ദ്വിരാഷ്​ട്ര പരിഹാര ചർച്ചക്ക്​ തടസ്സം ഇസ്രായേൽ കുടി​േയറ്റം –ഗു​െട്ടറസ്​

ഗസ്സ സിറ്റി: ഇ​സ്രായേൽ നടത്തിവരുന്ന അനധികൃത കുടിയേറ്റം ദ്വിരാഷ്​ട്ര പരിഹാര ചർച്ചക്ക്​ കടുത്ത  വിഘാതമാണെന്ന്​ യു.എൻ സെക്രട്ടറി ജറനൽ അ​േൻറാണിയോ ഗു​െട്ടറസ്​. അത്​ നീക്കം ചെയ്യേണ്ടത്​ ആവശ്യമാണെന്നും അദ്ദേഹം വ്യക്​തമാക്കി. ഗസ്സയിൽ നടക്കുന്നത്​ കടുത്ത മാനുഷിക ദുരന്തമാണെന്നും ഉപരോധം ഉടൻ അവസാനിപ്പിക്കണമെന്നും അദ്ദേഹം ആവശ്യപ്പെട്ടു. 

സ്​ഥാനമേറ്റതിനുശേഷം മേഖലയിൽ ആദ്യ സന്ദർശനത്തിനെത്തിയതായിരുന്നു യു.എൻ മേധാവി. ഇരു രാഷ്​ട്രങ്ങളും തമ്മിലുള്ള ചർച്ചക്ക്​ രണ്ടാമതൊരു പ്ലാൻ ഇല്ലെന്നും വെസ്​റ്റ്​ ബാങ്കിലെ റാമല്ലയിൽ ഫലസ്​തീൻ പ്രധാനമന്ത്രി റാമി ഹംദുല്ലയുമൊത്ത​ുള്ള കൂടിക്കാഴ്​ചക്കുശേഷം ഗു​െട്ടറസ്​ അറിയിച്ചു. കുടിയേറ്റം അവസാനിപ്പിച്ചുള്ള ദ്വിരാഷ്​ട്ര ചർച്ച ഫലസ്​തീൻ ജനതയുടെ പ്രയാസങ്ങൾക്ക്​ അവസാനമിടുമെന്നും അതുമാത്രമാണ്​ ജനങ്ങൾക്ക്​ സമാധാനം ഉറപ്പുനൽകാനുള്ള വഴിയെന്നും അദ്ദേഹം ആവർത്തിച്ചു.

വെസ്​റ്റ്​ ബാങ്കിലെ കുടിയേറ്റങ്ങളെ വേ​േരാടെ പിഴുതെറിയാൻ ഒരിക്കലും അനുവദിക്കില്ലെന്ന ഇസ്രായേൽ പ്രധാനമന്ത്രി ബിന്യമിൻ നെതന്യാഹുവി​​െൻറ പ്രസ്​താവനക്ക്​ തൊട്ടുപിറകെയാണ്​ ഗു​െട്ടറസി​​െൻറ പ്രതികരണം. 

ഫലസ്​തീനുമായുള്ള സമാധാന ചർച്ച പുനരാരംഭിക്കുന്നതിനായി യു.എസ്​ നയതന്ത്രജ്ഞൻ മേഖലയിൽ ശ്രമങ്ങൾ നടത്തിവരുന്നതി​നിടെയാണിത്​.  
ഗസ്സയിൽ എത്തിയ ഗു​െട്ടറസിനെ ഹമാസ്​ നേതാക്കൾ സ്വീകരിച്ചു.  ഇസ്രായേൽ തടവിൽ ഇട്ടിരിക്കുന്ന ഫലസ്​തീൻകാരുടെ മോചനത്തിനായി സമ്മർദം ചെലുത്താൻ ഹമാസ്​ ഗു​െട്ടറസിനോട്​ ആവശ്യപ്പെടുകയും ചെയ്​തു.