മുകേഷ്
വർക്കല: വർക്കലയിൽ രാസലഹരിയുമായി യുവാവ് അറസ്റ്റിൽ. 10.07 ഗ്രാം എം.ഡി.എം.എ പിടിച്ചെടുത്തു. ജില്ല ലഹരിവിരുദ്ധ സ്‌ക്വാഡിന്‍റെ പരിശോധനയിലാണ് യുവാവ് പിടിയിലായത്. വർക്കല ചെറുന്നിയൂർ ശാസ്താൻനടക്ഷേത്രത്തിനുസമീപം താമസിക്കുന്ന മനു എന്ന മുകേഷിനെയാണ് (36) വീട്ടിൽനടത്തിയ പരിശോധനയിൽ വിൽപനക്കായി സൂക്ഷിച്ചിരുന്ന രാസലഹരിയുമായി അറസ്റ്റ് ചെയ്തത്.
സ്കൂൾ-കോളജ് വിദ്യാർഥികൾക്ക് സ്ഥിരമായി എം.ഡി.എം.എയും കഞ്ചാവ് തുടങ്ങിയ മാരക മയക്കു മരുന്നുകളും വിൽപന നടത്തിവന്നിരുന്ന ഇയാളെ റൂറൽ ഡാൻസാഫ് ടീം നിരീക്ഷിച്ചുവരുകയായിരുന്നു. രഹസ്യവിവരത്തിന്റെ അടിസ്ഥാനത്തിൽ നാർകോട്ടിക് സെൽ ഡിവൈ.എസ്.പി പ്രദീപ്, വർക്കല എ.എസ്.പി ദീപക് ധൻകർ എന്നിവരുടെ നിർദേശാനുസരണം വർക്കല ഇൻസ്പെക്ടർ ജെ.എസ്. പ്രവീണിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.