വടകര: വ്യക്തിവൈരാഗ്യത്തിന്റെ പേരിൽ അയൽവാസിയെ കത്തികൊണ്ട് കുത്തിയ പ്രതിയെ പൊലീസ് അറസ്റ്റ് ചെയ്തു. വടകര ലോകനാർകാവ് പയംകുറ്റിമല റോഡിനു സമീപത്തെ മീത്തലെ കാവുംപുറത്ത് ദിനേശനെയാണ് (50) വടകര എസ്.ഐ എം. നിജേഷ് അറസ്റ്റ് ചെയ്തത്. വടകര ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് റിമാൻഡ് ചെയ്തു.
ലോകനാർകാവിലെ ആനപ്പാന്റെമീത്തൽ എ.എം. ലിജീഷിനെയാണ് ശനിയാഴ്ച രാത്രി 10 മണിയോടെ അയൽവാസിയായ ദിനേശൻ കത്തികൊണ്ട് കുത്തിയത്. ഗുരുതര പരിക്കേറ്റ ലിജീഷ് കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലാണ്. മദ്യലഹരിയിലായിരുന്ന ദിനേശന് ലിജീഷിനോടുള്ള വ്യക്തിവൈരാഗ്യമാണ് കത്തിക്കുത്തിൽ കലാശിച്ചതെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.