ജ​ന​വി​ധി​യെ അ​പ​ഹ​സി​ക്കു​ന്ന കോ​ൺ​​ഗ്ര​സ് ത​മ്മി​ല​ടി

മു​ഖ്യ​മ​ന്ത്രി ആ​രാ​ക​ണ​മെ​ന്ന സ​മ​സ്യ​ക്ക് ഉ​ത്ത​ര​മേ​കാ​ൻ കോ​ൺ​ഗ്ര​സ് പാ​ർ​ട്ടി​യെ​ടു​ക്കു​ന്ന കാ​ല​വി​ളം​ബ​വും അ​തി​നി​ട​യി​ൽ പ​ര​സ്യ​മാ​യി അ​ര​ങ്ങേ​റി​യ ഉ​ൾ​പ്പാ​ർ​ട്ടി പോ​രു​ക​ളും ക​ർ​ണാ​ട​ക​യി​ൽ നേ​ടി​യ ഉ​ജ്ജ്വ​ല വി​ജ​യ​ത്തി​ന്‍റെ ഗ​രി​മ​ക്ക് മങ്ങലേൽപ്പിച്ചിരി​ക്കു​ന്നു. കോ​ൺ​ഗ്ര​സ് നേ​താ​വ് ര​ൺ​ദീ​പ് സി​ങ് സു​ർ​ജേ​വാ​ല മാ​ധ്യ​മ​ങ്ങ​ളോ​ട് വ്യ​ക്ത​മാ​ക്കു​ന്ന​ത് അ​ധി​കാ​ര​ത്ത​ർ​ക്കം തീ​രാ​ൻ അ​ടു​ത്ത 48-72 മ​ണി​ക്കൂ​റെ​ടു​ക്കു​മെ​ന്നാ​ണ്. പാ​ർ​ട്ടി​യു​ടെ മി​ക​ച്ച വി​ജ​യ​ത്തി​ന്റെ ശി​ൽ​പി​ക​ളാ​യ ര​ണ്ടു നേ​താ​ക്ക​ളു​ടെ മു​ഖ്യ​മ​ന്ത്രി​മോ​ഹ​ങ്ങ​ളെ​യും അ​ധി​കാ​ര​താ​ൽ​പ​ര്യ​ങ്ങ​ളെ​യും ശ​മി​പ്പി​ക്കാ​ൻ പാ​ർ​ട്ടി നേ​തൃ​ത്വം വ്യ​ത്യ​സ്ത സ​മ​വാ​ക്യ​ങ്ങ​ൾ രൂ​പ​പ്പെ​ടു​ത്തു​ക​യും വാ​ഗ്ദാ​നം​ചെ​യ്യു​ക​യും ചെ​യ്യു​ന്നു​ണ്ടെ​ങ്കി​ലും നേ​താ​ക്ക​ൾ അ​യ​യു​ന്നി​ല്ലെ​ന്നു മാ​ത്ര​മ​ല്ല, അ​ണി​ക​ൾ ഡ​ൽ​ഹി​യി​ലും ക​ർ​ണാ​ട​ക​യി​ലും പ​ര​സ്യ​മാ​യ പോ​ർ​വി​ളി ആ​രം​ഭി​ക്കു​ക​യും ചെ​യ്തി​രി​ക്കു​ന്നു. അ​ധി​കാ​ര​ക്ക​സേ​ര ക​ര​ഗ​ത​മാ​കു​മ്പോ​ഴേ​ക്കും വി​ട്ടു​വീ​ഴ്ച​ക​ളു​ടെ പാ​ഠം വി​ട്ടു​ക​ള​ഞ്ഞ് ത​മ്മി​ൽ ത​ല്ലു​ന്ന കോ​ൺ​ഗ്ര​സി​ന്‍റെ സ​ഹ​ജ​സ്വ​ഭാ​വം ഒ​രു ജോ​ഡോ-​ഐ​ക്യ-​യാ​ത്ര​കൊ​ണ്ടും മാ​റാ​ൻ പോ​കു​ന്നി​ല്ലെ​ന്ന് അ​ടി​വ​ര​യി​ടു​ക​യാ​ണ് ഐ​ക്യ​ത്തി​ന്‍റെ മ​കു​ടോ​ദാ​ഹ​ര​ണ​മാ​യി ഉ​യ​ർ​ത്തി​ക്കാ​ണി​ച്ച ക​ർ​ണാ​ട​ക​യും.

