ഡെറാഡൂൺ: ഉത്തരാഖണ്ഡിൽ നിയമസഭ തെരഞ്ഞെടുപ്പിന് ദിവസങ്ങൾ മാത്രം ബാക്കി നിൽക്കേ ബി.ജെ.പിക്ക് തിരിച്ചടി നൽകിക്കൊണ്ട് മുൻ മുഖ്യമന്ത്രിയും മഹാരാഷ്ട്ര ഗവർണറുമായ ഭഗത് സിങ് കോഷിയാരിയുടെ ബന്ധുവും മഹിള മോർച്ച നേതാവുമായിരുന്ന മായ കോഷിയാരി പാർട്ടി വിട്ടു.
രണ്ടുതവണ ബിന്ദുഖട്ട മഹിളാ മോർച്ച അധ്യക്ഷയായിരുന്ന മായയും ആറ് ഭാരവാഹികളും ബി.ജെ.പി വിട്ട് കോൺഗ്രസിൽ ചേർന്നു.
മുൻ മുഖ്യമന്ത്രിയും മുതിർന്ന നേതാവുമായ ഹരീഷ് റാവത്ത് മായക്ക് പാർട്ടി അംഗത്വം നൽകി. കഴിഞ്ഞ മാസം ബി.ജെ.പി പുറത്താക്കിയ മുൻമന്ത്രി ഹരക് സിങ് റാവത്തും കോൺഗ്രസിലെത്തിയിരുന്നു. ഒരുമാസത്തിനിടെ ബി.ജെ.പിക്ക് ഏൽക്കുന്ന രണ്ടാമത്തെ തിരിച്ചടിയാണ് മായയുടെ കൂടുമാറ്റം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.