ക​ന്നു​കാ​ലി​ക​ളുടെ ജീ​വ​നെ​ടു​ക്കുന്ന വി​ഷ​ച്ചെ​ടി​ക​ൾ

ക​പ്പയിലെ സ​യ​നൈ​ഡ് സാ​ന്നി​ധ്യം
ഇ​ല​യി​ലും ത​ണ്ടി​ലും കാ​യി​ലും തൊ​ണ്ടി​ലു​മെ​ല്ലാം സ​യ​നൈ​ഡ് സാ​ന്നി​ധ്യ​മു​ള്ള ചെ​ടിയാ​ണ് ക​പ്പ. ഇ​നം, പ്രാ​യം, പ്ര​ദേ​ശം, കാ​ലാ​വ​സ്ഥ, വ​ള​പ്ര​യോ​ഗം അ​നു​സ​രി​ച്ച് ക​പ്പ​യി​ലെ സ​യ​നൈ​ഡ് സാ​ന്നി​ധ്യ​ത്തി​ൽ മാറ്റമുണ്ടാകും.
ക​യ്പു​ള്ള ക​പ്പ​യി​ൽ വി​ഷാം​ശം കൂ​ടു​ത​ലാ​യി​രി​ക്കും. കി​ഴ​ങ്ങി​ലു​ള്ള​തി​നേ​ക്കാ​ൾ പ​തി​ന്മ​ട​ങ്ങ് സ​യ​നൈ​ഡ് വി​ഷം ക​പ്പ​ തൊ​ലി​യി​ലു​ണ്ട്.
ബ്ലൂ​മി​യ ചെ​ടി​
കു​ക്കു​റ​ച്ചെ​ടി, രാ​ക്കി​ല എ​ന്നൊ​ക്കെ പ്രാ​ദേ​ശി​ക പേ​രു​ക​ളി​ല്‍ അ​റി​യ​പ്പെ​ടു​ന്ന സ​സ്യ​മാ​ണ് ബ്ലൂ​മി​യ. ഇ​ളം​ മ​ഞ്ഞ നി​റ​ങ്ങ​ളി​ലു​ള്ള ചെ​റി​യ പൂ​ക്കു​ല​ക​ളു​മാ​യി പൂ​ത്തു​നി​ല്‍ക്കു​ന്ന ബ്ലൂ​മി​യ ചെ​ടി​ക​ളും വി​ഷ​മാ​ണ്.
ക​ഞ്ഞി​യും ച​ക്ക​യും ജീ​വ​നെ​ടു​ക്കും
എ​ളു​പ്പം ദ​ഹി​ക്കു​ന്ന അ​ന്ന​ജ​ സ​മൃ​ദ്ധ​മാ​യ ക​ഞ്ഞി, ചോ​റ്, ച​ക്ക, പ​ച്ച​ക്ക​റി അ​വ​ശി​ഷ്ട​ങ്ങ​ൾ, വേ​വി​ച്ച ക​പ്പ അ​ട​ക്ക​മു​ള്ള കി​ഴ​ങ്ങ് വ​ർ​ഗ​ങ്ങ​ൾ എന്നി​വ ​തീ​റ്റ​യാ​യി ന​ൽ​കി​യാ​ൽ ആ​മാ​ശ​യ​ത്തി​ൽ അ​മിതമായി ലാ​ക്ടി​ക് അ​മ്ലം ഉ​ൽ​പാ​ദി​പ്പി​ക്ക​പ്പെ​ടും.
അ​പ​ക​ട​ക​ര​മാ​യ ഈ ​അ​വ​സ്ഥ അ​ക്യു​ട്ട് ലാ​ക്ടി​ക് അ​സി​ഡോ​സി​സ് എ​ന്നാ​ണ് അ​റി​യ​പ്പെ​ടു​ന്ന​ത്. ഗു​രു​ത​ര​മാ​യാ​ൽ വ​യ​റ്റി​ൽ അ​മ്ലം ഉ​യ​ർ​ന്ന് ക​ന്നു​കാ​ലി​ക​ൾ ത​ള​ർ​ന്ന് വീ​ഴു​ക​യും മ​ര​ണം വ​രെ സം​ഭ​വി​ക്കു​ക​യും ചെ​യ്യാം.
