ഷൊഅയ്ബ്
ചാരുംമൂട്: ജോലിചെയ്തുവന്ന സ്ഥാപനത്തിൽനിന്ന് പണം മോഷ്ടിച്ച യു.പി സ്വദേശി അറസ്റ്റിൽ. ഉത്തർപ്രദേശ് രാംപുർ സ്വദേശി ഷൊഅയ്ബിനെയാണ് (28) നൂറനാട് സി.ഐ പി. ശ്രീജിത്തും സംഘവും അറസ്റ്റ് ചെയ്തത്. കഴിഞ്ഞ 28നായിരുന്നു കേസിന് ആസ്പദമായ സംഭവം. മലപ്പുറം മുതവല്ലൂർ മേക്കാട്ടുവീട്ടിൽ അനസ് താമരക്കുളത്ത് നടത്തിവരുന്ന മിട്ടോ ഫർണിച്ചർ യൂനിറ്റിലെ തൊഴിലാളിയായിരുന്നു പ്രതി. ഇവിടെ നിന്ന് 1,19,000 രൂപ മോഷ്ടിച്ച് ഇയാൾ കടന്നുകളയുകയായിരുന്നു.
അനസിന്റെ പരാതിയിൽ പൊലീസ് നടത്തിയ അന്വേഷണത്തിൽ റെയിൽവേ പൊലീസിന്റെ സഹായത്തോടെയാണ് മംഗലാപുരത്തുനിന്ന് പ്രതിയെ പിടികൂടിയത്. ഇയാളുടെ പക്കൽനിന്ന് മോഷ്ടിച്ച പണവും കണ്ടെത്തി. മാവേലിക്കര കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. എസ്.ഐ നിതീഷ്, ജൂനിയർ എസ്.ഐ ദീപു, എ.എസ്.ഐ പുഷ്പൻ, സി.പി.ഒ കലേഷ് എന്നിവർ അന്വേഷണസംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.