ജ​ന്ത​ർ​മ​ന്ത​റി​ൽ​നി​ന്നു​ള്ള മു​ദ്രാ​വാ​ക്യ​ങ്ങ​ൾ

രാ​ജ്യ​ത്ത്​ പൗ​രാ​വ​കാ​ശ സം​ര​ക്ഷ​ണ​ത്തി​നാ​യി ഏ​ർ​പ്പെ​ടു​ത്തി​യ സം​വി​ധാ​ന​ങ്ങ​ൾ പ്ര​വ​ർ​ത്ത​ന​ക്ഷ​മ​മാ​ണെ​ന്ന്​ ഉ​റ​പ്പു​വ​രു​ത്ത​ണ​മെ​ന്ന്​ ക്രൈ​സ്ത​വ ന്യൂ​ന​പ​ക്ഷ​ വി​ഭാ​ഗം രാ​ഷ്ട്ര​പ​തി ദ്രൗ​പ​ദി മു​ർ​മു​വി​ന്​ സ​ങ്ക​ട​ഹ​ര​ജി ന​ൽ​കി​യി​രി​ക്കു​ന്നു. ദേ​ശീ​യ ന്യൂ​ന​പ​ക്ഷ ക​മീ​ഷ​ൻ, ദേ​ശീ​യ മ​നു​ഷ്യാ​വ​കാ​ശ ക​മീ​ഷ​ൻ എ​ന്നി​വ​യെ​ല്ലാം നി​ല​വി​ലി​രി​ക്കെത​ന്നെ ഇ​ന്ത്യ​യി​ലെ ക്രൈ​സ്ത​വ ന്യൂ​ന​പ​ക്ഷ​ങ്ങ​ൾ​ക്കെ​തി​രെ സം​ഘ്​​പ​രി​വാ​ർ നേ​തൃ​ത്വ​ത്തി​ൽ ​ആ​സൂ​ത്രി​ത​മാ​യ ഉ​ന്മൂ​ല​ന​ശ്ര​മ​ങ്ങ​ൾ ന​ട​ന്നു​വ​രു​ക​യാ​ണെ​ന്ന്​ രാ​ഷ്ട്ര​പ​തി​ക്കു ന​ൽ​കി​യ നി​വേ​ദ​ന​ത്തി​ൽ അ​വ​ർ ചൂ​ണ്ടി​ക്കാ​ട്ടി. ഞാ​യ​റാ​ഴ്ച ന്യൂ​ഡ​ൽ​ഹി​യി​ലെ ജ​ന്ത​ർ​മ​ന്ത​റി​ൽ ക്രൈ​സ്ത​വ വി​ഭാ​ഗ​ങ്ങ​ൾ ഒ​ന്നി​ച്ചു​ചേ​ർ​ന്ന്​ സ​മു​ദാ​യ​ത്തി​നെ​തി​രെ ന​ട​ക്കു​ന്ന വ്യാ​പ​ക​മാ​യ ആ​ക്ര​മ​ണ​ത്തി​ൽ പ്ര​തി​ഷേ​ധി​ക്കു​ക​യും ഭ​ര​ണ​കൂ​ട ഇ​ട​പെ​ട​ൽ ആ​വ​ശ്യ​പ്പെ​ടു​ക​യും ചെ​യ്തി​രി​ക്കു​ന്നു. ‘അ​ടി​ച്ച​മ​ർ​ത്താം, ഇ​ല്ലാ​താ​ക്കാ​നാ​വി​ല്ല’ എ​ന്ന സ​ന്ദേ​ശ​മു​യ​ർ​ത്തി, വി​വി​ധ സ​ഭ​ക​ളും 79 ക്രൈസ്തവ സം​ഘ​ട​ന​ക​ളും ന​ട​ത്തി​യ പ്ര​തി​ഷേ​ധ സം​ഗ​മം ദേ​ശീ​യശ്ര​ദ്ധ​യാ​ക​ർ​ഷി​ച്ചു. ഉ​ത്ത​ർ​പ്ര​ദേ​ശ്, മ​ധ്യ​പ്ര​ദേ​ശ്, ഝാ​ർ​ഖ​ണ്ഡ്, ഛത്തി​സ്​​ഗ​ഢ്, ഉ​ത്ത​രാ​ഖ​ണ്ഡ്, ക​ർ​ണാ​ട​ക സം​സ്ഥാ​ന​ങ്ങ​ളി​ൽ ക്രൂ​ര​മാ​യ പീ​ഡ​ന​ത്തി​നും