മുംബൈ: വൻ തകർച്ചയിൽ നിന്നും നേരിയമുന്നേറ്റം നടത്തി രൂപ. 77.31ലാണ് രൂപ വെള്ളിയാഴ്ച വ്യാപാരം തുടങ്ങിയത്. 19 പൈസ നേട്ടത്തോടെയാണ് രൂപയുടെ വ്യാപാരം. വ്യാഴാഴ്ച രൂപയുടെ മൂല്യം ഡോളറിനെതിരെ 25 പൈസ ഇടിഞ്ഞിരുന്നു. 77.50ത്തിലാണ് രൂപ വ്യാഴാഴ്ച വ്യാപാരം അവസാനിപ്പിച്ചത്.
പണപ്പെരുപ്പം വർധിക്കുമെന്ന പ്രഖ്യാപനങ്ങളും ആർ.ബി.ഐ പലിശനിരക്കിൽ മാറ്റം വരുത്തിയതുമാണ് രൂപയെ സ്വധീനിക്കുന്നത്. ഏപ്രിലിൽ ഇന്ത്യയുടെ പണപ്പെരുപ്പം എട്ട് വർഷത്തിനിടയിലെ ഉയർന്ന നിരക്കായ 7.79 ശതമാനത്തിലെത്തിയിരുന്നു. ഭക്ഷ്യ, എണ്ണവിലകൾ ഉയർന്നതാണ് പണപ്പെരുപ്പവും കൂടാനുള്ള കാരണം. ഇത് രൂപയുടെ മൂല്യം ഇടിയുന്നതിനിടയാക്കി
അതേസമയം, ഇന്ത്യൻ ഓഹരി വിപണികൾ ഇന്ന് നേട്ടത്തോടെയാണ് വ്യാപാരം ആരംഭിച്ചത്. സെൻസെക്സ് 500 പോയിന്റ് നേട്ടമുണ്ടാക്കിയപ്പോൾ നിഫ്റ്റി 16,000 പോയിന്റിന് മുകളിലെത്തി. നിഫ്റ്റിയിൽ മിഡ്ക്യാപ്, സ്മോൾ ക്യാപ് ഓഹരികൾ നേട്ടമുണ്ടാക്കി. നിഫ്റ്റി ഓട്ടോ, നിഫ്റ്റി എഫ്.എം.സി.ജി, നിഫ്റ്റി ഫാർമ്മ എന്നിവയെല്ലാം നേട്ടമുണ്ടാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.