ന്യൂഡൽഹി: കടക്കെണിമൂലം അടച്ചുപൂട്ടിയ സ്വകാര്യ വിമാന കമ്പനി ജെറ്റ് എയർവേയ്സിനെ ഏറ്റെടുക്കാനുളള നീക്കവുമ ായി ലണ്ടൻ കേന്ദ്രീകരിച്ച് പ്രവർത്തിക്കുന്ന വ്യവസായ ഗ്രൂപ്പ്. ലണ്ടനിലെ അഡി ഗ്രൂപ്പിെൻറ ഏവിയേഷൻ വിഭാഗമായ അ ഡിഗ്രോയാണ് ജെറ്റ് എയർവേയ്സിനെ ഏറ്റെടുക്കാൻ സന്നദ്ധതയറിയിച്ച് മുന്നോട്ട് വന്നത്.
ജെറ്റ് എയർവേയിസിെൻറ ലേല നടപടികളിൽ പങ്കെടുക്കുമെന്ന് ഗ്രൂപ്പിെൻറ സ്ഥാപകൻ സഞ്ജയ് വിശ്വനാഥൻ അറിയിച്ചു. ഇത്തിഹാദ് എയർലൈൻസുമായി ഇക്കാര്യത്തിൽ ചർച്ച നടത്തിയെന്നും അദ്ദേഹം വ്യക്തമാക്കി. ഇത്തിഹാദുമായി ചേർന്ന് ജെറ്റിനെ ഏറ്റെടുക്കാനാണ് അഡി ഗ്രൂപ്പിെൻറ നീക്കം.
അഡിഗ്രോ ഏറ്റെടുക്കുമെന്ന റിപ്പോർട്ടുകൾ പുറത്ത് വന്നതിന് പിന്നാലെ ഓഹരി വിപണിയിൽ ജെറ്റ് എയർവേയ്സ് നേട്ടമുണ്ടാക്കി. 5.28 ശതമാനം നേട്ടത്തോടെ 155.40 രൂപയിലാണ് ജെറ്റിെൻറ ഓഹരികൾ വിപണിയിൽ വ്യാപാരം നടത്തുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.