നെൽകർഷകർക്ക് ആശ്വാസമായി കക്കാടം തോട് നവീകരണ സാധ്യത തെളിയുന്നു

കൊ​ടി​യ​ത്തൂ​ർ: നെ​ൽ​കൃ​ഷി​യു​ടെ വി​ള​നി​ല​മാ​യ കാ​ര​ക്കു​റ്റി കു​റ്റി​പൊ​യി​ൽ പാ​ട​ത്തി​ന് കു​റു​കെ​യു​ള്ള ക​ക്കാ​ടം തോ​ട് ന​വീ​ക​ര​ണ​ത്തി​നു​ള്ള സാ​ധ്യ​ത തെ​ളി​യു​ന്നു. ജ​ല​സേ​ച​ന വി​ഭാ​ഗം ഉ​ദ്യോ​ഗ​സ്ഥ​ർ സ്ഥ​ലം സ​ന്ദ​ർ​ശി​ച്ച് റി​പ്പോ​ർ​ട്ട് സ​മ​ർ​പ്പി​ച്ച​തോ​ടെ​യാ​ണ് ന​വീ​ക​ര​ണ​ത്തി​ന് പ്ര​തീ​ക്ഷ തെ​ളി​യു​ന്ന​ത്. ന​വ​കേ​ര​ള സ​ദ​സ്സി​ൽ തോ​ട് ന​വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് പ​രാ​തി ന​ൽ​കി​യി​രു​ന്നു. തു​ട​ർ​ന്നാ​ണ് ഉ​ദ്യോ​ഗ​സ്ഥ​ർ സ്ഥ​ലം സ​ന്ദ​ർ​ശി​ച്ച​ത്.

തോ​ടി​ന് ഏ​ക​ദേ​ശം ര​ണ്ട് കി.​മീ​റ്റ​ർ ദൂ​ര​ത്തി​ൽ സം​ര​ക്ഷ​ണ​ഭി​ത്തി നി​ർ​മി​ക്ക​ണ​മെ​ന്നും അ​ടി​ഞ്ഞു​കൂ​ടി​യ മ​ണ്ണ് നീ​ക്കം ചെ​യ്യ​ണ​മെ​ന്നും ജ​ല​സേ​ച​ന വി​ഭാ​ഗം ഉ​ദ്യോ​ഗ​സ്ഥ​രു​ടെ റി​പ്പോ​ർ​ട്ടി​ൽ പ​റ​യു​ന്നു. കൂ​ടാ​തെ വേ​ന​ൽ​ക്കാ​ല​ത്ത് ജ​ലം ല​ഭ്യ​മാ​കു​ന്ന​തി​ന് തോ​ടി​ൽ ജ​ല​സേ​ച​ന നി​ർ​മി​തി ആ​വ​ശ്യ​മാ​ണെ​ന്നും 350 ല​ക്ഷം രൂ​പ ചെ​ല​വ് വ​രു​ന്ന പ​ദ്ധ​തി​ക്ക് ഫ​ണ്ട് ല​ഭ്യ​മാ​കു​ന്ന മു​റ​ക്ക് പ്ര​വൃ​ത്തി ആ​രം​ഭി​ക്കു​മെ​ന്നും റി​പ്പോ​ർ​ട്ടി​ൽ പ​റ​യു​ന്നു.

പ​ദ്ധ​തി പൂ​ർ​ത്തി​യാ​വു​ന്ന​തോ​ടെ വേ​ന​ൽ​ക്കാ​ല​ത്ത​ട​ക്കം ഏ​ക്ക​ർ ക​ണ​ക്കി​ന് പ​ര​ന്നു​കി​ട​ക്കു​ന്ന പാ​ട​ങ്ങ​ളി​ല്‍ ഇ​രു​പ്പൂ​ല്‍ നെ​ൽ​കൃ​ഷി​ക്ക് അ​നു​യോ​ജ്യ​മാ​വും. മാ​ത്ര​മ​ല്ല, സ​മീ​പ പ്ര​ദേ​ശ​ങ്ങ​ളി​ലെ ജ​ല​സം​വി​ധാ​നം നി​യ​ന്ത്രി​ക്കാ​നും സാ​ധി​ക്കും.

കാ​ര​ശ്ശേ​രി പ​ഞ്ചാ​യ​ത്തി​ലെ കോ​ട്ട​മു​ഴി മു​ത​ൽ നെ​ല്ലി​ക്കാ​പ​റ​മ്പ് വ​രെ​യും കോ​ഴി​ക്കു​ളം -ന​ട​ക്ക​ൽ വ​ഴി കു​റ്റി​പൊ​യി​ൽ​വ​രെ​യു​മു​ള്ള പാ​ട​ങ്ങ​ളി​ൽ വേ​ന​ൽ​ക്കാ​ല​ത്ത​ട​ക്കം നെ​ൽ​കൃ​ഷി ചെ​യ്യാ​ൻ യോ​ഗ്യ​മാ​വു​ന്ന​ത​ര​ത്തി​ൽ ന​വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ക​ർ​ഷ​ക കൂ​ട്ടാ​യ്മ കൊ​ടി​യ​ത്തൂ​ർ കൃ​ഷി ഓ​ഫി​സ​ർ​ക്കും നി​വേ​ദ​നം ന​ൽ​കി​യി​രു​ന്നു.

ഏ​ക്ക​ർ ക​ണ​ക്കി​ന് വ​യ​ലു​ക​ളി​ൽ കൃ​ഷി ന​ട​ക്കു​ന്ന ഇ​വി​ടെ പ​ല​പ്പോ​ഴും ആ​വ​ശ്യ​മാ​യ വെ​ള്ളം കി​ട്ടാ​റി​ല്ല. തോ​ണി​ച്ചാ​ലി​ൽ​നി​ന്ന് കോ​ട്ട​മു​ഴി ക​ട​വ് വ​രെ 10 മീ​റ്റ​റി​ല​ധി​കം വീ​തി​യു​ള്ള തോ​ട് ച​ളി​യും മാ​ലി​ന്യ​ങ്ങ​ളും നി​റ​ഞ്ഞു ന​ശി​ച്ചു​കൊ​ണ്ടി​രി​ക്കു​ക​യാ​ണ്. കാ​ര​ശ്ശേ​രി പ​ഞ്ചാ​യ​ത്തി​ലെ​യും കൊ​ടി​യ​ത്തൂ​ർ പ​ഞ്ചാ​യ​ത്തി​ലെ​യും നി​ര​വ​ധി ക​ർ​ഷ​ക​ർ​ക്കാ​ണ് ന​വീ​ക​ര​ണം യാ​ഥാ​ർ​ഥ്യ​മാ​വു​ന്ന​തോ​ടെ ആ​ശ്വാ​സ​മാ​വു​ന്ന​ത്.