സ്ട്രോക്ക് എന്താണ് ? എങ്ങനെയാണ് സ്ട്രോക്കിനെ നേരിടുക?
ആഗോളതലത്തിൽ സ്ട്രോക്ക് വ്യാപകമാവുന്നതിനാൽ സ്ട്രോക്കിനെക്കുറിച്ച് അവബോധം വളർത്തേണ്ടത് അത്യാവശ്യമാണ്.
ഓരോ 3 സെക്കൻഡിലും ഒരാൾക്ക് സ്ട്രോക്ക് ഉണ്ടാവുന്നു. ഇന്ത്യയിൽ ഇത് മരണത്തിന്‍റെ നാലാമത്തെ പ്രധാന കാരണമാണ്
2002ൽ ഇന്ത്യയിൽ 22ലക്ഷം സ്ട്രോക്ക് കേസുകൾ റിപ്പോർട്ട് ചെയ്യപ്പെട്ടു. ഇത് 2019 ആയപ്പോഴേക്കും 94 ലക്ഷമായി ഉയർന്നു.
എങ്ങനെയാണ് സ്ട്രോക്ക് ഉണ്ടാകുന്നത്? മസ്തിഷ്കത്തിലേക്കുള്ള രക്ത വിതരണം കുറയുമ്പോഴാണ് സ്ട്രോക്ക് സംഭവിക്കുന്നത്. 87% സ്ട്രോക്കുകളും രക്തക്കുഴലുകൾ തടസ്സപ്പെടുന്നതു മൂലമാണ്.
ബാലൻസ് പ്രശ്നങ്ങൾ, നേത്ര തകരാറുകൾ (മങ്ങിയ കാഴ്ച), മുഖം കോടൽ, കൈ അല്ലെങ്കിൽ കാലിന്റെ ബലഹീനത, സംഭാഷണ ബുദ്ധിമുട്ടുകൾ, പ്രവർത്തിക്കാനുള്ള കാലതാമസം. ഈ ലക്ഷണങ്ങളോ പെട്ടെന്നുള്ള അബോധാവസ്ഥയോ ശ്രദ്ധയിൽപ്പെട്ടാൽ രോഗിയെ ആശുപത്രിയിൽ എത്തിക്കുക.
ആശുപത്രിയിൽ എത്തിയാൽ ഉടനടി ചെയ്യേണ്ടതിൽ വേഗത്തിലുള്ള ന്യൂറോളജിക്കൽ പരിശോധന, ന്യൂറോളജിസ്റ്റ്, ന്യൂറോ-റേഡിയോളജിസ്റ്റ് എന്നിവർക്കുള്ള അറിയിപ്പ്, ഉടനടി സി.ടി സ്കാൻ- ലാബ് പരിശോധനകൾ എന്നിവ ഉൾപ്പെടുന്നു.
പ്രമേഹം- രക്തസമ്മർദ്ദം-കൊളസ്ട്രോൾ എന്നിവ നിയന്ത്രിക്കൽ, മാനസിക സമ്മർദ ലഘൂകരണം, പുകവലിയും മദ്യപാനവും ഉപേക്ഷിക്കൽ, പതിവ് വ്യായാമം,ആരോഗ്യകരമായ ഭക്ഷണം. ഇതെല്ലാം സ്ട്രോക്ക് വരുന്നതിൽ നിന്നും തടഞ്ഞുനിർത്താൻ സഹായിക്കും.