വ്യാ​പ​ക​മാ​യ കൈ​യേ​റ്റ​ങ്ങ​ൾ​ക്കും കു​ടി​യി​റ​ക്കി​നും ക്രൈ​സ്ത​വസ​മു​ദാ​യം ഇ​ര​യാ​യി​ക്കൊ​ണ്ടി​രി​ക്കു​ന്ന​തി​ന്റെ പ​ശ്ചാ​ത്ത​ല​ത്തി​ലാ​യി​രു​ന്നു പ്രതിഷേധം. ഏ​താ​നും ദി​വ​സ​ങ്ങ​ൾ​ക്കുമു​മ്പ്, ​ഇ​തേ ന​ഗ​രി​യി​ൽ​വെ​ച്ചാ​ണ് കു​പ്രസിദ്ധനായൊരു ഹി​ന്ദു​ത്വ​വാ​ദി നേ​താ​വ്, ന്യൂ​ന​പ​ക്ഷ​ങ്ങ​ളെ​യൊ​ന്നാ​കെ ഉ​ന്മൂ​ല​നംചെ​യ്യാ​ൻ ആ​ഹ്വാ​നംചെ​യ്ത​ത്. ഫാ​ഷി​സ​ത്തി​ന്റെ ഭ​ര​ണ​ത്ത​ണ​ലി​ൽ, വം​ശീ​യ​വെ​റി തീ​തു​പ്പു​ന്ന നി​ര​വ​ധി ആ​ക്രോ​ശ​ങ്ങ​ളി​ൽ ഒ​ന്നു​മാ​ത്ര​മാ​യി​രു​ന്നു അ​ത്; ന്യൂ​ന​പ​ക്ഷ​ങ്ങ​ളോ​ടു​ള്ള ഹി​ന്ദു​ത്വ ഭ​ര​ണ​കൂ​ട​ത്തി​ന്റെ സ​മീ​പ​ന​ത്തി​​ന്റെ നി​ദ​ർ​ശ​ക​മാ​യും അ​തി​നെ ക​ണ​ക്കാ​ക്കാം. ഇ​ത്ത​ര​ത്തി​ൽ, ന്യൂ​ന​പ​ക്ഷ​ങ്ങ​ളൊ​ന്നാ​കെ​യും വ​ലി​യ അ​സ്തി​ത്വപ്ര​തി​സ​ന്ധി നേ​രി​ടു​ന്ന സാ​ഹ​ച​ര്യ​ത്തി​ൽ ക്രൈ​സ്ത​വ സം​ഘ​ട​ന​ക​ൾ ഈ ​അ​നീ​തി​ക്കെ​തി​രെ രം​ഗ​ത്തു​വ​ന്നി​രി​ക്കു​ന്ന​ത് ശു​ഭോ​ദ​ർ​ക്ക​മാ​ണ്.

ഏ​താ​നും മാ​സ​ങ്ങ​ളാ​യി, ഛത്തിസ്ഗ​ഢ്​ അ​ട​ക്ക​മു​ള്ള ഉ​​ത്ത​രേ​ന്ത്യ​ൻ സം​സ്ഥാ​ന​ങ്ങ​ളി​ൽ ദി​നം​പ്ര​തി​യെ​ന്നോ​ണം ക്രൈ​സ്ത​വ ജ​നവി​ഭാ​ഗ​ങ്ങ​ൾ​ക്കു​നേ​രെ സം​ഘ്പ​രി​വാ​ർ അ​ക്ഷ​രാ​ർ​ഥ​ത്തി​ൽ അ​ഴി​ഞ്ഞാ​ടു​ക​യാ​ണ്. വി​ശ്വാ​സി​ക​ളാ​യ സ്ത്രീ​ക​ളെ അ​ർ​ധ​ന​ഗ്ന​രാ​ക്കി വ​ഴി​യി​ലൂ​ടെ ന​ട​ത്തി ആ​ൾ​ക്കൂ​ട്ട​ത്തി​നു മു​ന്നി​ൽ പ്ര​ദ​ർ​ശി​പ്പി​ച്ച സം​ഭ​വ​മ​ട​ക്കം ഇ​തി​ന​കം​ത​ന്നെ വ​ലി​യ വാ​ർ​ത്ത​യാ​യി; എ​ത്ര​യോ ആരാ​ധ​നാ​ല​യ​ങ്ങ​ളി​ലെ ക്രി​സ്തുപ്ര​തി​മ​ക​ൾ ത​ക​ർ​ക്ക​പ്പെ​ട്ടു; വീ​ടു​ക​ൾ അ​ഗ്നി​ക്കി​ര​യാ​യി. നി​ർ​ബ​ന്ധി​ത മ​ത​പ​രി​വ​ർ​ത്ത​ന​വും മ​റ്റും ആ​രോ​പി​ച്ചാ​ണ് ഈ ​ആ​ക്ര​മ​ണ​ങ്ങ​ള​ത്ര​യും.