ബാന്‍ സാങ് തായ് ഓഡിറ്റോറിയത്തില്‍ നടന്ന അമാദ് ഗ്രൂപ്പിന്റെ പുതുവത്സരാഘോഷം
മാനേജിങ് ഡയറക്ടര്‍ പമ്പാവാസന്‍ നായര്‍ പുതുവത്സര സന്ദേശം നല്‍കി
മനാമ: അമാദ് ഗ്രൂപ് പുതുവത്സരാഘോഷങ്ങള്‍ ബാന്‍ സാങ് തായ് ഓഡിറ്റോറിയത്തില്‍ വിപുലമായ പരിപാടികളോടെ നടത്തി. ഇരുന്നൂറോളം ജീവനക്കാരും അവരുടെ കുടുംബാംഗങ്ങളും പങ്കെടുത്തു.
ചടങ്ങിൽ അമാദ് ഗ്രൂപ് മാനേജിങ് ഡയറക്ടര്‍ പമ്പാവാസന്‍ നായര്‍ പുതുവത്സര സന്ദേശം നല്‍കി. ജീവനക്കാരാണ് കമ്പനിയുടെ ശക്തിയെന്നും അര്‍പ്പണമനോഭാവത്തോടെയുള്ള കൂട്ടായ പ്രവര്‍ത്തനം വരുന്ന വർഷത്തിൽ കമ്പനിയെ പുതിയ ഉയരങ്ങളിലേക്ക് നയിക്കുമെന്നും അദ്ദേഹം പറഞ്ഞു. അസി. ജനറല്‍ മാനേജര്‍ സജീവ്‌ നായര്‍ സ്വാഗതം പറഞ്ഞു.
ഡയറക്ടര്‍ രാധാകൃഷ്ണന്‍ കല്ലയില്‍, ടെക്നിക്കല്‍ ഡയറക്ടര്‍ നിത്യാനന്ദ് സുവര്‍ണ, ജനറല്‍ മാനേജര്‍ അനിന്ദ്യ ഹല്‍ദര്‍, സൗദി ഓപറേഷന്‍സ് മാനേജര്‍ മുരളി നായര്‍ തുടങ്ങിയവര്‍ സന്നിഹിതരായിരുന്നു.
ജീവനക്കാരുടെയും കുടുംബാംഗങ്ങളുടെയും വൈവിധ്യമാർന്ന കലാപരിപാടികൾ ആഘോഷത്തിന് മാറ്റുകൂട്ടി. കമ്പനി എച്ച്.ആര്‍ മാനേജര്‍ ഷിബു മുണ്ടുകാട്ടിലാണ് പരിപാടിയുടെ സംഘാടനത്തിന് നേതൃത്വം നൽകിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.