വീടിന്റെ മേൽക്കൂര തകർന്ന് എട്ട് കുട്ടികളും മാതാവും മരിച്ചു

കറാച്ചി: പാകിസ്താനിൽ വീടിന്റെ മേൽക്കൂര തകർന്ന് എട്ട് കുട്ടികളും മാതാവും മരിച്ചു. വടക്കൻ പാകിസ്താനിലെ ഗിൽജിത് ബാൽട്ടിസ്താൻ മേഖലയിലാണ് അപകടം. നാല് ആൺകുട്ടികളും നാല് പെൺകുട്ടികളുമാണ് മരിച്ചത്. കെട്ടിടാവശിഷ്ടത്തിനിടയിൽനിന്ന് മൃതദേഹം പുറത്തെടുത്തു. പാക് പ്രധാനമന്ത്രി ശഹബാസ് ശരീഫ് ഉൾപ്പെടെ പ്രമുഖർ അപകടത്തിൽ അനുശോചിച്ചു.