​ ചു​രു​ങ്ങി​യ​ത് അ​രഡ​സ​ൻ സം​സ്ഥാ​ന​ങ്ങ​ളി​ലെ​ങ്കി​ലും ഇ​ത്ത​രം സം​ഭ​വ​ങ്ങ​ൾ തു​ട​ർ​ച്ച​യാ​യി റി​പ്പോ​ർ​ട്ട് ചെ​യ്യ​പ്പെ​ട്ടി​ട്ടും അ​ധി​കൃ​ത​ർ മൗ​നം തു​ട​രു​ക​യാ​യി​രു​ന്നു; ദേ​ശീ​യ ന്യൂ​ന​പ​ക്ഷ ക​മീ​ഷ​ൻ അ​ട​ക്ക​മു​ള്ള അ​ർ​ധ ജു​ഡീ​ഷ്യ​ൽ സ്ഥാ​പ​ന​ങ്ങ​ളും വേ​ട്ട​ക്കാ​ർ​ക്കൊ​പ്പം നി​ല​യു​റ​പ്പി​ച്ചു. സ​ഭ​യു​ടെ എ​ണ്ണംപ​റ​ഞ്ഞ ചി​ല നേ​താ​ക്ക​ൾ പ​ല​പ്പോ​ഴും ഇ​തേ അ​ധി​കാ​രവ​ർ​ഗ​ത്തോ​ട് ച​ങ്ങാ​ത്തം സ്ഥാ​പി​ച്ച​വ​രാ​യി​രു​ന്നു​വെ​ന്നോ​ർ​ക്ക​ണം. ആ ​നി​ല​യി​ലു​ള്ള പ​ല സൗ​ഹൃ​ദ​സം​ഭാ​ഷ​ണ​ങ്ങ​ൾ​ക്കും അ​ധി​കാ​രിവ​ർ​ഗ​ത്തി​ന്റെ അ​ര​മ​ന​ക​ൾ എ​ത്ര​യോ സാ​ക്ഷി​യാ​യ​തു​മാ​ണ്. പ​ക്ഷേ, ആ ​ച​ങ്ങാ​ത്തത്തിനൊ​ന്നും വേ​ട്ട​ക്കാ​രെ​ക്കൊ​ണ്ട് ആ​യു​ധം താ​ഴെവെ​പ്പി​ക്കാ​നാ​യി​ല്ല. ഒ​രു​പക്ഷേ, ഈ ​തി​രി​ച്ച​റി​വാ​കാം ക്രൈ​സ്ത​വ സം​ഘ​ട​ന​ക​ളെ പു​തി​യൊ​രു അ​വ​കാ​ശ​പ്പോ​രാ​ട്ട​ത്തി​ലേ​ക്ക് എ​ത്തി​ച്ച​ത്. രാ​ജ്യ​ത്തെ ഇ​ത​ര ന്യൂ​ന​പ​ക്ഷ വി​ഭാ​ഗ​ങ്ങ​ളും സ​മാ​ന​മാ​യ അ​വ​കാ​ശ മു​ദ്രാ​വാ​ക്യ​ങ്ങ​ൾ നേ​ര​ത്തേ ഉ​യ​ർ​ത്തി​യി​ട്ടു​ണ്ട്. ദി​വ​സ​ങ്ങ​ൾ​ക്കുമു​മ്പ്, ഡൽഹിയിൽ ജം​ഇ​യ്യ​തു​ൽ ഉ​ലമായെ ഹിന്ദ്​ സം​ഘ​ടി​പ്പി​ച്ച സ​മ്മേ​ള​ന​ത്തി​ലും ഉ​യ​ർ​ന്നു​കേ​ട്ട​ത് അ​വ​കാ​ശ​പ്പോ​രാ​ട്ട മു​ദ്രാ​വാ​ക്യ​ങ്ങ​ൾ​ത​ന്നെ​യാ​ണ്. ആ​ർ.