ശ്രീലങ്കൻ പ്രസിഡന്‍റ് സിംഗപ്പൂരിലേക്ക്; മാലദ്വീപ് വിമാനത്താവളത്തിൽ കനത്ത സുരക്ഷ

മാലേ: സാ​മ്പ​ത്തി​ക ത​ക​ർ​ച്ച​യെ തു​ട​ർ​ന്നു​ണ്ടാ​യ ജ​ന​കീ​യ പ്ര​​​ക്ഷോ​ഭ​ത്തി​ൽ പി​ടി​ച്ചു​ നി​ൽ​ക്കാ​നാ​വാ​തെ രാജ്യം വിട്ട് മാലദ്വീപിലെത്തിയ ശ്രീ​ല​ങ്ക​ൻ പ്ര​സി​ഡ​ന്റ് ഗോ​ട​ബ​യ രാ​ജ​പ​ക്സ സിംഗപ്പൂരിലേക്ക് പോകുമെന്ന് റിപ്പോർട്ട്. സ്വകാര്യ വിമാനത്തിൽ സിംഗപ്പൂരിലേക്ക് പോകാനാണ് പുതിയ തീരുമാനമെന്ന് മാലദ്വീപ് മാധ്യമങ്ങൾ റിപ്പോർട്ട് ചെയ്തു. വെലാന അന്താരാഷ്ട്ര വിമാനത്താവളത്തിലെ വി.ഐ.പി ടെർമിനലിന് സമീപം കാത്തുനിന്ന മാധ്യമപ്രവർത്തകരെ സുരക്ഷാ ഉദ്യോഗസ്ഥർ നീക്കം ചെയ്തതായും റിപ്പോർട്ടുണ്ട്.

സിംഗപ്പൂർ എയർലൈൻസ് വിമാനത്തിൽ ഇന്ന് സിംഗപ്പൂരിലേക്ക് പോകാനാണ് ഗോ​ട​ബ​യയും ഭാര്യ അയോമ രാജപക്‌സയും രണ്ട് സുരക്ഷാ ഉദ്യോഗസ്ഥരും നേരത്തെ തീരുമാനിച്ചിരുന്നത്. എന്നാൽ, സുരക്ഷാ പ്രശ്നം നിലനിൽക്കുന്ന സാഹചര്യത്തിൽ യാത്ര ഒഴിവാക്കിയെന്ന് ഡെയ്‌ലി മിറർ റിപ്പോർട്ട് ചെയ്യുന്നു.

ബു​ധ​നാ​ഴ്ച രാ​വി​ലെ സൈ​നി​ക​ വി​മാ​ന​ത്തി​ലാ​യി​രു​ന്നു ഗോ​ട​ബ​യയും സംഘവും മാലദ്വീപിലേക്ക് ര​ക്ഷ​പ്പെ​ട്ട​ത്. ഇ​തി​നു പി​ന്നാ​ലെ താ​ൽ​കാ​ലി​ക പ്ര​സി​ഡ​ന്റാ​യി പ്ര​ധാ​ന​മ​ന്ത്രി റ​നി​ൽ വി​ക്ര​മ​സിം​ഗെ ചു​മ​ത​ല​യേ​റ്റു. തുടർന്ന് രാ​ജ്യ​ത്ത് അ​ടി​യ​ന്ത​രാ​വ​സ്ഥ പ്ര​ഖ്യാ​പി​ക്കുകയായിരുന്നു. രാ​ജി​വെ​ക്കാ​തെ​യാ​ണ് ​ഗോടബയ രാ​ജ്യം​വി​ട്ട​ത്. പ്ര​സി​ഡ​ന്റും പ്ര​ധാ​ന​മ​ന്ത്രി​യും രാ​ജി​വെ​ക്ക​ണ​മെ​ന്ന് ആ​വ​ശ്യ​പ്പെ​ട്ട് പ്ര​​ക്ഷോ​ഭ​ക​ർ പ്ര​തി​ഷേ​ധം ശ​ക്ത​മാ​ക്കി​യ​തോ​ടെ മി​ക്ക സ്ഥ​ല​ങ്ങ​ളി​ലും സൈ​ന്യ​ത്തെ വി​ന്യ​സി​ച്ചിട്ടുണ്ട്.

പ്രസിഡന്റ് രാജിവെക്കുന്നതോടെ പിൻഗാമിയെ കണ്ടെത്തലാണ് ശ്രീലങ്ക കാത്തിരിക്കുന്ന വലിയ കടമ്പ. ഒരു മാസത്തിനുള്ളിൽ പുതിയ പ്രസിഡന്റിനെ കണ്ടെത്തണം. നിലവിലെ പ്രധാനമന്ത്രിയും പാർലമെന്റ് സ്പീക്കറുമാണ് ഇതിന് നേതൃത്വം നൽകേണ്ടത്. നിലവിലെ സഭയുടെ കാലാവധി കഴിയുംവരെയാകും അദ്ദേഹത്തിന്റെ കാലാവധി. അതുകഴിഞ്ഞ് തെരഞ്ഞെടുപ്പ് നടത്തി പിൻഗാമിയെ കണ്ടെത്തണം. അടുത്ത സർക്കാറിനെ നയിക്കാൻ തയാറാണെന്ന് പ്രതിപക്ഷ നേതാവ് സജിത് പ്രേമദാസ വ്യക്തമാക്കിയിട്ടുണ്ട്.