വാഷിങ്ടൺ: ഫേസ്ബുക്ക് ഉടമ മാർക്ക് സക്കർബർഗ് ബെർക്ക്ഷെയർ ഹാത്വേ ചെയർമാൻ വാരൻ ബഫറ്റിനെ പിന്തള്ളി ലോകത്തിലെ മൂന്നാമത്തെ സമ്പന്നൻ. ആമസോൺ ഉടമ ജെഫ് ബെസോസ്, മൈക്രോസോഫ്റ്റ് സ്ഥാപകൻ ബിൽ ഗേറ്റ്സ് എന്നിവർ മാത്രമാണ് സക്കർബർഗിന് മുന്നിലുള്ളത്.
ബ്ലൂംബർഗ് ബില്ല്യണയേഴ്സ് സൂചികയിൽ ഫേസ്ബുക്കിെൻറ ഷെയർ വെള്ളിയാഴ്ച 2.4 ശതമാനം വർധിച്ചതോടെയാണ് ബെർക്ക്ഷെയർ ഹാത്വേ സ്ഥാപകനെ സക്കർബർഗ് പിന്തള്ളിയത്. ഇതാദ്യമായാണ് ടെക്നോളജി രംഗത്തുള്ളവർ ലോകത്തിലെ ഏറ്റവും വലിയ സമ്പന്നരുടെ പട്ടികയിൽ ആദ്യ മൂന്ന് സ്ഥാനവും കയ്യടക്കുന്നത്.
34 കാരനായ സക്കർബർഗിെൻറ ആസ്തി 81.6 ബില്ല്യനാണ്(5.61 ലക്ഷം കോടി രൂപ). അത് 87കാരനായ ബഫറ്റിനേക്കാളും 373 മില്യൺ (2,565 കോടി രൂപ) അധികമാണ്. നേരത്തെ വിവരച്ചോർച്ച വിവാദത്തെ തുടർന്ന് ഫേസ്ബുക്കിെൻറ ഒാഹരി വില കുത്തനെ ഇടിഞ്ഞിരുന്നു. എട്ടുമാസത്തിനിടയിലെ ഏറ്റവും വലിയ തകർച്ചയായ 152.22 ഡോളറിലേക്കാണ് (10,467 രൂപ) ഒാഹരി വില കൂപ്പുകുത്തിയത്. വെള്ളിയാഴ്ച വിപണി അവസാനിച്ചത് 203.23 ഡോളറിലായിരുന്നു(13975 രൂപ) ഒാഹരി വില.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.