പൂക്കോട്ടുംപാടം: പോക്സോ കേസിൽ യുവാവിനെ പൊലീസ് അറസ്റ്റ് ചെയ്തു. കരുളായി കൊട്ടുപാറ സ്വദേശി കാരപ്പഞ്ചേരി അബ്ദുൽ റസാഖിനെയാണ് (44) പൂക്കോട്ടുംപാടം പൊലീസ് അറസ്റ്റ് ചെയ്തത്.
11 വയസ്സുകാരനെ പ്രകൃതിവിരുദ്ധ ലൈംഗിക അതിക്രമത്തിന് വിധേയമാക്കിയെന്ന രക്ഷിതാവിന്റെ പരാതിയിലാണ് പൊലീസ് കേസെടുത്തത്.2022 ആഗസ്റ്റിലായിരുന്നു കേസിനാസ്പദമായ സംഭവം. ഈ വിവരം ആരോടെങ്കിലും പറഞ്ഞാൽ കൊല്ലുമെന്ന് ഭീഷണിപ്പെടുത്തുകയും ചെയ്തു.
2023 ഫെബ്രുവരിയിലും ഇയാൾ പ്രകൃതി വിരുദ്ധ ലൈംഗിക അതിക്രമം കാണിച്ചതായി പരാതിയിൽ പറയുന്നു. പൂക്കോട്ടുംപാടം പൊലീസ് സ്റ്റേഷൻ ഓഫിസർ സി.എൻ. സുകുമാരനും സംഘവും റസാഖിന്റെ വീട്ടിലെത്തിയാണ് പിടികൂടിയത്. പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.