സി​ദ്ധ​രാ​മ​യ്യ​യു​ടെ ജ​ന​കീ​യ​ത​യും ഡി.​കെ. ശി​വ​കു​മാ​റി​ന്‍റെ ആ​സൂ​ത്ര​ണ​പാ​ട​വ​വും ഊ​ടും​പാ​വു​മാ​യി നെ​യ്തെ​ടു​ത്ത​താ​ണ് ക​ർ​ണാ​ട​ക​യി​ലെ മി​ക​ച്ച വി​ജ​യ​മെ​ന്ന​ത് നി​സ്ത​ർ​ക്ക​മാ​യ വ​സ്തു​ത​യാ​ണ്. നി​സ്സം​ശ​യം, ദേ​ശീ​യ രാ​ഷ്ട്രീ​യ​ത്തി​ൽ പ്ര​തി​പ​ക്ഷ ഐ​ക്യ​ത്തി​നും മു​ന്നേ​റ്റ​ത്തി​നും അ​നി​ത​ര​സാ​ധാ​ര​ണ​മാ​യ ഊ​ർ​ജ​പ്ര​വാ​ഹ​ത്തി​ന് അ​ത് നി​മി​ത്ത​മാ​കു​ക​യും ചെ​യ്തു. ആ​സ​ന്ന​മാ​യ അ​ഞ്ചു നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ലും അ​തി​നു​ശേ​ഷം വ​രു​ന്ന ലോ​ക്സ​ഭ തെ​ര​ഞ്ഞെ​ടു​പ്പി​ലും കോ​ൺ​ഗ്ര​സി​ന്‍റെ നേ​തൃ​പ​ര​മാ​യ പ​ങ്ക് അം​ഗീ​ക​രി​ക്കു​ന്ന പ്ര​തി​പ​ക്ഷ രാ​ഷ്ട്രീ​യ നേ​താ​ക്ക​ളു​ടെ പ്ര​തി​ക​ര​ണ​ങ്ങ​ൾ ക​ർ​ണാ​ട​ക​യി​ലെ വ​ലി​യ വി​ജ​യം സ​മ്മാ​നി​ച്ച​തി​ന്‍റെ പ്ര​തി​ഫ​ല​നം​ത​ന്നെ​യാ​ണ്. കോ​ൺ​ഗ്ര​സു​മാ​യി സ​ഹ​ക​ര​ണ​ത്തി​ന് പു​തി​യ ഫോ​ർ​മു​ല ക​ഴി​ഞ്ഞ​ദി​വ​സം കൊ​ൽ​ക്ക​ത്ത​യി​ൽ മാ​ധ്യ​മ​ങ്ങ​ൾ​ക്കു മു​ന്നി​ൽ മ​മ​ത ബാ​ന​ർ​ജി പ​ങ്കു​വെ​ച്ച​ത് അ​തി​നു​ള്ള ക്രി​യാ​ത്മ​ക​മാ​യ സൂ​ച​ന​യു​മാ​ണ്. അ​തി​ന് സ​മാ​ന​മാ​ണ്, ക​ർ​ണാ​ട​ക മാ​തൃ​ക മ​റ്റു സം​സ്ഥാ​ന​ങ്ങ​ളി​ലും ന​ട​പ്പാ​ക്കേ​ണ്ട​തു​ണ്ടെ​ന്നും അ​തി​നാ​യി സ​മാ​ന ചി​ന്താ​ഗ​തി​ക്കാ​രാ​യ പാ​ർ​ട്ടി​ക​ൾ പൊ​തു​മി​നി​മം പ​രി​പാ​ടി​യി​ൽ പ്ര​വ​ർ​ത്തി​ക്കേ​ണ്ട​തു​ണ്ടെ​ന്നു​മു​ള്ള ശ​ര​ദ് പ​വാ​റി​ന്‍റെ പ്ര​സ്താ​വ​ന​യും.

