കു​സാ​റ്റ് ദു​ര​ന്തം: അ​നു​ഭ​വം പാ​ഠ​മാ​ക​ണം

ക​ള​മ​ശ്ശേ​രി​യി​ലെ കൊ​ച്ചി ശാ​സ്ത്ര​സാ​​ങ്കേ​തി​ക സ​ർ​വ​ക​ലാ​ശാ​ല (കു​സാ​റ്റ്)​യി​ലു​ണ്ടാ​യ ദു​ര​ന്തം അ​ത്യ​ന്തം നി​ർ​ഭാ​ഗ്യ​ക​ര​മാ​ണ്. മൂ​ന്ന് വി​ദ്യാ​ർ​ഥി​ക​ള​ട​ക്കം നാ​ലു​പേ​ർ സം​ഭ​വ​സ്ഥ​ല​ത്തു​വെ​ച്ച് മ​രി​ച്ചു. സ​ർ​വ​ക​ലാ​ശാ​ല​യു​ടെ സ്കൂ​ൾ ഓ​ഫ് എ​ൻ​ജി​നീ​യ​റി​ങ് സം​ഘ​ടി​പ്പി​ച്ച ഗാ​ന​മേ​ള തു​ട​ങ്ങു​ന്ന​തി​നു ​മു​മ്പേ​ത​ന്നെ തി​ക്കി​ലും തി​ര​ക്കി​ലും പെ​ട്ടാ​ണ് അ​പ​ക​ടം. ബോ​ളി​വു​ഡ് ഗാ​യി​ക നി​ഖി​ത ഗാ​ന്ധി​യു​ടെ ഗാ​ന​സ​ന്ധ്യ ഉ​ൾ​പ്പെ​ടെ ടെ​ക്ഫെ​സ്റ്റ് ന​ട​ക്കു​ന്ന ഓ​പ​ൺ എ​യ​ർ ഓ​ഡി​റ്റോ​റി​യ​ത്തി​ലേ​ക്ക് കൂ​ട്ട​മാ​യി ത​ള്ളി​ക്ക​യ​റ്റ​മു​ണ്ടാ​കു​ക​യും ഹാ​ളി​നു​ള്ളി​ൽ താ​ഴേ​ക്കു​ള്ള ച​വി​ട്ടു​പ​ടി​ക​ളി​ൽ വീ​ണ​വ​ർ​ക്കു​മേ​ൽ പി​റ​കെ​യു​ള്ള​വ​ർ ച​വി​ട്ടി​ക്ക​യ​റു​ക​യു​മാ​യി​രു​ന്നു. ആ​ഘോ​ഷ​സ​ന്ധ്യ ദുഃ​ഖ​വേ​ള​യാ​യ​ത് പെ​ട്ടെ​ന്നാ​ണ്. പൂ​ർ​ണ​മാ​യും മു​ൻ​കൂ​ട്ടി കാ​ണാ​വു​ന്ന​ത​ല്ല ഇ​തു​പോ​ലു​ള്ള വ​ൻ​മേ​ള​ക​ളി​ലെ അ​പ​ക​ട​സാ​ധ്യ​ത​ക​ൾ. വി​ചാ​രി​ച്ചി​രു​ന്ന​തി​ലും എ​ത്ര​യോ കൂ​ടു​ത​ൽ​പേ​ർ പ​രി​പാ​ടി ശ്ര​ദ്ധി​ക്കാ​നെ​ത്തി. പെ​ട്ടെ​ന്നു​ണ്ടാ​യ മ​ഴ​യും ഗേ​റ്റ് തു​റ​ന്ന​പ്പോ​ഴ​ത്തെ തി​ര​ക്കും ഓ​ഡി​റ്റോ​റി​യ​ത്തി​ന​ക​ത്തെ കു​ത്ത​നെ​യു​ള്ള പ​ട​വു​ക​ളെ​പ്പ​റ്റി ധാ​ര​ണ​യി​ല്ലാ​യ്മ​യും എ​ല്ലാം ദു​ര​ന്ത​ത്തി​ലേ​ക്ക് ന​യി​ച്ച ഘ​ട​ക​ങ്ങ​ളാ​ണ്. വി​ദ്യാ​ർ​ഥി​ക​ൾ സം​ഘ​ടി​പ്പി​ച്ച പ​രി​പാ​ടി​യു​ടെ നി​യ​ന്ത്ര​ണം വ​ള​ണ്ടി​യ​ർ​മാ​ർ​ക്കാ​യി​രു​ന്നു. അ​ധ്യാ​പ​ക​രു​ടെ സാ​ന്നി​ധ്യ​വു​മു​ണ്ടാ​യി​രു​ന്നു. പേ​രി​നു മാ​ത്ര​മേ ​പൊ​ലീ​സ് ഉ​ണ്ടാ​യി​രു​ന്നു​ള്ളൂ. ഇ​തി​ലൊ​ന്നും അ​സാ​ധാ​ര​ണ​മോ അ​സ്വാ​ഭാ​വി​ക​മോ ആ​യി ഒ​ന്നു​മി​ല്ല. അ​തേ​സ​മ​യം സം​ഭ​വ​ശേ​ഷം ഉ​ണ​രു​ന്ന വി​വേ​ക​വും വീ​ണ്ടു​വി​ചാ​ര​വും പ്ര​ധാ​ന​മാ​ണ്. ഏ​തെ​ല്ലാം വ​ശ​ങ്ങ​ളി​ൽ വീ​ഴ്ച​യു​ണ്ടാ​യെ​ന്നും എ​ന്തെ​ല്ലാം മ​റി​ച്ച് ചെ​യ്യാ​മാ​യി​രു​ന്നെ​ന്നും തി​രി​ച്ച​റി​യു​മ്പോ​ഴാ​ണ് കൂ​ടു​ത​ൽ ദു​ര​ന്ത​ങ്ങ​ൾ ഒ​ഴി​വാ​ക്കാ​നാ​കു​ക. ദു​ര​ന്ത​ങ്ങ​ൾ ന​ൽ​കു​ന്ന പാ​ഠ​ങ്ങ​ളാ​ണ​ല്ലോ അ​വ​യു​ടെ ഗു​ണാ​ത്മ​ക വ​ശം. ഉ​ന്ന​ത വി​ദ്യാ​ഭ്യാ​സ വ​കു​പ്പ് അ​ന്വേ​ഷ​ണം പ്ര​ഖ്യാ​പി​ച്ചി​ട്ടു​ണ്ട്. സ​ർ​വ​ക​ലാ​ശാ​ല​ത​ല​ത്തി​ലും ആ​ത്മ​പ​രി​ശോ​ധ​ന ന​ട​ക്കു​മെ​ന്നു​ത​ന്നെ ക​രു​താം. ന​ഷ്ട​പ്പെ​ട്ട ജീ​വ​ൻ വീ​ണ്ടെ​ടു​ക്കാ​നാ​കി​ല്ലെ​ങ്കി​ലും ഭാ​വി​യി​ലേ​ക്ക് ഈ ​അ​ന്വേ​ഷ​ണ​ങ്ങ​ൾ ക​രു​തി​വെ​പ്പാ​കും.

ആ​യി​ര​ക്ക​ണ​ക്കി​നാ​ളു​ക​ൾ ഒ​ത്തു​ചേ​രു​ന്ന, പ്ര​ത്യേ​കി​ച്ച് ഗാ​ന​മേ​ള​പോ​ലെ ആ​വേ​ശം പ​ക​രു​ന്ന പ​രി​പാ​ടി​യു​ടെ ന​ട​ത്തി​പ്പി​ൽ മു​ൻ​കൂ​ർ ആ​സൂ​ത്ര​ണ​വും ഒ​രു​ക്ക​വും കു​റേ​ക്കൂ​ടി സൂ​ക്ഷ്മ​ത​യോ​ടെ വേ​ണ​മാ​യി​രു​ന്നെ​ന്ന് എ​ടു​ത്തു​പ​റ​യേ​ണ്ട​തി​ല്ല. അ​പ​ക​ട​സാ​ധ്യ​ത തി​രി​ച്ച​റി​യു​ന്നി​ട​ത്തും പാ​ളി​ച്ച​യു​ണ്ടാ​യി. പ​രി​പാ​ടി വൈ​കു​ന്ന​തി​നെ​പ്പ​റ്റി ആ​ൾ​ക്കൂ​ട്ട​ത്തി​ന് ധാ​ര​ണ ഉ​ണ്ടാ​കാ​തി​രു​ന്ന​ത് പു​റ​ത്തെ തി​ര​ക്ക് കൂ​ടാ​നി​ട​യാ​ക്കി. ഗേ​റ്റ് മു​ഴു​വ​ൻ തു​റ​ക്കാ​തെ നി​യ​ന്ത്രി​ച്ച​ശേ​ഷം പെ​ട്ടെ​ന്ന് തു​റ​ന്ന​പ്പോ​ൾ എ​ല്ലാ നി​യ​ന്ത്ര​ണ​വും