കൊ​ങ്ങി​ണി/​അ​രി​പ്പൂ​ച്ചെ​ടി, ആ​ൽ വ​ർ​ഗ​ത്തി​ൽ പെ​ട്ട ചേ​ല/ കാ​രാ​ൽ മ​ര​ത്തി​ന്റെ ഇ​ല​ക​ൾ, ക​ല്ലു​നെ​ര​ന്ത /വ​ള്ളി​നെ​ര​ന്ത വി​ഷ​സ​സ്യം, എ​രി​ക്ക്, ആ​ന​ത്തൊ​ട്ടാ​വാ​ടി, ചേ​ര്, അ​ര​ളി, ഒ​ത​ളം, ഉ​മ്മം, സ​ർ​പ്പോ​ള, കൊ​ഴു​പ്പ​ച്ചീ​ര എന്നിവ ക​ന്നു​കാ​ലി​ക​ൾക്ക് നൽകരുത്.
ശ്രദ്ധിക്കേണ്ട കാര്യങ്ങൾ
തീ​റ്റ​ക്ര​മ​ത്തി​ൽ മാ​റ്റം വ​രു​ത്തു​ക​യോ പു​തി​യ തീ​റ്റ ഉ​ൾ​പ്പെ​ടു​ത്തു​ക​യോ ചെ​യ്യു​ന്ന സാ​ഹ​ച​ര്യ​ത്തി​ൽ ക്ര​മ​മാ​യി ശീ​ലി​പ്പി​ച്ച​തി​നു ശേ​ഷം മാ​ത്രം പൂ​ർ​ണ അ​ള​വി​ൽ ന​ൽ​കാ​ൻ ശ്ര​ദ്ധി​ക്ക​ണം.
നാ​രു​ക​ളാ​ൽ സ​മൃ​ദ്ധ​മാ​യ ഗു​ണ​നി​ല​വാ​ര​മു​ള്ള തീ​റ്റ​പ്പു​ല്ലും വൃ​ക്ഷ​യി​ല​ക​ളും പൈ​നാ​പ്പി​ളി​ല, പ​യ​ർ​ച്ചെ​ടി​ക​ൾ പോ​ലു​ള്ള മ​റ്റ് പ​രു​ഷാ​ഹാ​ര​ങ്ങ​ളും തീ​റ്റ​യി​ൽ കൂ​ടു​ത​ൽ ഉ​ൾ​പ്പെ​ടു​ത്ത​ണം.
തീ​റ്റ​യി​ൽ ഗു​ണ​നി​ല​വാ​ര​മു​ള്ള പു​ല്ലി​ന്റെ അ​ള​വ് കൂ​ടും​തോ​റും പ​ശു​ക്ക​ളു​ടെ ആ​രോ​ഗ്യ​വും ഉ​ൽ​പാ​ദ​ന​വും പ്ര​ത്യു​ൽ​പാ​ദ​ന​ ശേ​ഷി​യു​മെ​ല്ലാം മെ​ച്ച​പ്പെ​ടും.
പെ​ല്ല​റ്റ്, ചോ​ളം അ​ട​ക്ക​മു​ള്ള ധാ​ന്യ​പ്പൊ​ടി​ക​ൾ, ബി​യ​ർ വേ​സ്റ്റ് ഉ​ൾ​പ്പെ​ടെ​യു​ള്ള സാ​ന്ദ്രീ​കൃ​ത തീ​റ്റ​ക​ൾ ശാ​സ്ത്രീ​യ​ക്ര​മം പാ​ലി​ച്ച് ഉ​ൽ​പാ​ദ​ന​ത്തി​ന്റെ അ​ടി​സ്ഥാ​ന​ത്തി​ൽ വേ​ണ്ട അ​ള​വി​ൽ മാ​ത്രം ന​ൽ​ക​ണം
ഇ​ളം​പു​ല്ല് മാ​ത്ര​മാ​യി അ​ധി​ക അ​ള​വി​ൽ കാ​ലി​ക​ൾ​ക്ക് ന​ൽ​കു​ന്ന​ത് ഒ​ഴി​വാ​ക്ക​ണം.