ​നാ​ധി​പ​ത്യ​ത്തി​ലെ ആ​രോ​ഗ്യ​ക​ര​മാ​യ സം​വാ​ദ​മാ​വി​ല്ല. കോ​ൺ​ഗ്ര​സി​ലെ കു​ടും​ബ​വാ​ഴ്ച വി​മ​ർ​ശ​ന​വി​ധേ​യം ത​ന്നെ​യാ​ണ്. എ​ന്നാ​ൽ, ഒ​രു പ്ര​ധാ​ന​മ​ന്ത്രി​ക്ക് ഒ​രു പ്ര​തി​പ​ക്ഷ പാ​ർ​ട്ടി​യെ​ക്കു​റി​ച്ച് എ​ടു​ത്തു​പ​റ​യാ​ൻ കാ​മ്പു​ള്ള കാ​ര്യ​ങ്ങ​ളും വേ​ണം. മാ​ത്ര​മ​ല്ല, പ​ല വി​മ​ർ​ശ​ന​ങ്ങ​ളി​ലും കോ​ൺ​ഗ്ര​സ് നേ​തൃ​ത്വ​ത്തെ​ക്കു​റി​ച്ച് വ്യം​ഗ്യ​പ്ര​യോ​ഗ​ങ്ങ​ളും മു​ന​വെ​ച്ച വാ​ക്കു​ക​ളു​മൊ​ക്കെ​യാ​ണ്​ ഉ​പ​യോ​ഗി​ക്കാ​റു​ള്ള​ത്​.

ദേ​ശീ​യ സു​ര​ക്ഷ ഗാ​ർ​ഡു​ക​ൾ നേ​താ​ക്ക​ളെ അ​നു​ഗ​മി​ക്കു​മ്പോ​ൾ മ​ഴ​യ​ത്തും കൊ​ടും​വെ​യി​ല​ത്തും കു​ട​ചൂ​ടി ന​ൽ​കു​ന്ന​ത് സാ​ധാ​ര​ണ​യാ​ണ്. അ​തി​ൽ ക​യ​റി​പ്പി​ടി​ക്കാ​ൻ എ​ന്തി​രി​ക്കു​ന്നു എ​ന്നും പ​ദ​വി​യു​ടെ അ​ന്ത​സ്സ് ഇ​ടി​ച്ചു​താ​ഴ്ത്തു​ന്ന​താ​യി​പ്പോ​യി പ്ര​ധാ​ന​മ​ന്ത്രി​യു​ടെ സം​സാ​ര​മെ​ന്നു​മാ​ണ്​ കോ​ൺ​ഗ്ര​സ്​ വി​മ​ർ​ശ​നം. അ​തി​ൽ കാ​ര്യ​വു​മു​ണ്ട്. പാ​ർ​ല​മെ​ന്റി​ലും പു​റ​ത്തും ഗൗ​ര​വ​മു​ള്ള ച​ർ​ച്ച​ക​ൾ പ​ല​തും ന​ട​ക്കു​മ്പോ​ഴും അ​വ​യെ​ക്കു​റി​ച്ച് മി​ണ്ടാ​ത്ത പ്ര​ധാ​ന​മ​ന്ത്രി പു​റ​ത്തി​റ​ങ്ങി​യാ​ൽ രാ​ഷ്ട്രീ​യ​പ്ര​തി​യോ​ഗി​ക​ളെ വി​മ​ർ​ശി​ക്കാ​ൻ ഏ​തു പു​ല്ലും ആ​യു​ധ​മാ​ക്കു​ന്ന​തി​ന്‍റെ ഉ​ദാ​ഹ​ര​ണ​മാ​ണി​ത്. ഇ​വി​ടെ കു​ട​യി​ൽ ക​യ​റി​പ്പി​ടി​ക്കു​ന്ന​ത്​ നെ​ഹ്‌​റു കു​ടും​ബ​വി​രോ​ധം കൊ​ണ്ടു മാ​ത്ര​മ​ല്ല, മേ​യ് മാ​സം നി​യ​മ​സ​ഭ തെ​ര​ഞ്ഞെ​ടു​പ്പ്​ ന​ട​ക്കു​ന്ന ക​ർ​ണാ​ട​ക​യി​ലെ വോ​ട്ടു​ബാ​ങ്കി​​ൽ ക​ണ്ണു​വെ​ച്ചും കൂ​ടി​യാ​ണ്.