എ​ല്ലാ​വ​രും പ്ര​വ​ചി​ച്ചി​രു​ന്ന​തു​പോ​ലെ 2024ലെ ​തെ​ര​ഞ്ഞെ​ടു​പ്പ് ബി.​ജെ.​പി​ക്ക് അ​ത്ര എ​ളു​പ്പ​മാ​കു​ക​യി​ല്ലെ​ന്ന് ഈ ​വാ​ക്കു​ക​ൾ ബോ​ധ്യ​പ്പെ​ടു​ത്തു​ന്നു. അ​തു​പോ​ലെ, ഇ​ന്ത്യ അ​ഭി​മു​ഖീ​ക​രി​ക്കു​ന്ന ഏ​കാ​ധി​പ​ത്യ​പ​ര​മാ​യ ഭ​ര​ണ​കൂ​ട​പ്ര​വ​ണ​ത​ക​ളെ പ്ര​തി​പ​ക്ഷ ഐ​ക്യ​ത്തി​ലൂ​ടെ​യും അ​ടി​ത്ത​ട്ടി​ലെ ശ​രി​യാ​യ പ്ര​വ​ർ​ത്ത​ന​ങ്ങ​ളി​ലൂ​ടെ​യും മ​റി​ക​ട​ക്കാ​നാ​കു​മെ​ന്ന വി​ശ്വാ​സം പൊ​തു​സ​മൂ​ഹ​ത്തി​ലേ​ക്ക് കൈ​മാ​റാ​നും ക​ർ​ണാ​ട​ക വി​ജ​യ​ത്തി​ലൂ​ടെ കോ​ൺ​ഗ്ര​സി​ന് സാ​ധി​ച്ചി​ട്ടു​ണ്ട്. പ​ക്ഷേ, നേ​താ​ക്ക​ളു​ടെ പ​ര​സ്പ​ര ബ​ഹു​മാ​ന​വും അ​ണി​ക​ളു​ടെ കെ​ട്ടു​റ​പ്പും ഏ​തു​നി​മി​ഷ​വും പൊ​ട്ടാ​വു​ന്ന ബ​ലൂ​ൺ മാ​ത്ര​മാ​ണെ​ന്ന് തെ​ളി​യി​ക്കു​ന്നു അ​പ​രി​ഹാ​ര​മാ​യി നീ​ളു​ന്ന ഈ ​അ​ധി​കാ​ര​മോ​ഹ​ത്ത​ർ​ക്ക​ങ്ങ​ൾ.

