മാലിദ്വീപ്​ പ്രതിസന്ധി:​ മോദിയും ട്രംപും ചർച്ച നടത്തി

ന്യൂഡൽഹി: മാലദ്വീപിലെ രാഷ്​ട്രീയ  പ്രതിസന്ധിയിൽ ഇന്ത്യയും അമേരിക്കയും ആശങ്ക രേഖപ്പെടുത്തി.  യു.എസ്​ പ്രസിഡൻറ്​ ഡൊണാൾഡ്​ ട്രംപും​ ഇന്ത്യൻ പ്രധാനമന്ത്രി നരേന്ദ്ര മോദിയും വിഷയത്തെ കുറിച്ച്​​ ടെലി​ഫോൺ സംഭാഷണം നടത്തി. 

നിയമ സംവിധാനത്തെയും ജനാധിപത്യത്തെയും ബഹുമാനിക്കേണ്ടതി​​​െൻറ പ്രധാന്യത്തെ കുറിച്ച്​ ഇരുവരും ചർച്ച ചെയ്​തതായി​ വൈറ്റ്​ ഹൗസ്​ അറിയിച്ചു. ഇന്തോ-പസഫിക്​ മേഖലയിലെ സുരക്ഷ വർധിപ്പിക്കുന്ന വിഷയവും ചർച്ചയിൽ ഉയതർന്നു വന്നു.  

മാലിദ്വീപിലെ മുൻ പ്രസിഡൻറ്​ മുഹമ്മദ് നശീദടക്കമുള്ള രാഷ്ട്രീയ തടവുകാരെ വിട്ടയക്കണമെന്ന സുപ്രീംകോടതി ഉത്തരവ്​ നിലവിലെ പ്രസിഡൻറ്​ അബ്​ദുല്ല യമീൻ അംഗീകരിക്കാത്തതാണ്​ പ്രതിസന്ധിക്ക്​ ഇടവരുത്തിയത്​. തുടർന്ന്​ അടിയന്തരാവസ്ഥ പ്രഖ്യാപിച്ച്​ സുപ്രീം കോടതി ചീഫ് ജസ്റ്റിസിനെയും മറ്റൊരു ജഡ്ജിയെയും അറസ്റ്റ് ചെയ്ത പ്രസിഡൻറ്​ അബ്ദുല്ല യമീൻ, പ്രതിപക്ഷ നേതാവും മുൻപ്രസിഡൻറ​ുമായ അബ്ദുൽ ഗയൂമിനെ വീട്ടുതടങ്കലിലാക്കുകയും ചെയ്തിരുന്നു.