പോയവർഷം കൊല്ലപ്പെട്ടത്​ 57 മാധ്യമപ്രവർത്തകർ

യുനൈറ്റഡ്​ നേഷൻസ്​: പോയവർഷം ലോകമെമ്പാടും 57 മാധ്യമപ്രവർത്തകർ കൊല്ലപ്പെട്ടതായി ഐക്യരാഷ്​ട്രസഭ റിപ്പോർട്ട്​. മാധ്യമപ്രവർത്തകർക്കെതിരായ അതിക്രമത്തിലെ ശിക്ഷാഇളവിനെതിരായ അന്താരാഷ്​ട്ര ദിനാചരണത്തി​െൻറ ഭാഗമായാണ്​ റിപ്പോർട്ട്​ പുറത്തുവിട്ടത്​. ഈ വർഷം ആദ്യ ഒമ്പതുമാസത്തെ കണക്കനുസരിച്ച്​ 39 ജേണലിസ്​റ്റുകൾ കൊല്ലപ്പെട്ടിട്ടുണ്ട്​.

ഇതിൽ മൂന്നുപേർ വനിതകളാണ്​. ഇത്​ ഈ ദശകത്തിലെ ഏറ്റവും കുറഞ്ഞ നിരക്കാണ്​. 2019ൽ മാധ്യമപ്രവർത്തകർക്ക്​ ഏറ്റവുമധികം ജീവൻ നഷ്​ടമായത്​ ലാറ്റിനമേരിക്ക-കരീബിയ മേഖലയിലാണ്​. ഇവിടെ 23 പേർ കൊല്ലപ്പെട്ടു. ഏഷ്യ, പസഫിക്​ മേഖലയിൽ 15 പേരാണ്​ കൊല്ലപ്പെട്ടത്​. ഏറ്റവുമധികം മാധ്യമപ്രവർത്തകർ കൊല്ലപ്പെട്ട രാജ്യം മെക്​സികോ ആണ്​.

ഇവിടെ 12 പേർക്ക്​ ജീവൻ നഷ്​ടമായി. കഴിഞ്ഞ ദശകത്തിൽ ഓരോ നാലു ദിവസത്തിലും ഒന്നുവീതം മാധ്യമപ്രവർത്തരാണ്​ കൊല്ലപ്പെട്ടതെന്നും റിപ്പോർട്ടിലുണ്ട്​.