ഫേസ്​ ​െഎ.ഡി പ്രവർത്തിച്ചില്ല; ലോഞ്ചിനിടെ നാണംകെട്ട്​ ആപ്പിൾ

കാലിഫോർണിയ: ഭാവിയുടെ ഫോൺ എന്ന്​ വിശേഷിപ്പിച്ചാണ്​  ആപ്പിൾ ​െഎഫോൺ Xനെ വിപണിയിലവതരിപ്പിച്ചത്​. ഫോണി​​​െൻറ ഏറ്റവും വലിയ സവിശേഷതയായി ആപ്പിൾ ഉയർത്തി കാട്ടിയതാക​െട്ട ഫേസ്​ ​െഎ.ഡിയും. എന്നാൽ സ്​റ്റീവ്​ ജോബ്​സ്​ തിയേറ്ററിൽ നടന്ന ലോഞ്ച്​ ഇവൻറിനിടെ ഫേസ്​ ​െഎ.ഡി സംവിധാനം പ്രവർത്തിക്കാത്തത്​ ആപ്പിളിന്​ ക്ഷീണമായി.

മുൻ കാമറകളുപയോഗിച്ച്​ ഉപ​ഭോക്​താവി​​​െൻറ മുഖം തിരിച്ചറിയുന്ന സംവിധാനമാണ്​ ഫേസ്​ ​െഎ.ഡി. ടച്ച്​ ​െഎ.ഡിയേക്കാളും കൂടുതൽ സുരക്ഷിതമാണ്​ ഇൗ സംവിധാനം എന്നാണ്​ ആപ്പിളി​​​െൻറ അവകാശവാദം. കുറച്ച്​ സമയത്തേക്കെങ്കിലും ആപ്പിളി​​​െൻറ വാദങ്ങളെ പൊളിക്കുന്നതാണ്​ ചൊവ്വാഴ്​ച നടന്ന സംഭവങ്ങൾ.

ലോഞ്ച്​ ഇവൻറിനിടെ ഫോൺ അൺലോക്ക്​ ചെയ്യാൻ അതി​​​െൻറ നേരെ നോക്കിയാൽ മതിയെന്ന്​ അറിയിച്ച്​ കമ്പനി പ്രതിനിധി ക്രെയ്​ഗ്​ ഫോണി​ന്​ നോക്കിയിയെങ്കിലും ഒന്നും സംഭവിച്ചില്ല. ഒരിക്കൽ കൂടി ശ്രമിക്കാമെന്ന്​ അറിയിച്ച്​ ക്രെയ്​ഗ്​ ഫോൺ അൺലോക്ക്​ ചെയ്യാൻ ശ്രമിച്ചെങ്കിലും പാസ്​വേർഡ്​ ടൈപ്പ്​ ചെയ്യാനുള്ള ഒാപ്​ഷനാണ്​ ഫോണിൽ തെളിഞ്ഞത്​. ഫേസ്​ ​െഎ.ഡി പരാജയപ്പെടു​േമ്പാഴാണ്​ പാസ്​കോഡ്​ ചോദിക്കുക എന്നത്​ ആപ്പിളിന്​ ക്ഷീണമായി. എന്നാൽ ഫേസ്​ ​െഎ.ഡി ശരിയായ രീതിയിൽ എൻറർ ചെയ്യാത്തതാണ്​ പ്രശ്​നങ്ങൾ സൃഷ്​ടിച്ചതെന്നും ചിലർ അഭിപ്രായപ്പെടുന്നുണ്ട്​​.