ന​ഷ്ട​പ്പെ​ട്ട ഫ​ല​മാ​ണു​ണ്ടാ​യ​ത്. ആ​സൂ​ത്ര​ണ ഘ​ട്ട​ത്തി​ൽ നി​സ്സാ​ര​മെ​ന്ന് തോ​ന്നാ​വു​ന്ന ഇ​ത്ത​രം കാ​ര്യ​ങ്ങ​ളാ​ണ് ദു​ര​ന്താ​ന​ന്ത​രം സാ​ര​മാ​യ വീ​ഴ്ച​ക​ളാ​യി കാ​ണ​പ്പെ​ടു​ക. അ​ത്യാ​വ​ശ്യ​മാ​യ സു​ര​ക്ഷാ മാ​ന​ദ​ണ്ഡ​ങ്ങ​ൾ അ​വ​ലോ​ക​നം ചെ​യ്യു​ന്ന രീ​തി ഓ​രോ പ​രി​പാ​ടി​ക്ക് മു​മ്പും അ​നു​വ​ർ​ത്തി​ക്കേ​ണ്ട​തു​ണ്ട്. പ​തി​വാ​യി ഇ​ത്ത​രം പ​രി​പാ​ടി​ക​ൾ സു​ര​ക്ഷി​ത​മാ​യി ന​ട​ക്കു​ന്നു എ​ന്ന​തു​കൊ​ണ്ടു​ത​ന്നെ മു​ൻ​ക​രു​ത​ലു​ക​ളി​ൽ ശ്ര​ദ്ധ​ക്കു​റ​വ് വ​രി​ക സാ​ധാ​ര​ണ​മാ​ണ്. ഇ​ക്കാ​ര്യ​ത്തി​ൽ വി​ദ്യാ​ർ​ഥി​ക​ളു​ടെ ന​ട​ത്തി​പ്പി​നും നേ​തൃ​ത്വ​ത്തി​നു​മൊ​പ്പം, കൂ​ടു​ത​ൽ അ​നു​ഭ​വ​സ​മ്പ​ത്തു​ള്ള അ​ധ്യാ​പ​ക​രു​ടെ മേ​ൽ​നോ​ട്ട​വും വേ​ണ്ട​താ​ണ്. കു​സാ​റ്റ് ദു​ര​ന്ത​ത്തി​ന് കാ​ര​ണ​മാ​യി ഒ​രൊ​റ്റ ഘ​ട​കം ചൂ​ണ്ടി​ക്കാ​ട്ടാ​നു​ണ്ടെ​ങ്കി​ൽ അ​ത്, കു​ത്ത​നെ​യു​ള്ള ച​വി​ട്ടു​പ​ടി​ക​ളെ​പ്പ​റ്റി ധാ​ര​ണ​യി​ല്ലാ​തു​ള്ള ജ​ന​പ്ര​വാ​ഹ​മാ​ണ്; അ​ത് മു​ൻ​കൂ​ട്ടി കാ​ണാ​നാ​യി​ല്ലെ​ന്ന​തും. ഇ​തി​ൽ കൂ​ടു​ത​ൽ ക​രു​ത​ലും സൂ​ക്ഷ്മ​ത​യും പു​ല​ർ​ത്താ​നാ​കു​ക കാ​മ്പ​സി​ന​ക​ത്തു​ള്ള​വ​ർ​ക്കാ​ണ്. ക​രു​തി​ക്കൂ​ട്ടി​യ​ല്ലാ​തെ, ആ​ക​സ്മി​ക​മാ​യി ഒ​ത്തു​വ​ന്ന സാ​ഹ​ച​ര്യ​ങ്ങ​ൾ സൃ​ഷ്ടി​ച്ച ദു​ര​നു​ഭ​വ​ത്തെ​ച്ചൊ​ല്ലി ആ​രെ​യും കു​റ്റ​പ്പെ​ടു​ത്തു​ന്ന​തി​ൽ അ​ർ​ഥ​മി​ല്ല. എ​ന്നാ​ൽ, പോ​രാ​യ്മ​ക​ൾ തി​രി​ച്ച​റി​യു​ന്ന​തി​നും വീ​ഴ്ച​ക​ൾ ഒ​ഴി​വാ​ക്കു​ന്ന​തി​നും ആ​വ​ശ്യ​മാ​യ പു​ന​രാ​ലോ​ച​ന​ക​ളും സ്വ​യം വി​ചാ​ര​ണ​യും ന​ട​ക്കേ​ണ്ട​തു​ണ്ടു​താ​നും.