എ​ന്നെ ത​ല്ലേ​ണ്ട​മ്മാ​വാ ഞാ​ൻ ന​ന്നാ​വില്ലാ എ​ന്ന പ​ഴ​മൊ​ഴി​യെ കോ​ൺ​ഗ്ര​സ് ഈ ​നി​ർ​ണാ​യ​ക സ​ന്ധി​യി​ലും അന്വർഥമാക്കു​മ്പോ​ൾ അ​വ​രു​ടെ വി​ജ​യ​ത്തി​ന് മ​ധു​രം പ​ക​രു​ന്ന​തി​ൽ സി​വി​ൽ സം​ഘ​ട​ന​ക​ളും സാ​മൂ​ഹി​ക പ്ര​സ്ഥാ​ന​ങ്ങ​ളും വ​ലി​യ പ​ങ്കു​വ​ഹി​ച്ചി​ട്ടു​ണ്ട് എ​ന്ന് ഓ​ർ​മി​പ്പി​ക്കേ​ണ്ട​ത് അ​നി​വാ​ര്യ​മാ​ണ്. ബി.​ജെ.​പി​യും സം​ഘ് പോ​ഷ​ക സം​ഘ​ങ്ങ​ളും അ​ഴി​ഞ്ഞാ​ടി​യ വി​ദ്വേ​ഷ രാ​ഷ്ട്രീ​യ​ത്തോ​ടും അ​ഴി​മ​തി​യോ​ടു​മു​ള്ള പ്ര​തി​ഷേ​ധം ക​ർ​ണാ​ട​ക​യി​ൽ വ്യാ​പി​പ്പി​ക്കു​ന്ന​തി​ൽ വി​വി​ധ സാ​മൂ​ഹി​ക സം​ഘ​ങ്ങ​ളു​ടെ ഏ​കോ​പ​ന​മാ​യ ‘എ​ദ്ദേ​ളു ക​ര്‍ണാ​ട​ക’ പോ​ലെ​യു​ള്ള വി​വി​ധ കൂ​ട്ടാ​യ്മ​ക​ൾ​ക്കും സാ​മു​ദാ​യി​ക പ്ര​സ്ഥാ​ന​ങ്ങ​ൾ​ക്കും പ​ങ്കു​ണ്ട്. ബി.​ജെ.​പി​ക്ക് മു​ൻ​തൂ​ക്ക​മു​ള്ള 107 മ​ണ്ഡ​ല​ങ്ങ​ളി​ൽ കോ​ൺ​ഗ്ര​സി​ന് അ​നു​കൂ​ല​മാ​യി ദ​ലി​ത്, മു​സ്‍ലിം വോ​ട്ടു​ക​ൾ ഏ​കീ​ക​രി​ക്കു​ന്ന​തി​ൽ അ​ത്ത​രം സം​ഘ​ങ്ങ​ൾ നി​സ്തു​ല​മാ​യ പ​ങ്കു​വ​ഹി​ച്ചി​ട്ടു​ണ്ടെ​ന്ന് കോ​ൺ​ഗ്ര​സി​നു​വേ​ണ്ടി തെ​ര​ഞ്ഞെ​ടു​പ്പു​ത​ന്ത്രം മെ​ന​ഞ്ഞ മു​ൻ ഐ.​എ.​എ​സ് ഉ​ദ്യോ​ഗ​സ്ഥ​ൻ ശ​ശി​കാ​ന്ത് സെ​ന്തി​ലി​നെ​പ്പോ​ലെ​യു​ള്ള​വ​ർ അം​ഗീ​ക​രി​ക്കു​ക​യും ചെ​യ്യു​ന്നു​ണ്ട്. ഇ​ത്ത​രം സി​വി​ൽ സ​മൂ​ഹ​ങ്ങ​ളു​ടെ പ്ര​വ​ർ​ത്ത​നം ദേ​ശീ​യ​ത​ല​ത്തി​ൽ വ്യാ​പി​പ്പി​ക്കാ​ൻ കോ​ൺ​ഗ്ര​സ് മു​ൻ​കൈ എ​ടു​ക്ക​ണ​മെ​ന്നും അ​ദ്ദേ​ഹം അ​ഭി​പ്രാ​യ​പ്പെ​ടു​ന്നു. ഇ​ത്ത​രം രാ​ഷ്ട്രീ​യ​സാ​ധ്യ​ത​ക​ളു​ടെ ആ​ത്മാ​വി​നെ​യും ഊ​ർ​ജ​ത്തെ​യും​കൂ​ടി​യാ​ണ് കോ​ൺ​ഗ്ര​സ് ന​ഷ്ട​പ്പെ​ടു​ത്തു​ന്ന​ത്.

