മസ്കത്ത്: മലബാര്‍ ഗോള്‍ഡ് ആൻഡ് ഡയമണ്ട്‌സ് അവധിക്കാലത്തോടനുബന്ധിച്ച് ‘മൈന്‍ ഡയമണ്ട് ഫെസ്റ്റിവല്‍’ ആരംഭിച്ചു. ഏറ്റവും പുതിയ ജ്വല്ലറി ഡിസൈനുകളും ആഭരണങ്ങള്‍ വാങ്ങുമ്പോള്‍ പ്രത്യേക ഓഫറുകളും ഫെസ്റ്റിവലിന്റെ ഭാഗമായി ഒരുക്കിയിട്ടുണ്ട്. മൈന്‍, ഇറ, പ്രെഷ്യ തുടങ്ങിയ അനേകം എക്സ്‌ക്ലൂസീവ് ഡയമണ്ട്, പ്രെഷ്യസ് ജെം ജ്വല്ലറി ബ്രാന്‍ഡുകളിൽ പുതിയ ഡിസൈനുകളുടെ ശേഖരം ഒരുക്കിയിട്ടുണ്ട്. ഒരു മാസത്തെ ഫെസ്റ്റിവലിന്റെ ഭാഗമായി, ഉപഭോക്താക്കള്‍ക്ക് വജ്രാഭരണങ്ങളും അമൂല്യ രത്‌നാഭരണങ്ങളും വാങ്ങുമ്പോള്‍ സ്വർണ നാണയങ്ങള്‍ ലഭിക്കും. പ്രിയപ്പെട്ടവര്‍ക്ക് സമ്മാനിക്കാന്‍ അനുയോജ്യമായ ട്രെന്‍ഡിയും ഭാരം കുറഞ്ഞതുമായ ആഭരണങ്ങളുടെ ഏറ്റവും പുതിയ ഡിസൈനുകള്‍ ഉള്‍പ്പെടുത്തിയ സീസണ്‍സ് ഗിഫ്റ്റിങ്ങ് ശേഖരവും പുറത്തിറക്കിയിട്ടുണ്ട്. മിഡില്‍ ഈസ്റ്റ്, ഫാര്‍ ഈസ്റ്റ്, യു.എസ്.എ, യു.കെ കാനഡ എന്നിവിടങ്ങളിലെ എല്ലാ മലബാര്‍ ഗോള്‍ഡ് ഡയമണ്ട്‌സ് ഔട്ട്ലെറ്റുകളിലും അടുത്തവർഷം ജനുവരി ആറുവരെ വരെ ഓഫര്‍ ലഭ്യമാകും. 500 റിയാൽ വിലയുള്ള വജ്രാഭരണങ്ങളോ, രത്നാഭരണങ്ങളോ വാങ്ങുന്ന ഉപഭോക്താക്കൾക്ക് സൗജന്യമായി ഒരു ഗ്രാം സ്വർണ നാണയവും, 300റിയാൽ വിലയുള്ള വജ്രാഭരണങ്ങളോ രത്നാഭരണങ്ങളോ പർച്ചേസ് ചെയ്യുന്ന ഉപഭോക്താക്കൾക്ക് അര ഗ്രാം സ്വർണ നാണയവും സൗജന്യമായി സ്വന്തമാക്കാം.
മൈന്‍ ബ്രാന്‍ഡില്‍ നിന്നുള്ള വജ്രാഭരണങ്ങളുടെ ശേഖരം മലബാര്‍ ഗോള്‍ഡ് ആൻഡ് ഡയമണ്ട്‌സിലെ ഏറ്റവും ആകര്‍ഷകമായ ആഭരണ ശ്രേണികളിലൊന്നാണ്. അന്താരാഷ്ട്ര തലത്തില്‍ സര്‍ട്ടിഫൈ ചെയ്ത പ്രകൃതിദത്ത വജ്രങ്ങളാൽ നിര്‍മ്മിച്ച മൈന്‍ ഡയമണ്ട്‌സ് ശ്രേണിയില്‍, ഫെസ്റ്റിവലിന്റെ ഭാഗമായി പുതിയ ഡിസൈനുകളും ശേഖരങ്ങളും ഉള്‍പ്പെടുത്തിയിട്ടുണ്ട്. എല്ലാ ഷോറൂമുകളിലും ഡയമണ്ട് എക്സ്ചേഞ്ചില്‍ 100ശതമാനം മൂല്യം വാഗ്ദാനം ചെയ്യുന്നുമുണ്ട്. ഇതുവഴി ഡയമണ്ട് ആകര്‍ഷകമായ ആഭരണം എന്നതിലുപരി ഒരു നിക്ഷേപമെന്ന നിലയിലും ആകര്‍ഷകമാണ്.
മലബാര്‍ ഗോള്‍ഡ് ആൻഡ് ഡയമണ്ട്‌സിന്റെ മൈന്‍ ഡയമണ്ട് ജ്വല്ലറി, ഇറ അണ്‍കട്ട് ഡയമണ്ട് ജ്വല്ലറി, പ്രെഷ്യ- പ്രഷ്യസ് ജെം ആഭരണങ്ങള്‍ എന്നിങ്ങനെ വിവിധ ബ്രാന്‍ഡുകളിലൂടനീളം 18കാരറ്റ് സ്വർണം, വജ്രം, പ്രെഷ്യസ് ജെം ആഭരണങ്ങളിലാണ് ലൈറ്റ് വെയ്റ്റ് ഡിസൈനുകളുള്ളത്. ഷോറൂമുകളിലുടനീളം ലഭ്യമായ വജ്രാഭരങ്ങളുടെ ശേഖരം കൂടുതല്‍ ആഭരണ പ്രേമികളിലേക്കെത്തിക്കാനായാണ് മൈന്‍ ഡയമണ്ട് ഫെസ്റ്റിവല്‍ തുടങ്ങിയതെന്നും വജ്രാഭരണങ്ങളുടെ ആകര്‍ഷക മൂല്യം വർധിക്കുന്ന സാഹചര്യത്തില്‍ സ്വര്‍ണം പോലെ തന്നെ വജ്രവും ജ്വല്ലറി പ്രേമികള്‍ക്കിടയില്‍ പ്രിയങ്കരമായി മാറുകയാണെന്നും മലബാര്‍ ഗോള്‍ഡ് ആൻഡ് ഡയമണ്ട്‌സ് ഇന്റര്‍നാഷനല്‍ ഓപറേഷന്‍സ് മാനേജിങ്ങ് ഡയറക്ടര്‍ ഷംലാല്‍ അഹമ്മദ് പറഞ്ഞു. ഉപഭോക്തൃ സൗഹൃദ നയങ്ങളിലൂടെ ആഗോളതലത്തില്‍ പ്രശസ്തമായ മലബാര്‍ ഗോള്‍ഡ് ആൻഡ് ഡയമണ്ട്‌സില്‍ നിന്നുള്ള എല്ലാ പര്‍ച്ചേസുകൾക്കും ‘മലബാര്‍ പ്രോമിസിലൂടെ സമ്പൂര്‍ണ്ണ പരിരക്ഷ ഉറപ്പാക്കിയിട്ടുമുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.