മലപ്പുറം: കേരളത്തിലെ ഏറ്റവും വലിയ വിദ്യാഭ്യാസ-കരിയർ മേളയിൽ സംവദിക്കാൻ അക്കാദമിക-സാമൂഹിക-സാംസ്കാരിക രംഗത്തെ പ്രമുഖരെത്തുന്നു.
ഐ.എ.എസ് ഓഫിസറും സാംസ്കാരിക വകുപ്പ് ഡയറക്ടറുമായ ദിവ്യ എസ്. അയ്യർ; നടിയും അവതാരകയുമായ അശ്വതി ശ്രീകാന്ത്; ടെലിവിഷൻ താരങ്ങളും അവതാരകരുമായ ആർ.ജെ. മാത്തുക്കുട്ടി, രാജ്കലേഷ്, ഡെയ്ൻ ഡേവിസ്, രജനീഷ്; സമൂഹ മാധ്യമ ഇൻഫ്ലുവൻസർമാരായ സുജിത് ഭക്തൻ, ബാസിം പ്ലേറ്റ്, കെ.കെ. കൃഷ്ണകുമാർ; ഡേറ്റ അനലിറ്റിക്സ് ട്രെയിനറായ മുഹമ്മദ് അൽഫാൻ, മോട്ടിവേഷനൽ സ്പീക്കർമാരായ സഹ്‍ല പർവീൺ, ഫിലിപ് മമ്പാട്, താഹിർ അലി, സി. മുഹമ്മദ് അജ്മൽ, ടി. മുജീബ്; ആതുരസേവനരംഗത്തെ പ്രമുഖരായ ഡോ. അനന്തു, ഡോ. ഷിംന അസീസ്, ഡോ. അശ്വതി സോമൻ; റോബോട്ടിക്സ്, ആർട്ടിഫിഷ്യൽ ഇന്റലിജൻസ് തുടങ്ങിയ മേഖലകളിൽ തിളങ്ങി നിൽക്കുന്ന ബൻസൻ തോമസ് ജോർജ്, അഖില ആർ. ഗോമസ്, ജിതിൻ അനു ജോസ്; സൈബർ വിദഗ്ധനും അഭിഭാഷകനുമായ ജിയാസ് ജമാൽ; ഫോട്ടോഗ്രാഫർമാരും സമൂഹ മാധ്യമ ഇൻഫ്ലുവൻസർമാരുമായ വി.എം. സാദിഖലി, മിഥു ശ്രീനിവാസ്; പരീക്ഷ വിദഗ്ധനും കോളമിസ്റ്റുമായ മൻസൂർ അലി കാപ്പുങ്ങൽ; അക്കാദമിക് വിദഗ്ധനായ ലിജീഷ് കുമാർ; തിയറ്റർ ആക്ടിവിസ്റ്റ് ശൈലജ ജാല തുടങ്ങി നൂറോളം വിദഗ്ധർ എജുകഫെയുടെ വിവിധ സെഷനുകൾ നയിക്കും. വിദ്യാർഥികൾക്ക് വേണ്ട അക്കാദമിക്-കരിയർ വിവരങ്ങളെല്ലാം ഒരു കുടക്കീഴിൽ അണിനിരത്തിയാണ് ‘മാധ്യമം’ എജുകഫെ അരങ്ങേറുക.
ഏപ്രിൽ 15, 16 തീയതികളിൽ മലപ്പുറം റോസ്ലോഞ്ച് ഓഡിറ്റോറിയത്തിൽ നടക്കുന്ന പരിപാടിയിൽ വിദ്യാർഥികൾക്കും അധ്യാപകർക്കും രക്ഷിതാക്കൾക്കും രജിസ്ട്രേഷനും പ്രവേശനവും സൗജന്യമായിരിക്കും.
സൈക്കോളജി-കൗൺസലിങ്, ആർട്ടിഫിഷ്യൽ ഇന്റലിജൻസ്-റോബോട്ടിക്സ്, വിദേശപഠനം, കര-നാവിക-വ്യോമസേന, പൊലീസ് ഉൾപ്പെടെ പ്രഫഷനൽ യൂനിഫോം കരിയർ, എൻട്രൻസ്- മത്സരപരീക്ഷ, സിവിൽ സർവിസ്, മെഡിക്കൽ, എൻജിനീയറിങ്, കോമേഴ്സ്, മാനേജ്മെന്റ് പഠനം, ഹ്യുമാനിറ്റീസ് തുടങ്ങി നിരവധി കോഴ്സുകളുമായി ബന്ധപ്പെട്ട സെഷനുകളും സ്റ്റാളുകളും വർക് ഷോപ്പുകളും എജുകഫെയുടെ ഭാഗമായുണ്ടാകും. കൂടാതെ, ആപ്റ്റിറ്റ്യൂഡ് ടെസ്റ്റുകൾ, ക്വിസ് മത്സരങ്ങൾ, എജുടെയിൻമെന്റ് ആക്ടിവിറ്റികൾ, രക്ഷിതാക്കൾക്കും അധ്യാപകർക്കുമായി പ്രത്യേകം സെഷനുകൾ, സക്സസ് ചാറ്റ്, ടോപ്പേഴ്സ് ടോക് തുടങ്ങിയവയും എജുകഫെയിൽ അരങ്ങേറും.
മലപ്പുറത്തടക്കം അഞ്ചിടങ്ങളിലാണ് ഇത്തവണ എജുകഫെ എത്തുന്നത്. ഏപ്രിൽ എട്ട്, ഒമ്പത് തീയതികളിൽ കോഴിക്കോട്ടും 11, 12 തീയതികളിൽ കണ്ണൂരും 24, 25 തീയതികളിൽ കൊച്ചിയിലും 27, 28 തീയതികളിൽ കൊല്ലത്തും എജുകഫെ അരങ്ങേറും.
നൽകിയിരിക്കുന്ന ക്യു.ആർ കോഡ് സ്കാൻ ചെയ്തോ www.myeducafe.com വഴിയോ എജുകഫെയിൽ രജിസ്റ്റർ ചെയ്യാം. കേരളത്തിനകത്തും പുറത്തുമുള്ള വിദ്യാഭ്യാസ സ്ഥാപനങ്ങൾക്കും യൂനിവേഴ്സിറ്റികൾക്കും എജുകഫെയുടെ ഭാഗമാകാൻ സാധിക്കും. രജിസ്ട്രേഷൻ വിവരങ്ങൾക്ക് 96450 06838 നമ്പറിൽ ബന്ധപ്പെടണം. സ്റ്റാൾ ബുക്കിങ് സംബന്ധമായ വിവരങ്ങൾക്ക് 9645009444 എന്ന നമ്പറിൽ ബന്ധപ്പെടുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.