ക​ർ​ണാ​ട​ക​യെ കോ​ൺ​ഗ്ര​സ് അ​വ​ഗ​ണി​ച്ചു​വെ​ന്ന് വ​രു​ത്തി​ത്തീ​ർ​ക്കാ​ൻ കൂ​ടി​യാ​ണ്​ ഇ​പ്പോ​ൾ മോ​ദി​യു​ടെ ശ്ര​മം. വീ​രേ​ന്ദ്ര പാ​ട്ടീ​ൽ, നി​ജ​ലിം​ഗ​പ്പ എ​ന്നി​വ​രെ കോ​ൺ​ഗ്ര​സ് വേ​ണ്ട​ത്ര ആ​ദ​രി​ച്ചി​ല്ല, ഇ​പ്പോ​ൾ പ്രാ​യ​വും സീ​നി​യോ​റി​റ്റി​യും അ​മ്പ​തു വ​ർ​ഷ​ത്തെ പാ​ർ​ല​മെ​ന്റ​റി അ​നു​ഭ​വ​വു​മു​ള്ള ഖാ​ർ​ഗെ​യെ​യും എ​ന്നാ​ണ്​ ബി.​ജെ.​പി​യും മോ​ദി​യും വ​രു​ത്തി​ത്തീ​ർ​ക്കു​ന്ന​ത്. ക​ർ​ണാ​ട​ക​യെ ത​ങ്ങ​ൾ പ്ര​ത്യേ​കം പ​രി​ഗ​ണി​ക്കു​മ്പോ​ൾ കോ​ൺ​ഗ്ര​സ്​ അ​വ​രെ വെ​യി​ല​ത്തു​നി​ർ​ത്തു​മെ​ന്നു​കൂ​ടി​യാ​ണ്​ പ്ര​ധാ​ന​മ​ന്ത്രി പ​റ​ഞ്ഞു​വെ​ക്കു​ന്ന​ത്. ദ​ലി​ത്​ സ​മൂ​ഹ​ത്തി​ൽ​നി​ന്ന് ഉ​യ​ർ​ന്നു​വ​ന്ന നേ​താ​വാ​യ ഖാ​ർ​ഗെ​യോ​ട് സ​ഹാ​നു​ഭൂ​തി ന​ടി​ച്ച് ക​ർ​ണാ​ട​ക​യി​ലെ ഗ​ണ്യ​മാ​യ ദ​ലി​ത് വി​ഭാ​ഗ​ത്തി​ന്റെ അ​നു​ക​മ്പ കൂ​ടി ല​ക്ഷ്യം​വെ​ക്കു​ന്നു​ണ്ടാ​വാം.

2018ൽ ​നി​ല​വി​ൽ​വ​ന്ന ജെ.​ഡി.(​എ​സ്)-​കോ​ൺ​ഗ്ര​സ് മ​ന്ത്രി​സ​ഭ​യെ 14 മാ​സം ക​ഴി​യും​മു​മ്പ് അ​ട്ടി​മ​റി​ച്ച് നി​ല​വി​ൽ വ​ന്ന​താ​യി​രു​ന്നു ക​ർ​ണാ​ട​ക​യി​ലെ ബി.​ജെ.​പി സ​ർ​ക്കാ​ർ. പ​ക്ഷേ, 2021ൽ ​പ്ര​തി​ച്ഛാ​യ പോ​യ യെ​ദി​യൂ​ര​പ്പ​യെ ഒ​ഴി​വാ​ക്കി മു​ഖ്യ​മ​ന്ത്രി​യാ​യി വാ​ഴി​ച്ച​താ​ണ്​ ബ​സ​വ​രാ​ജ്‌ ബൊ​മ്മെ​യെ. അ​തു​കൊ​ണ്ടും മ​ങ്ങി​യ പ്ര​തി​ച്ഛാ​യ തെ​ളി​യി​ക്കാ​നൊ​ത്തി​ട്ടി​ല്ല. അ​തി​നാ​ൽ, സ്വ​ന്ത​ത്തെ​ക്കു​റി​ച്ച മ​തി​പ്പി​ല്ലാ​യ്മ​യെ കു​ട​മ​റ​ക്കു പി​ന്നി​​ലൊ​ളി​പ്പി​ക്കാ​നു​ള്ള വി​ഫ​ല​ശ്ര​മ​ങ്ങ​ളാ​ണ് പാ​ർ​ട്ടി​യും നേ​തൃ​ത്വ​വും ന​ട​ത്തി​ക്കൊ​ണ്ടി​രി​ക്കു​ന്ന​ത്. ദ​ക്ഷി​ണേ​ന്ത്യ​യി​ലേ​ക്കു​ള്ള പ​ടി​വാ​തി​ലാ​യി ബി.​ജെ.​പി കാ​ണു​ന്ന ക​ർ​ണാ​ട​ക​യെ​ന്ന ​പ്ര​സ്റ്റീ​ജ്​ സം​സ്ഥാ​നം പി​ടി​ക്കാ​ൻ ന​രേ​ന്ദ്ര മോ​ദി എ​ന്ന ഒ​രേ​യൊ​രു സ്റ്റാ​ർ കാ​മ്പ​യി​ന​റെ ഇ​റ​ക്കി​യ​താ​ണ്. എ​ന്നാ​ൽ, അ​ദ്ദേ​ഹ​ത്തി​നും സം​ര​ക്ഷ​ണ​ക്കു​ട തീ​ർ​ക്കാ​ൻ കോ​ൺ​ഗ്ര​സി​ന്‍റെ കു​ട​ശ്ശീ​ല ത​ന്നെ വേ​ണ്ടി​വ​രു​ന്ന​ത്​ എ​ന്തൊ​രു രാ​ഷ്ട്രീ​യ പാ​പ്പ​ര​ത്ത​മാ​ണ്​!