ധാ​രാ​ളം ആ​ളു​ക​ളു​ള്ള സ്ഥാ​പ​ന​ങ്ങ​ളി​ലെ കെ​ട്ടി​ട സം​വി​ധാ​ന​ങ്ങ​ൾ അ​ട​ക്ക​മു​ള്ള അ​ടി​സ്ഥാ​ന സൗ​ക​ര്യ​ങ്ങ​ൾ സു​ര​ക്ഷി​ത​ത്വ മാ​ന​ദ​ണ്ഡം​വെ​ച്ച് ഇ​ട​ക്കി​ടെ പ​രി​ശോ​ധി​ക്കു​ന്ന​ത് ഫ​ലം ചെ​യ്യും. ആ​ൾ​ക്കൂ​ട്ട​ത്തെ കൈ​കാ​ര്യം ചെ​യ്യു​ന്ന​തി​ന് പ​രി​ശീ​ല​ന​വും വി​ഭ​വ​ങ്ങ​ളു​മു​ള്ള പൊ​ലീ​സി​ന് എ​പ്പോ​ഴും എ​ല്ലാ​യി​ട​ത്തും വ​ൻ​തോ​തി​ൽ എ​ത്താ​നാ​കി​ല്ല; അ​തി​ന്റെ ആ​വ​ശ്യ​വു​മി​ല്ല. എ​ന്നാ​ൽ, അ​ടി​സ്ഥാ​ന ‘ക്രൗ​ഡ് മാ​നേ​ജ്മെ​ന്റ്’ പ​രി​ശീ​ല​ന​വും സം​വി​ധാ​ന​ങ്ങ​ളും പൊ​തു ഇ​ട​ങ്ങ​ളി​ൽ സം​ഘാ​ട​ക​ർ​ക്ക് ആ​വ​ശ്യ​മാ​ണ്. കു​സാ​റ്റി​ൽ ആ ​വ​ശ​മാ​ണ​ല്ലോ പാ​ളി​യ​ത്. ആ​ൾ​ക്കൂ​ട്ട​ത്തെ നി​യ​ന്ത്രി​ക്കു​ക എ​ന്ന​തി​നോ​ളം പ്ര​ധാ​ന​മാ​ണ് ആ​ളു​ക​ൾ​ക്ക് ആ​വ​ശ്യ​മാ​യ വി​വ​ര​ങ്ങ​ളും മാ​ർ​ഗ​നി​ർ​ദേ​ശ​ങ്ങ​ളും അ​പ്പ​പ്പോ​ൾ ന​ൽ​കി​ക്കൊ​ണ്ടി​രി​ക്കു​ക എ​ന്ന​ത്. അ​ടി​യ​ന്ത​ര​ഘ​ട്ട​ങ്ങ​ളെ നേ​രി​ടാ​നു​ള്ള സൗ​ക​ര്യ​വും പ​രി​ശീ​ല​ന​വും ന​ഷ്ടം കു​റ​ക്കാ​ൻ സ​ഹാ​യി​ക്കും. കു​സാ​റ്റി​ൽ ആ​ഹ്ലാ​ദ​ക​ര​മാ​യ ഒ​രു ഗാ​ന​മേ​ള​ക്കാ​യി എ​ല്ലാ ത​യാ​റെ​ടു​പ്പും ന​ട​ത്തി​യി​ട്ടും ദു​ര​ന്തം ന​ട​ന്നെ​ന്ന​ത്, കൂ​ടു​ത​ൽ സൂ​ക്ഷ്മ​ത​യോ​ടെ, വി​ശ​ദ​മാ​യ മു​ന്നൊ​രു​ക്ക​ങ്ങ​ളു​ടെ പ്രാ​ധാ​ന്യ​ത്തി​ലേ​ക്കാ​ണ് വി​ര​ൽ​ചൂ​ണ്ടു​ന്ന​ത്. ഇ​ത് മെ​ച്ച​പ്പെ​ട്ട സം​ഘാ​ട​ന​ശേ​ഷി വ​ള​ർ​ത്താ​ൻ ഉ​പ​ക​രി​ക്ക​ട്ടെ. പാ​തി​മു​റി​ഞ്ഞ പാ​ട്ടു​പോ​ലെ അ​കാ​ല​ത്തി​ൽ വി​ട​പ​റ​ഞ്ഞ​വ​രു​ടെ വി​യോ​ഗം ആ ​നി​ല​ക്കെ​ങ്കി​ലും സാ​ർ​ഥ​ക​മാ​ക​ട്ടെ.