മുംബൈ: ആറാഴ്ചക്കിടെ മുകേഷ് അംബാനിയുടെ ഉടമസ്ഥതയിലുള്ള റിലയൻസ് ജിയോയിൽ ഏഴാമത്തെ നിക്ഷേപം. സ്വകാര്യ നിക്ഷേപക സ്ഥാപനമായ സിൽവർ ലേക്കാണ് 4,546.80 കോടി മുടക്കി 2.08 ശതമാനം ഒാഹരി വാങ്ങിയത്. ഇതോടെ കമ്പനിയുടെ ജിയോയിലെ ആകെ നിക്ഷേപം 10,202.55 കോടിയായി ഉയർന്നു.
ഫേസ്ബുക്കാണ് ജിയോയിൽ ആദ്യമായി നിക്ഷേപം നടത്തിയത്. പിന്നാലെ വിസ്റ്റ ഇക്വിറ്റി, കെ.കെ.ആർ, ജനറൽ അറ്റ്ലാൻറിക്, മുബാദല തുടങ്ങിയ കമ്പനികളാണ് ഇതിന് മുമ്പ് ജിയോയിൽ നിക്ഷേപം നടത്തിയത്. 19.9 ശതമാനം ഒാഹരി വിറ്റതിലൂടെ 92,202.15 കോടിയാണ് ജിയോ സ്വരൂപിച്ചത്.
അതേസമയം, റിലയൻസ് ഇൻഡസ്ട്രീസിെൻറ അവകാശ ഒാഹരി വിൽപനക്കും മികച്ച പ്രതികരണമാണ് ലഭിച്ചത്. ഏഴ് ബില്യൺ ഡോളറാണ് അവകാശ ഒാഹരി വിൽപനയിലൂടെ റിലയൻസ് സ്വരൂപിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.