​എ​സ്.​എ​സു​മാ​യി മു​സ്‍ലിം സം​ഘ​ട​ന​ക​ൾ ന​ട​ത്തി​യ ച​ർ​ച്ച​യി​ലും, ഇ​നി​യും അ​ടി​ച്ച​മ​ർ​ത്തലി​ന് വ​ഴ​ങ്ങാ​നാ​കി​ല്ലെ​ന്ന സ​ന്ദേ​ശം​ത​ന്നെ​യാ​ണ് മു​ന്നോ​ട്ടു​വെ​ച്ച​ത്. രാ​ജ്യ​ത്തെ ദ​ലി​ത്, ആ​ദി​വാ​സി സം​ഘ​ട​ന​ക​ളും അ​വ​രു​ടെ സ്വ​ത്വാ​​ധി​ഷ്ഠി​ത​മാ​യ അ​വ​കാ​ശ​പ്ര​ഖ്യാ​പ​ന​ങ്ങ​ളു​മാ​യി സ​മ​ര​രം​ഗ​ത്തു​ണ്ട്. മ​റ്റൊ​ര​ർ​ഥ​ത്തി​ൽ, ഹി​ന്ദു​ത്വ​യു​ടെ മ​ർ​ദ​ന​ങ്ങ​ൾ​ക്കി​ര​യാ​യ ജ​ന​സ​മൂ​ഹ​ങ്ങ​ൾ വ്യ​വ​സ്ഥാ​പി​ത രാ​ഷ്ട്രീ​യ പ്ര​തി​രോ​ധ​ങ്ങ​ൾ​ക്ക​പ്പു​റ​മു​ള്ള പു​തി​യൊ​രു സ​മ​ര​മു​ഖം തു​റ​ക്കാ​നു​ള്ള ഒ​രു​ക്ക​ത്തി​ലാ​ണ്. ഇ​ത് സം​ഘ്പ​രി​വാ​റി​നെ രാ​ഷ്ട്രീ​യ​മാ​യി ക്ഷീ​ണി​പ്പി​ക്കു​ക​ത​ന്നെ ചെ​യ്യും.

ഒ​ര​ർ​ഥ​ത്തി​ൽ, രാ​ജ്യ​ത്തെ എ​ല്ലാ ന്യൂ​ന​പ​ക്ഷ​ങ്ങ​ൾ​ക്കു​മാ​യു​ള്ളൊ​രു സ​ങ്ക​ട​ഹ​ര​ജി​യാ​യി ജ​ന്ത​ർ​മ​ന്ത​റി​ൽ​നി​ന്ന് ഉ​യ​ർ​ന്നു​കേ​ട്ട മു​ദ്രാ​വാ​ക്യ​ങ്ങ​ളെ കാ​ണാം. ന്യൂ​ന​പ​ക്ഷ​ങ്ങ​ളി​ല്ലാ​ത്ത, എ​ല്ലാ അ​ർ​ഥ​ത്തി​ലും ‘ഏ​ക​മു​ഖ’​മാ​യൊ​രു ഇ​ന്ത്യ​യാ​ണ് ആ​ത്യ​ന്തി​ക​മാ​യി ഹി​ന്ദു​ത്വ സ്വ​പ്നംകാ​ണു​ന്ന​ത്. ഏ​ക സി​വി​ൽ കോ​ഡ് അ​ട​ക്ക​മു​ള്ള നി​യ​മ​നി​ർ​മാ​ണശ്ര​മ​ങ്ങ​​ളെ​ല്ലാം ആ ​ല​ക്ഷ്യ​ത്തി​ലേ​ക്കു​ള്ള വ​ഴി​ക​ളാ​ണ്. ഒ​രു​വ​ശ​ത്ത്, ന്യൂ​ന​പ​ക്ഷ​ങ്ങ​ളെ തി​രഞ്ഞു​പി​ടി​ച്ച് പ്ര​ത്യ​ക്ഷ​ത്തി​ൽ​ത​ന്നെ ഉ​ന്മൂ​ല​നംചെ​യ്യാ​നു​ള്ള പ​രി​പാ​ടി​ക​ൾ ഭ​ര​ണ​വ​ർ​ഗം ആ​സൂ​ത്ര​ണംചെ​യ്യു​ന്നു. മ​റു​വ​ശ​ത്ത്, ഭ​ര​ണ​ഘ​ട​നാ​പ​ര​മാ​യി