ദുബൈ സൂപ്പര്‍ സീരീസ് ഫൈനല്‍സ്: സൈന പുറത്ത്

ദുബൈ: ബി.ഡബ്ള്യു.എഫ് സൂപ്പര്‍ സീരീസ് ഫൈനല്‍സില്‍ ഇന്ത്യന്‍ പ്രതീക്ഷയായിരുന്ന ലോക രണ്ടാം നമ്പര്‍ താരം
സൈന നെഹ്വാള്‍ സെമി കാണാതെ പുറത്ത്. നിലവിലെ ചാമ്പ്യനും ചൈനീസ് തായ്പേയ് താരവുമായ തായി സു യിങ്ങിനോടാണ് സൈന തോറ്റത്. സ്കോര്‍: 21-16, 18-21, 14-21. ആദ്യ സെറ്റ് നേടിയശേഷമാണ് സൈന മത്സരം കൈവിട്ടത്. ആദ്യ മത്സരത്തില്‍ ജപ്പാന്‍ താരം നസോമി ഒകൂറക്കെതിരെ പരാജയപ്പെട്ടെങ്കിലും രണ്ടാം മത്സരത്തില്‍ ലോക ചാമ്പ്യന്‍ കരോലിന മരിനെ തോല്‍പിച്ച് സൈന സെമി സാധ്യതകള്‍ സജീവമാക്കിയിരുന്നു.