ന്യൂഡൽഹി: ‘ഫോബ്സി’ന്റെ ലോക അതിസമ്പന്നരുടെ പട്ടികയിലെ ആദ്യ പത്തിൽനിന്ന് തെറിച്ച് ഗൗതം അദാനി. പത്താം സ്ഥാനത്തുണ്ടായിരുന്ന അദാനി ഇപ്പോൾ 15ാമതായി.
പകരം റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി പത്താംസ്ഥാനത്തേക്കുവന്നു. നിലവിൽ അദാനിയുടെ മൊത്തം ആസ്തി 7510 കോടി യു.എസ് ഡോളർ (6.14 ലക്ഷം കോടി രൂപ) ആണ്. 8430 കോടി യു.എസ് ഡോളറിന്റെ (6.90 ലക്ഷം കോടി രൂപ) ആസ്തിയുമായി മുകേഷ് അംബാനി അദാനിയെ മറികടന്ന് ലോകത്തിലെ ഏറ്റവും ധനവാനായ ഇന്ത്യക്കാരനായി.
മുകേഷിന്റെ ആസ്തിയിൽ 0.19 ശതമാനം വർധനയുണ്ടായപ്പോൾ അദാനിയുടെ ആസ്തിയിൽ 4.62 ശതമാനം കുറവുണ്ടായി. ചൊവ്വാഴ്ച വൈകീട്ടത്തെ കണക്കനുസരിച്ചാണിത്. ആസ്തിയുടെ വിലയിരുത്തലും മാറ്റവും നിരന്തരം നടക്കുന്നതിനാൽ അദാനിയുടെ വിപണി മൂല്യം ഉയർന്നാൽ തിരിച്ചുകയറാനുള്ള സാധ്യത നിലനിൽക്കുന്നുണ്ട്. നേരത്തേ ലോകത്തെ മൂന്ന് അതിസമ്പന്നരിൽ ഒരാളായിരുന്നു അദാനി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.