ലണ്ടൻ: ഇന്ത്യയിലേക്ക് കൈമാറുന്നതിനെതിരെ വിജയ് മല്യ നൽകിയ ഹരജി യു.കെ ഹൈകോടതി തള്ളി. ഇനി വിജയ് മല്യയുട െ നാടുകടത്തലിൽ അന്തിമതീരുമാനമെടുക്കേണ്ടത് യു.കെ ആഭ്യന്തര സെക്രട്ടറി പ്രീതി പട്ടേലാണ്. വിധിക്കെതിരെ യു.കെ സുപ്രീംകോടതിയിൽ ഹരജി നൽകാൻ 14 ദിവസത്തെ സമയം മല്യക്ക് അനുവദിച്ചിട്ടുണ്ട്.
ജഡ്ജിമാരായ സ്റ്റീഫൻ ഇർവിൻ, എലിസബത്ത് ലായിങ് എന്നിവരുൾപ്പെട്ട രണ്ടംഗ ബെഞ്ചാണ് കേസിൽ വിധി പറഞ്ഞത്. കോവിഡ് 19 വൈറസ് ബാധയുടെ പശ്ചാത്തലത്തിൽ വീഡിയോ കോൺഫറൻസിലൂടെയാണ് ജഡ്ജിമാർ കേസ് പരിഗണിച്ചത്.
അപ്പീൽ നൽകിയാൽ അതിൻെറ വിധി വരുന്നത് വരെ യു.കെ ആഭ്യന്തര വകുപ്പ് ഓഫീസ് കാത്തിരിക്കും. അപ്പീൽ നൽകിയില്ലെങ്കിൽ അടുത്ത 28 ദിവസത്തിനകം മല്യയെ ഇന്ത്യക്ക് കൈമാറുന്നതിനുള്ള നടപടികൾ പൂർത്തിയാക്കും. ഇന്ത്യയിൽ നിന്ന് 9,000 കോടി രൂപ വായ്പയെടുത്താണ് വിജയ് മല്യ യു.കെയിലേക്ക് മുങ്ങിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.