കെ.എം.എ കൂട്ടായ്മ റമദാൻ-ഇഫ്താർ കിറ്റ് വിതരണത്തിൽ
കുവൈത്ത് സിറ്റി: കുവൈത്ത് മൂവാറ്റുപുഴ അസോസിയേഷൻ കെ.എം.എ എക്സിക്യൂട്ടീവ് കമ്മിറ്റിയുടെ ആഭിമുഖ്യത്തില്‍ മൂവാറ്റുപുഴ പരിസരപ്രദേശങ്ങളിൽ റമദാന്‍-ഇഫ്താർ കിറ്റ് വിതരണം ചെയ്തു. പേഴയ്ക്കാപ്പിള്ളി, മുളവൂർ, മാർക്കറ്റ്, വാഴപ്പിള്ളി, ആട്ടായം, ഒറവക്കുഴി, മോളേക്കുടി, പെരുമറ്റം, പുതുപ്പാടി, പുന്നമറ്റം എന്നിടങ്ങളിലാണ് വിതരണം നടത്തിയത്. ഒരു മാസത്തേക്കുളള ആഹാരസാധനങ്ങള്‍ അടങ്ങിയ മെഗാ കിറ്റുകളാണ് വിതരണം ചെയ്തത്.
വര്‍ഷങ്ങളായി സാമൂഹിക ജീവകാരുണ്യ മേഖലയില്‍ പ്രവര്‍ത്തിക്കുന്ന കുവൈത്ത് മൂവാറ്റുപുഴ അസോസിയേഷൻ എല്ലാ റമദാനിലും ഇഫ്താർ കിറ്റ് വിതരണം നടത്താറുണ്ടെന്ന് ഭാരവാഹികൾ അറിയിച്ചു. സി.എം.ഷിജാദ്, ആദിൽ ബഷീർ, മൊയിദീൻ അഫി, മാഹീൻ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.