കോഴിക്കോട്: പത്താംതരം കഴിഞ്ഞ വിദ്യാർഥികൾക്കിടയിലെ ആശങ്കകൾ തീർക്കാനും കരിയർ ഓറിയൻറഡ് വിദ്യാഭ്യാസത്തി‍െൻറ സാധ്യതകളെ പരിചയപ്പെടുത്താനും മാധ്യമവും ഡോപ്പയും ചേർന്ന് 23നു ബുധനാഴ്ച രാത്രി 7 മുതൽ 9 വരെ വെബിനാർ നടത്തുന്നു.
പത്താം തരത്തിൽ നല്ല മാർക്ക് നേടിയിട്ടും ശരിയായ മാർഗനിർദേശങ്ങളുടെ പരിമിതികൾ മൂലം ആഗ്രഹിക്കുന്ന തൊഴിൽ മേഖലകൾ നഷ്ടപ്പെട്ടുപോവുന്ന സാഹചര്യം ഒഴിവാക്കാനും എല്ലാവരിലേക്കും മെഡിക്കൽ വിദ്യാഭ്യാസത്തി‍െൻറ പ്രസക്തി എത്തിക്കാനുമായാണ് ഡോപ്പ അക്കാദമി വെബിനാർ സംഘടിപ്പിക്കുന്നത്. ഡോപ്പ അഥവാ doctors own prep academy, ഡോക്ടർമാർ നേതൃത്വം നൽകുന്ന രാജ്യത്തെ തന്നെ ആദ്യ മെഡിക്കൽ എൻട്രൻസ് കോച്ചിങ് സംരംഭമാണ്.
2000ൽപരം വിദ്യാർഥികൾക്ക് ഈ ആദ്യ വർഷം തന്നെ മെഡിക്കൽ എൻട്രൻസ് കൊച്ചിങ്ങും കരിയർ ഗൈഡൻസും നൽകിവരുന്നുണ്ട് ഡോപ്പ അക്കാഡമി. വിദ്യാർഥികൾക്ക് പ്രയോജക മാകുന്ന 'എക്സ്പർട് ടോക്'കളും ഈ വെബിനാറി‍െൻറ ഭാഗമായി നടക്കും. വെബിനാറിൽ പ്രശാന്ത് നായർ ഐ.എ.എസ്, ഡോ. ആഷിക് സൈനുദ്ധീൻ തുടങ്ങിയ പ്രമുഖർ പങ്കെടുക്കും. പങ്കെടുക്കാൻ താൽപര്യമുള്ളവർ www.madhyamam.com/webinar എന്ന ലിങ്ക് വഴി രജിസ്റ്റർ ചെയ്യണം. വിവരങ്ങൾക്കു 9645 202 200, 9645 032 200 എന്ന നമ്പറിൽ ബന്ധപ്പെടുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.