ഐവ ഫഹാഹീൽ ഏരിയയുടെ കീഴിലെ മലർവാടി ബാലസംഘം റിപ്പബ്ലിക് ദിന സംഗമം
കുവൈത്ത് സിറ്റി: ഐവ ഫഹാഹീൽ ഏരിയയുടെ കീഴിലെ മംഗഫ്, ഫഹാഹീൽ മലർവാടി ബാലസംഘം യൂനിറ്റുകൾ റിപ്പബ്ലിക് ദിന സംഗമം സംഘടിപ്പിച്ചു. ഫഹാഹീൽ യൂനിറ്റ് സംഗമത്തിൽ അബ്ദുൽ റസാഖ് റിപ്പബ്ലിക് ദിന സന്ദേശം നൽകി. ഫഹാഹീൽ മലർവാടി യൂനിറ്റ് കോഓഡിനേറ്റർ അഫീഫ ഉസാമ നേതൃത്വം നൽകിയ പരിപാടിയിൽ ഫാൻസി ഡ്രസ്, ക്വിസ്, കുട്ടികളുടെ പാട്ട്, നൃത്തം എന്നിവ അവതരിപ്പിച്ചു.
ക്വിസിൽ വിജയിച്ച കുട്ടികൾക്കും പരിപാടിയിൽ പങ്കെടുത്ത മറ്റു കുട്ടികൾക്കും സമ്മാനങ്ങൾ നൽകി. ആയിശ അംറ ഖിറാഅത്ത് നടത്തി. ഗസാൻ സ്വാഗതവും ഫാത്തിമ സുഹറ നന്ദിയും പറഞ്ഞു. അയാൻ നൗഫൽ അധ്യക്ഷത വഹിച്ചു.
മംഗഫ് യൂനിറ്റിൽ നടന്ന മലർവാടി ബാലസംഗമത്തിൽ പ്രസിഡന്റ്‌ ഇയാദ് അസ്മർ സ്വാഗതം പറഞ്ഞു. മംഗഫ് മലർവാടി കോഓഡിനേറ്റർ സൽ‍മ ഗഫൂർ നേതൃത്വം നൽകിയ പരിപാടിയിൽ ഹനാൻ റിപ്പബ്ലിക് ദിന സന്ദേശം നൽകി.
പ്രസംഗം, മ്യൂസിക്കൽ ചെയർ, പാട്ട് എന്നീ പരിപാടികൾ നടത്തി. പങ്കെടുത്ത എല്ലാവർക്കും സമ്മാനങ്ങൾ നൽകി.
സയ്ഹാൻ യൂനുസ് ഖിറാഅത്ത് നടത്തി. അഹ്സൻ അബ്ദുല്ല നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.