ചെന്നൈ: പെട്രോൾ പമ്പിലുണ്ടായ തർക്കം പരിഹരിക്കാൻ ശ്രമിക്കുന്നതിനിടെ യുവാവിനെ സംഘം മർദ്ദിച്ച് കൊലപ്പെടുത്തി. തമിഴ്നാട് തിരുനെൽവേലിയിൽ ചൊവ്വാഴ്ചയായിരുന്നു സംഭവം. സംഭവത്തിൽ ഓട്ടോ കുമാർ, ബാല സുബ്രഹ്മണ്യൻ, ശിവരാമൻ എന്നിവരെ വള്ളിയൂർ പൊലീസ് അറസ്റ്റ് ചെയ്തു. തിരുനെൽവേലിയിലെ പനഗുഡി സ്വദേശിയായ കലൈശെൽവൻ ആണ് ആക്രമണത്തിൽ കൊല്ലപ്പെട്ടത്.
പമ്പിൽ കൃത്രിമം കാണിച്ചെന്നാരോപിച്ച് നാലംഗ സംഘം ജീവനക്കാരനെ മർദ്ദിക്കുകയായിരുന്നു. സംഭവം ശ്രദ്ധയിൽപ്പെട്ട കലൈശെൽവൻ തർക്കം പരിഹരിക്കാൻ ശ്രമിക്കുന്നതിനിടെ പ്രതികൾ ക്രൂരമായി മർദ്ദിച്ച് കൊലപ്പെടുത്തുകയായിരുന്നു.
ആക്രമണത്തിന്റെ സി.സി ടി.വി ദൃശ്യങ്ങളുടെ അടിസ്ഥാനത്തിലാണ് പ്രതികളെ അറസ്റ്റ് ചെയ്തത്. സംഭവത്തിൽ ഒളിവിൽ പോയ പ്രതി മനിസ് രാജക്കെതിരായ പൊലീസ് തിരച്ചിൽ ഊർജ്ജിതമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.