ജവാൻ എന്ന ബ്ലോക്ക്ബസ്റ്ററിന് ശേഷം അറ്റ്ലി അടുത്ത ചിത്രത്തിൽ കമൽ ഹാസനും സൽമാൻ ഖാനും പ്രധാന വേഷങ്ങളില്‍ എത്തുമെന്ന് റിപ്പോർട്ട്.
ചിത്രത്തിന്റെ ഷൂട്ടിങ് 2025ൽ ആരംഭിക്കുമെന്നാണ് ഏറ്റവും പുതിയ റിപ്പോർട്ടുകൾ സൂചിപ്പിക്കുന്നത്.
ചിത്രത്തിന്റെ കഥയിൽ കമൽ ഹാസനും സൽമാൻ ഖാനും താല്പര്യം പ്രകടിപ്പിച്ചെന്നും ഇപ്പോഴുള്ള സിനിമകളുടെ ഷൂട്ടിങ് പൂർത്തിയാക്കിയതിന് ശേഷം ഈ സിനിമയിലേക്ക് കടക്കുമെന്നും പറയുന്നു.
തമിഴിലെ ബ്രാൻഡ് സംവിധായകൻമാരിൽ ഒരാളാണ് അറ്റ്ലി.
ഷാരൂഖ് ഖാനെ നായകനാക്കി അറ്റ്ലീ ഒരുക്കിയ ജവാൻ വലിയ വിജയം നേടിയ ചിത്രമായിരുന്നു. 1000 കോടിക്ക് മേലെയാണ് ചിത്രം ബോക്സ് ഓഫിസിൽ നിന്നും വാരിക്കൂട്ടിയത്.
സിനിമ വിജയമായതോടെ ബോളിവുഡിൽ നിന്നും തെലുങ്കിൽ നിന്നും വലിയ ഓഫറുകളാണ് അറ്റ്‌ലിയെ തേടിയെത്തുന്നത്.
രാജ റാണി, തെരി, മെർസൽ, ബിഗിൽ, ജവാൻ.. ഇതൊക്കെയാണ് അറ്റ്ലി ഇതുവരെ സംവിധാനം ചെയ്ത ചിത്രങ്ങൾ.
സൽമാൻ ഖാൻ-കമൽ ഹാസൻ-അറ്റ്ലി എന്നീ വലിയ പേരുകൾ ഒന്നിക്കുമ്പോൾ ഒരുപാട് പ്രതീക്ഷയാണ് ആരാധകർക്ക്.