ഇന്ത്യന്‍ ഓപണ്‍: സൈന രണ്ടാം റൗണ്ടില്‍

ന്യൂഡല്‍ഹി: ഇന്ത്യന്‍ ഓപണ്‍ ബാഡ്മിന്‍റണ്‍ ചാമ്പ്യന്‍ഷിപ്പില്‍ നിലവിലെ ജേതാവ് സൈന നെഹ്വാളിന് ജയത്തോടെ തുടക്കം. തന്‍വി ലാഡിനെ നേരിട്ടുള്ള സെറ്റുകള്‍ക്ക് കീഴടക്കിയ സൈന രണ്ടാം റൗണ്ടിലേക്ക് അനായാസം മുന്നേറി. സ്കോര്‍: 21-7, 21-13. അതേസമയം, പുരുഷചാമ്പ്യന്‍ കെ. ശ്രീകാന്ത് ഒന്നാം റൗണ്ടില്‍ പുറത്തായി. ചൈനയുടെ ടിയാന്‍ ഹുവെയോട് മൂന്ന് സെറ്റ് മത്സരത്തിലാണ് ശ്രീകാന്ത് പൊരുതി കീഴടങ്ങിയത്. സ്കോര്‍: 13-21, 21-17, 22-24. വനിതാ സിംഗ്ള്‍സില്‍ റിതുപര്‍ണ ദാസ് രണ്ടാം റൗണ്ടില്‍ കടന്നു.