ല​ബ​നാ​ൻ വെ​ടി​നി​ർ​ത്ത​ൽ സ്വാ​ഗ​തം ചെ​യ്ത് കു​വൈ​ത്ത്

കു​വൈ​ത്ത് സി​റ്റി: ല​ബ​നാ​നി​ലെ വെ​ടി​നി​ർ​ത്ത​ലി​നെ കു​വൈ​ത്ത് സ്വാ​ഗ​തം ചെ​യ്തു. ഇ​ത് സ്ഥി​ര​മാ​യ വെ​ടി​നി​ർ​ത്ത​ലി​ൽ ക​ലാ​ശി​ക്കു​മെ​ന്നും ല​ബ​നാ​ൻ ജ​ന​ത​യു​ടെ വേ​ദ​ന​ക്ക് അ​റു​തി വ​രു​മെ​ന്നും പ്ര​തീ​ക്ഷി​ക്കു​ന്ന​താ​യി കു​വൈ​ത്ത് വി​ദേ​ശ​കാ​ര്യ മ​ന്ത്രാ​ല​യം വ്യ​ക്ത​മാ​ക്കി. അ​ക്ര​മ​ണ​ങ്ങ​ൾ ത​ട​യാ​നു​ള്ള എ​ല്ലാ അ​ന്താ​രാ​ഷ്ട്ര ശ്ര​മ​ങ്ങ​ളെ​യും മ​ന്ത്രാ​ല​യം അ​ഭി​ന​ന്ദി​ച്ചു.

ഗ​സ്സ​യി​ലെ​യും വെ​സ്റ്റ് ബാ​ങ്കി​ലെ​യും ഫ​ല​സ്തീ​ൻ ജ​ന​ത​ക്കെ​തി​രെ ഇ​സ്രാ​യേ​ൽ തു​ട​രു​ന്ന ആ​ക്ര​മ​ണ​ങ്ങ​ൾ ത​ട​യാ​നും അ​ന്താ​രാ​ഷ്ട്ര ശ്ര​മ​ങ്ങ​ൾ ശ​ക്ത​മാ​ക്ക​ണ​മെ​ന്ന് കു​വൈ​ത്ത് വി​ദേ​ശ​കാ​ര്യ മ​ന്ത്രാ​ല​യം ആ​വ​ശ്യ​പ്പെ​ട്ടു. ഇ​സ്രാ​യേ​ലി​ന്റെ നി​ര​ന്ത​ര ആ​ക്ര​മ​ണ​ത്തി​ന് പി​റ​കെ ബു​ധ​നാ​ഴ്ച പു​ല​ർ​ച്ച​യോ​ടെ​യാ​ണ് 60 ദി​വ​സ​ത്തേ​ക്ക് ല​ബ​നാ​നി​ൽ വെ​ടി​നി​ർ​ത്ത​ൽ നി​ല​വി​ൽ വ​ന്ന​ത്. ഇ​തോ​ടെ ല​ബ​നാ​നി​ൽ കു​ടും​ബ​ങ്ങ​ൾ സ്വ​ന്തം വീ​ടു​ക​ളി​ലേ​ക്ക് മ​ട​ങ്ങി​ത്തു​ട​ങ്ങി. ഇ​സ്രാ​യേ​ൽ സൈ​നി​ക പി​ന്മാ​റ്റ​വും ആ​രം​ഭി​ച്ചി​ട്ടു​ണ്ട്.