രാഹുൽ
പാലാ: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവിനെ അറസ്റ്റ് ചെയ്തു. മൈലാടി മണ്ണിൽപറമ്പിൽ വീട്ടിൽ രാഹുൽ ഷാജിയെയാണ് (23) പൊലീസ് പിടികൂടിയത്.
പ്രായപൂർത്തിയാകാത്ത പെൺകുട്ടിയെ പ്രണയംനടിച്ച് പീഡിപ്പിക്കുകയായിരുന്നു. പെൺകുട്ടിയുടെ പരാതിയെ തുടർന്ന് പാലാ പൊലീസ് കേസ് രജിസ്റ്റർ ചെയ്യുകയും ഇതറിഞ്ഞ ഇയാൾ ഒളിവിൽ പോവുകയുമായിരുന്നു. തുടർന്ന് നടത്തിയ തിരച്ചിലിനൊടുവിൽ ഇയാളെ ഇടുക്കി ചിറങ്കര എസ്റ്റേറ്റിൽനിന്ന് സാഹസികമായാണ് പൊലീസ് പിടികൂടിയത്.
പാലാ എസ്.എച്ച്.ഒ കെ.പി. ടോംസൺ, എസ്.ഐ വി.എൽ. ബിനു, ബിജു വർഗീസ്, സി.പി.ഒമാരായ ജോഷി മാത്യു, സി. രഞ്ജിത് എന്നിവർ ചേർന്നാണ് ഇയാളെ പിടികൂടിയത്.
പ്രതിക്ക് തിടനാട് സ്റ്റേഷനിൽ അടിപിടി കേസും ഈരാറ്റുപേട്ട എക്സൈസിൽ കഞ്ചാവ് വിൽപന കേസും നിലവിലുണ്ട്. ഇയാളെ കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.