പത്താൻെറ മകനുമായി സചിൻെറ ബോക്​സിങ്​; വൈറലായി വിഡിയോ

ഇർഫാൻ പത്താൻെറ മകനുമായി ഗുസ്​തി കൂടുന്ന ഇന്ത്യയുടെ സ്വന്തം മാസ്റ്റർ ബ്ലാസ്​റ്റർ സചിൻ ടെണ്ടുൽക്കറിൻെറ വിഡിയ ോ വൈറലാവുകയാണ്​. പത്താനാണ്​ ട്വിറ്ററിൽ വിഡിയോ പോസ്റ്റ്​ ചെയ്​തത്​. അഞ്ച്​ രാഷ്​ട്രങ്ങളിലെ ക്രിക്കറ്റ്​ ഇത ിഹാസങ്ങൾ അഞ്ച്​ ടീമുകളായി കളിക്കുന്ന റോഡ്​ സേഫ്​റ്റി സീരീസിൻെറ ആദ്യ മത്സര സമയത്തായിരുന്നു രസകരമായ സംഭവം നടന്നത്​.

സചിനുമായി​ ഒരു ബോക്സിങ്​ അങ്കത്തിനുള്ള ശ്രമത്തിലായിരുന്നു​​ ഇർഫാൻെറ മകൻ ഇമ്രാൻ. സചിനും ഇമ്രാൻെറ കുഞ്ഞുകൈകൊണ്ടുള്ള ഇടിയെ പ്രതിരോധിച്ച്​ കളിയിൽ കൂടെ കൂടുന്നുണ്ട്​. വിഡിയോ പോസ്​റ്റ്​ ചെയ്​ത ഇർഫാൻ പത്താൻ അതിന്​ നൽകിയ അടിക്കുറിപ്പും മനോഹരമായിരുന്നു. ഇമ്രാന്​ അറിയില്ല അവൻ എന്താണ്​ ചെയ്​തതെന്ന്​... അവൻ വളരു​േമ്പാൾ അറിയും... തമാശ രൂപേണ അദ്ദേഹം കുറിച്ചു.

#Imran didn’t realise what he did he will when he grows up... #boxing @sachin_rt paji pic.twitter.com/RL81yBoYmX

— Irfan Pathan (@IrfanPathan) March 8, 2020

മറുപടിയായി സചിൻെറ ട്വീറ്റുമെത്തി. നിൻെറ മസിലുകൾ ഒരു ദിവസം എന്നെക്കാളം നിൻെറ അച്ഛനേക്കാളും വലുതും കരുത്തുറ്റതുമാകും എന്നായിരുന്നു മാസ്റ്റർ ബ്ലാസ്​റ്റർ പറഞ്ഞത്​. കുട്ടികളോടൊപ്പമുള്ള നിമിഷങ്ങൾ മനോഹരമാണെന്നും അദ്ദേഹം കുറിച്ചു.

Always fun hanging out with little
kids. Your muscles will one day definitely be bigger and stronger than mine and your father’s, Imran. @IrfanPathan https://t.co/ZQvizqyXzv

— Sachin Tendulkar (@sachin_rt) March 8, 2020