ന്യൂ​ന​പ​ക്ഷ​ങ്ങ​ൾ​ക്ക് കൈ​വ​ന്നി​ട്ടു​ള്ള സ​ർ​വ അ​വ​കാ​ശ​ങ്ങ​ളും ഹ​നി​ച്ചു​കൊ​ണ്ടി​രി​ക്കു​ന്നു. അ​തി​നാ​യി, പാ​ർ​ല​മെ​ന്റി​ലെ ‘ഭീ​ക​ര’ ഭൂ​രി​പ​ക്ഷ​ത്തെ ദു​രു​പ​യോ​ഗംചെ​യ്യു​ന്നു. മു​ന്നാ​ക്ക സം​വ​ര​ണം എ​ന്ന പേ​രി​ൽ ന​ട​പ്പാ​ക്കി​യ സ​വ​ർ​ണസം​വ​ര​ണം ഫ​ല​ത്തി​ൽ ന്യൂ​ന​പ​ക്ഷ, പി​ന്നാ​ക്ക സം​വ​ര​ണ​ത്തെ​യും അ​തു​വ​ഴി അ​വ​ർ​ക്കു​ണ്ടാ​കാ​വു​ന്ന ഭ​ര​ണ​കൂ​ട പ്ര​തി​നി​ധാ​ന​ത്തെ​യു​മാ​ണ് ഇ​ല്ലാ​യ്മചെ​യ്യു​ന്ന​ത്. വി​ദ്യാ​ഭ്യാ​സ മേ​ഖ​ല​യി​ൽ, ന്യൂ​ന​പ​ക്ഷ​ങ്ങ​ൾ​ക്ക് ല​ഭി​ച്ചു​കൊ​ണ്ടി​രു​ന്ന വി​വി​ധ സ്കോ​ള​ർ​ഷി​പ്പു​ക​ൾ നി​ർ​ത്ത​ലാ​ക്കി​യ​തും ന്യൂ​ന​പ​ക്ഷ നി​ഷ്കാ​സ​ന പ​ദ്ധ​തി​യു​ടെ ഭാ​ഗ​മാ​യി​ട്ടാ​ണ്. പൗ​ര​ത്വ ​ഭേ​ദ​ഗ​തി നി​യ​മംപോ​ലെ, മു​സ്‍ലിം ന്യൂ​ന​പ​ക്ഷ​ങ്ങ​ൾ​ക്കു​നേ​രെ സ​വി​ശേ​ഷ​മാ​യ മ​റ്റു​ചി​ല പ​ദ്ധ​തി​ക​ളും അ​ണി​യ​റ​യി​ൽ ഒ​രു​ങ്ങി​ക്കൊ​ണ്ടി​രി​ക്കു​ന്നു​ണ്ട്. എ​ന്തി​നേ​റെ, പാ​ർ​ല​മെ​ന്റി​ൽ ഭ​ര​ണ​പ​ക്ഷ​ത്ത് ഒ​രു മു​സ്‍ലിം അം​ഗംപോ​ലും ഇ​ല്ലാ​താ​യി​രി​ക്കു​ന്നു. വ്യ​വ​സ്ഥാ​പി​ത​മാ​യ ഈ ​ഉ​ന്മൂ​ല​നശ്ര​മ​ങ്ങ​ളെ ന്യൂ​ന​പ​ക്ഷ​ങ്ങ​ൾ തി​രി​ച്ച​റി​യു​ന്നു​വെ​ന്ന​ത് ചെ​റി​യ കാ​ര്യ​മ​ല്ല. ആ ​തി​രി​ച്ച​റി​വി​ൽ​നി​ന്നാ​ണ് ഇ​ത്ത​രം സ​മ​ര​ങ്ങ​ളും മു​ദ്രാ​വാ​ക്യ​ങ്ങ​ളും രൂ​പ​പ്പെ​ടു​ന്ന​ത്. അ​തി​നാ​ൽ, ജ​നാ​ധി​പ​ത്യ-​ഭ​ര​ണ​ഘ​ട​ന മൂല്യ​ങ്ങ​ൾ നി​ല​നി​ൽ​ക്ക​ണ​മെ​ന്ന് ആ​ഗ്ര​ഹി​ക്കു​ന്ന സ​ക​ല​രും ഈ ​മു​ദ്രാ​വാ​ക്യ​ങ്ങ​ൾ ഏ​റ്റു​വി​ളി​ച്ചേ മ​തി​യാ​കൂ.