വില കൂടിയ എയർക്രാഫ്​റ്റ്​ പാർട്​സുകൾ വാങ്ങുന്നതിന്​ മുൻകൂർ അനുമതി വാങ്ങണമെന്ന്​ എയർ ഇന്ത്യ

ന്യൂഡൽഹി: വില കൂടിയ എയർക്രാഫ്​റ്റ്​ പാർട്​സുകൾ വാങ്ങുന്നതിന്​ മുൻകൂർ അനുമതി വാങ്ങണമെന്ന്​ എയർ ഇന്ത്യ. 10 ലക്ഷത്തിന്​ മുകളിലുള്ള എയർക്രാഫ്​ പാർട്​സുകളും 5 ലക്ഷത്തിന്​ മുകളിലുള്ള മറ്റ്​ പാർട്സുകളും വാങ്ങു​േമ്പാൾ ഫിനാൻസ്​ ഡയറക്​ടറുടേയോ എക്​സിക്യൂട്ടീവ്​ ഡയറക്​ടറുടേയോ അനുമതി വാങ്ങണമെന്നാണ്​ നിർദേശം. ഞായറാഴ്​ചയാണ്​ എയർ ഇന്ത്യ ഇതുസംബന്ധിച്ച ഉത്തരവിറക്കിയത്​.

10 ലക്ഷത്തിന്​ മുകളിലുള്ള എയർക്രാഫ്​റ്റ്​ പാർട്​സുകളിൽ നന്നാക്കുന്നതിന്​ എക്​സിക്യൂട്ടീവ്​ ഡയറക്​ടർ ഓഫ്​ എൻജീനിയറിങ്ങി​െൻറ മുൻകൂർ അനുമതി വാങ്ങണമെന്നും എയർ ഇന്ത്യ ഉത്തരവിൽ വ്യക്​തമാക്കുന്നുണ്ട്​. 10 ആഴ്​ചക്കുള്ളിൽ എയർ ഇന്ത്യയുടെ കൈമാറൽ പൂർത്തിയാകുമെന്ന്​ വ്യോമയാന സെക്രട്ടറി രാജീവ്​ ബൻസാൽ വ്യക്​തമാക്കിയിരുന്നു. കൈമാറ്റം പൂർത്തിയാകുന്നത്​ വരെ അത്യാവശ്യ കാര്യങ്ങൾക്ക്​ മാത്രം പണം ചെലവഴിച്ചാൽ മതിയെന്നാണ്​ നിർദേശം.

ഒക്​ടോബർ എട്ടിന്​ നടത്ത ലേലത്തിൽ എയർ ഇന്ത്യയെ സ്വന്തമാക്കാനുള്ള അവസരം ടാറ്റ ഗ്രൂപ്പ്​ നേടിയിരുന്നു. സ്​പൈസ്​ജെറ്റ് പ്രൊമോട്ടറുമായി മത്സരിച്ചായിരുന്നു നേട്ടം. ഇതിന്​ പിന്നാലെ എയർ ഇന്ത്യയെ ടാറ്റക്ക്​ കൈമാറുന്നതിനുള്ള നടപടികൾക്കും തുടക്കം കുറിച്ചിരുന്നു.