ന്യൂഡൽഹി: വോഡഫോൺ-ഐഡിയയുടെ 1.92 ബില്യൺ ഡോളറിന്റെ ബാധ്യത ഓഹരികളാക്കി മാറ്റാനുള്ള കേന്ദ്രസർക്കാറിന്റെ ശിപാർശക്ക് സെബിയുടെ അനുമതി. കഴിഞ്ഞ വർഷം കടക്കെണിയിലായ ടെലികോം കമ്പനികൾ സർക്കാറിന് നൽകാനുള്ള ബാധ്യത ഓഹരികളാക്കി മാറ്റാനുള്ള പദ്ധതി സർക്കാർ പ്രഖ്യാപിച്ചിരുന്നു. ഇതിനാണ് ഇപ്പോൾ കേന്ദ്രസർക്കാർ അനുമതി നൽകിയിരിക്കുന്നത്.
പുതിയ പദ്ധതി യാഥാർഥ്യമാവുമ്പോൾ വോഡഫോണിൽ സർക്കാറിന് 30 ശതമാനം ഓഹരി പങ്കാളിത്തമുണ്ടാകും. ആദിത്യ ബിർളക്കും വോഡഫോൺ ഗ്രൂപ്പിനുമൊപ്പം കമ്പനിയിലെ ഏറ്റവും വലിയ ഓഹരി പങ്കാളികളിൽ ഒരാളായി കേന്ദ്രസർക്കാറും മാറും.
അതേസമയം ഇതുമായി ബന്ധപ്പെട്ട വാർത്തകളിൽ പ്രതികരിക്കാൻ വോഡഫോണോ ഐഡിയയോ തയാറായിട്ടില്ല. കൈമാറ്റം പൂർത്തിയായാൽ കേന്ദ്രസർക്കാർ ഓഹരികൾ വിൽക്കാനും സാധ്യതയുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.