പു​ക ശ്വ​സി​ക്കു​ന്നു​ണ്ടോ? ക​രു​തി​യി​രി​ക്ക​ണം

ക്രോ​ണി​ക് ഒ​ബ്സ്ട്ര​ക്ടി​വ് പ​ള്‍മ​നറി ഡി​സീ​സ് (സി.​ഒ.​പി.​ഡി), ശ്വ​സ​ന​നാ​ളി​ക​ള്‍ ചു​രു​ങ്ങി വാ​യു​സ​ഞ്ചാ​രം ത​ട​സ്സ​പ്പെ​ടു​ത്തു​ന്ന​തും ഗു​രു​ത​ര​മാ​യാ​ല്‍ മ​ര​ണ​കാര​ണ​മാ​കു​ന്ന​തു​മാ​യ രോ​ഗാ​വ​സ്ഥ. ഈ ​അ​സു​ഖം ബാ​ധി​ച്ച​വ​ർ​ക്ക് ദീ​ര്‍ഘ​കാ​ല അ​സ്വ​സ്ഥ​ത​ക​ൾ നേ​രി​ടേ​ണ്ടി​വ​രും. ഇ​ത് വി​ട്ടു​മാ​റാ​തെ തു​ട​രു​ന്ന​തി​നാ​ല്‍ കൃ​ത്യ​മാ​യ ചി​കി​ത്സ​യും നി​ര​ന്ത​ര പ​രി​ച​ര​ണ​വും അ​ത്യാ​വ​ശ്യ​മാ​ണ്.

രോ​ഗ​ബാ​ധി​ത​രി​ല്‍ ക്ര​മേ​ണ ശ്വാ​സ​കോ​ശ​ത്തി​ന്റെ പ്ര​വ​ര്‍ത്ത​ന​ക്ഷ​മ​ത വ​ലി​യ തോ​തി​ല്‍ കു​റ​ഞ്ഞു​വ​രു​ന്ന​തി​നാ​ല്‍ മ​ര​ണ​കാ​ര​ണ​മാ​കു​ന്ന രോ​ഗ​ങ്ങ​ളി​ല്‍ മു​ന്‍നി​ര​യി​ലാ​ണ് സി.​ഒ.​പി.​ഡി. സാ​ധാ​ര​ണ 50 വ​യ​സ്സി​ന് മു​ക​ളി​ലു​ള്ള പു​ക​വ​ലി​ക്കാ​രി​ലാ​ണ് ഈ ​രോ​ഗം കൂ​ടു​ത​ലാ​യി ക​ണ്ടു​വ​രു​ന്ന​ത്‌.

പു​ക​വ​ലി​ക്കു​ന്ന​തു​മൂ​ലം ശ്വ​സ​ന​നാ​ളി​ക​ളി​ല്‍ നീ​ര്‍ക്കെ​ട്ട് രൂ​പ​പ്പെ​ടു​ന്ന​തി​നാ​ല്‍ ശ്വ​സ​ന​നാ​ളി ചു​രു​ങ്ങു​ന്ന​തി​നും വേ​ണ്ട​ത്ര ഓ​ക്സി​ജ​ന്‍ ശ​രീ​ര​ത്തി​ലെ​ത്താ​തി​രി​ക്കു​ന്ന​തി​നും കാ​ര​ണ​മാ​കു​ന്നു.

മ​റ്റു​ള്ള​വ​ര്‍ പു​ക​വ​ലി​ക്കു​മ്പോ​ള്‍ പു​ക ശ്വാ​സ​കോ​ശ​ത്തി​ലെ​ത്തു​ന്ന​തും (പാ​സി​വ് സ്മോ​ക്കി​ങ്) ഈ ​രോ​ഗ​ത്തി​ന് കാ​ര​ണ​മാ​കും.

പു​ക​വ​ലി കൂ​ടാ​തെ മ​റ്റു പ​ലത​ര​ത്തി​ല്‍ പു​ക ശ്വ​സി​ക്കു​ന്ന​തും സി.​ഒ.​പി.​ഡി ബാ​ധി​ക്കു​ന്ന​തി​ന് വ​ഴി​വെ​ക്കാ​റു​ണ്ട്.

വി​റ​കു​പോ​ലു​ള്ള​വ ക​ത്തി​ക്കു​മ്പോ​ള്‍ ഉ​ണ്ടാ​കു​ന്ന പു​ക ശ്വ​സി​ക്കു​ന്ന​ത്, ഫാ​ക്ട​റി​ക​ളി​ല്‍നി​ന്നു​ള്ള പു​ക, വാ​ഹ​ന​ങ്ങ​ളി​ല്‍നി​ന്നു​ള്ള പു​ക തു​ട​ങ്ങി​യ​വ പ​തി​വാ​യി ശ്വ​സി​ക്കു​ന്ന​ത് സി.​ഒ.​പി.​ഡി ബാ​ധി​ക്കാ​ന്‍ കാ​ര​ണ​മാ​കും.

ചി​ല​രി​ല്‍ ആ​സ്ത്മ നി​യ​ന്ത്ര​ണ​വി​ധേ​യ​മാ​കാ​ത്ത​തും ക്രോ​ണി​ക് ഒ​ബ്സ്ട്ര​ക്ടി​വ് പ​ള്‍മ​നറി ഡി​സീ​സ് ആ​യി രൂ​പ​പ്പെ​ടാ​റു​ണ്ട്. സ്ത്രീ​ക​ളി​ല്‍ കൂ​ടു​ത​ലും വി​റ​ക​ടു​പ്പ് ഉ​പ​യോ​ഗി​ക്കു​ന്ന​ത് വ​ഴി​യാ​ണ് രോ​ഗം ബാ​ധി​ക്കു​ന്ന​ത്.