ന്യൂഡൽഹി: കടുത്ത സാമ്പത്തിക പ്രതിസന്ധിയിൽ വലയുന്ന വോഡഫോൺ-ഐഡിയ വിപണിയിൽ പിടിച്ചു നിൽക്കാൻ അവസാന ശ്രമവുമായി രംഗത്ത്. സ്വകാര്യ ഇക്വിറ്റി നിക്ഷേപകരുടെ സഹായത്തോടെ പ്രതിസന്ധി മറികടക്കാനാണ് കമ്പനിയുടെ ശ്രമം. ടെലികോം കമ്പനികൾ തമ്മിൽ താരിഫ് യുദ്ധം കടുത്തതോടെയാണ് വോഡഫോൺ-ഐഡിയ വലിയ പ്രതിസന്ധിയിലേക്ക് നീങ്ങിയത്.
ടെലികോം കമ്പനികൾക്ക് ഫണ്ട് നൽകുന്ന അപ്പോളോ ഗ്ലോബൽ മാനേജ്മെന്‍റ് എന്ന സ്ഥാപനവുമായി കരാറിലെത്താനാണ് കമ്പനിയുടെ ശ്രമം. 22,400 കോടിയാണ് അപ്പോളോ വോഡഫോൺ-ഐഡിയയിൽ നിക്ഷേപിക്കുക. എന്നാൽ, ഇടപാടിനെ കുറിച്ചുള്ള കൂടുതൽ വിവരങ്ങൾ പുറത്ത് വന്നിട്ടില്ല.
സാമ്പത്തിക പ്രതിസന്ധി മറികടക്കാൻ ബ്രോഡ്ബാൻഡ്, ഒപ്ടിക്കൽ ഫൈബർ, ഡാറ്റ സെന്‍റർ എന്നിവയുടെ വിൽപന നടത്താനും വോഡഫോൺ-ഐഡിയക്ക് പദ്ധതിയുണ്ട്. നിലവിൽ കമ്പനിയിൽ വോഡഫോണിന് 44.39 ശതമാനവും ഐഡിയക്ക് 27.66 ശതമാനം ഓഹരിയുമാണ് ഉള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.