വാക്​സിൻ വിരുദ്ധ ക്രിസ്​ത്യൻ പ്രചാരകൻ കോവിഡ്​ ബാധിച്ച്​ മരിച്ചു

ശക്​തമായ വാക്​സിൻ വിരുദ്ധ നിലപാടുണ്ടായിരുന്ന ക്രിസ്​തീയ ചാനലിന്‍റെ ഉടമ കോവിഡ്​ ബാധിച്ചു മരിച്ചു. അമേരിക്കയിലെ ഡേസ്റ്റാർ ടെലിവിഷൻ നെറ്റ്​വർക്​ സ്​ഥാപകനും സി.ഇ.ഒയുമായ മാർകസ്​ ലാംബ്​ (64) ആണ്​ കോവിഡ്​ ബാധിച്ച്​ മരിച്ചത്​.

'കർത്താവിന്‍റെ കൂടെ കഴിയാൻ വീട്ടിലേക്ക്​ മടങ്ങി' എന്നാണ്​ മാർകസ്​ ലാംബി​ന്‍റെ മരണ വിവരം അറിയിച്ചുകൊണ്ട്​ ഡേസ്റ്റാർ ടെലിവിഷൻ ട്വീറ്റ്​ ചെയ്​തത്​. കോവിഡ്​ ബാധിതനായിരുന്നു എന്നത്​ ട്വീറ്റിൽ പറയുന്നില്ല.

കഴിഞ്ഞ ആഴ്ച മാർകസിന്‍റെ മകൻ ജൊനാഥൻ പിതാവിന്‍റെ രോഗശമനത്തിനായി പ്രാർഥിക്കാൻ ടെലിവിഷനിലൂടെ ആഹ്വാനം ചെയ്​തിരുന്നു. മാർകസിന്‍റെ ഭാര്യയും അദ്ദേഹത്തി​ന്​ കോവിഡിൽ നിന്ന്​ മുക്​തി കിട്ടാൻ പ്രാർഥിക്കാനായി ടിവിയിലൂടെ ആഹ്വാനം ചെയ്​തിരുന്നു.

കോവിഡ്​ വാക്​സിനെതിരെയും ലോക്​ഡൗണിനെതി​െ​​രയും നിരന്തരം പ്രചാരണം നടത്തിയിരുന്ന ചാനലാണ്​ ഡേസ്റ്റാർ. വാക്​സിനെതിരെ തെറ്റിദ്ധാരണ പരത്തുന്ന വ്യക്​തികൾക്കും ​ഗ്രൂപ്പുകൾക്കും ഡേസ്റ്റാറിൽ മണിക്കുറുകളാണ്​ അനുവദിച്ചിരുന്നത്​. വാക്​സിനെതിരെ തെറ്റായ പ്രചാരണങ്ങൾ നടത്തുന്നതിന്​ ഇന്‍സ്റ്റഗ്രാമടക്കമുള്ള സാമൂഹ്യ മാധ്യമങ്ങൾ വിലക്കിയ വ്യക്​തികൾക്കടക്കം സമയം ഡേസ്റ്റാർ യഥേഷ്​ടം സമയം അനുവദിച്ചിരുന്നു.

ആഗോള തലത്തിൽ 200 കോടി കാഴ്ചക്കാരുള്ള ക്രിസ്​തീയ ചാനലാണെന്നാണ്​​ ഡേസ്റ്റാർ അവകാശ​പ്പെടുന്നത്​. കഴിഞ്ഞ മാസങ്ങളിൽ നിരവധി ക്രിസ്​ത്യൻ വാക്​സിൻ വിരുദ്ധ പ്രചാരകരാണ്​ കോവിഡ്​ ബാധിച്ച്​ മരിച്ചത്​. ഡിക്​ ഫാരെൽ, ഫിൽ വാലെ​ൈന്‍റൻ, മാർക്​ ബെർണിയർ എന്നിവരൊക്കെ ​കഴിഞ്ഞ മാസങ്ങളിൽ ​കോവിഡ്​ ബാധിച്ചു മരിച്ച ക്രിസ്​ത്യൻ മതപ്രചാരകരാണ്​. ഇവരാരും വാക്​സിൻ എടുത്തിരുന്നില്ലെന്നാണ്​ റിപ്പോർട്ട്​.