ആ​ഭ്യ​ന്ത​ര​മാ​യി സം​ഘ​ട​നാ​പ്ര​ശ്ന​ങ്ങ​ൾ പ​രി​ഹ​രി​ക്കു​ന്ന​തി​ൽ കോ​ൺ​ഗ്ര​സ് പു​ല​ർ​ത്തു​ന്ന അ​ക്ഷ​ന്ത​വ്യ​മാ​യ അ​ലം​ഭാ​വം ബി.​ജെ.​പി​യു​ടെ രാ​ഷ്ട്രീ​യ​ക്ക​ളി​ക​ൾ​ക്ക് അ​വ​സ​രം സൃ​ഷ്ടി​ക്കു​ന്ന​തും ബ​ഹു​സ്വ​ര രാ​ഷ്ട്രീ​യ​ത്തി​ൽ പ്ര​ത്യാ​ശ​പു​ല​ർ​ത്തു​ന്ന​വ​രെ നി​രാ​ശ​പ്പെ​ടു​ത്തു​ന്ന​തു​മാ​ണ്. നി​യ​മ​സ​ഭ തെ​ര​ഞ്ഞെ​ടു​പ്പി​ലേ​ക്കു നീ​ങ്ങു​ന്ന രാ​ജ​സ്ഥാ​നി​ൽ അ​ശോ​ക് ഗെ​ഹ് ലോ​ട്ട് സ​ർ​ക്കാ​റി​നെ​തി​രെ പ്ര​ക്ഷോ​ഭ​യാ​ത്ര സം​ഘ​ടി​പ്പി​ക്കു​ന്ന തി​ര​ക്കി​ലാ​ണ് സ​ചി​ൻ പൈ​ല​റ്റ്. ആ​ഭ്യ​ന്ത​ര സം​ഘ​ർ​ഷ​ങ്ങ​ൾ​കൊ​ണ്ട് വീ​ർ​പ്പു​മു​ട്ടു​ന്ന രാ​ജ​സ്ഥാ​നി​ലെ ബി.​ജെ.​പി​ക്ക് അ​ധി​കാ​ര​ത്തി​ലേ​ക്ക് തി​രി​ച്ചു​ക​യ​റാ​നു​ള്ള വ​ഴി എ​ളു​പ്പ​മാ​ക്കു​ക​യാ​ണ് അ​വി​ടെ​യും നേ​താ​ക്ക​ളു​ടെ ത​മ്മി​ല​ടി. കേ​ര​ള​ത്തി​ലും പാ​ർ​ട്ടി പു​നഃ​സം​ഘ​ട​ന​യു​ടെ പേ​രി​ൽ ന​ട​ക്കു​ന്ന ത​ർ​ക്ക​ങ്ങ​ൾ തീ​രു​ന്ന​മ​ട്ടി​ല്ല. ആ​ഭ്യ​ന്ത​ര സം​ഘ​ർ​ഷ​ങ്ങ​ൾ അ​വ​സാ​നി​പ്പി​ക്കാ​നു​ള്ള ഇ​ച്ഛാ​ശ​ക്തി​യും തീ​രു​മാ​ന​ദൃ​ഢ​ത​യും കാ​ണി​ക്കു​ന്ന​തി​ൽ കോ​ൺ​ഗ്ര​സ് ഇ​നി​യും പ​രാ​ജ​യ​പ്പെ​ടു​ക​യാ​ണെ​ങ്കി​ൽ ആ​ർ​ജി​ച്ചു​കൊ​ണ്ടി​രി​ക്കു​ന്ന വി​ശ്വാ​സ്യ​ത കെ​ട്ടു​പോ​കാ​നാ​ണ് ഇ​ട​വ​രു​ത്തു​ക. പി​ന്നീ​ട് കോ​ൺ​ഗ്ര​സി​ന്‍റെ തി​രി​ച്ചു​വ​ര​വ് അ​ത്ര എ​ളു​പ്പ​മാ​കു​ക​യി​ല്ലെ​ന്ന് ആ​ദ്യം തി​രി​ച്ച​റി​യേ​ണ്ട​ത് പാ​ർ​ട്ടി അ​ണി​ക​ളും നേ​താ​ക്ക​ളും​ത​ന്നെ​യാ​ണ്.