വി​ദേ​ശി​ക​ളു​ടെ റെസിഡൻസി: പുതിയ ക​ര​ട് നിർദേശങ്ങൾക്ക് മ​ന്ത്രി​സ​ഭ അം​ഗീ​കാ​രം

കു​വൈ​ത്ത് സി​റ്റി: പ്ര​വാ​സി​ക​ളു​മാ​യി ബ​ന്ധ​പ്പെ​ട്ട വി​വി​ധ വി​ഷ​യ​ങ്ങ​ളെ ഉ​ൾ​ക്കൊ​ള്ളി​ച്ച പു​തി​യ പ്ര​വാ​സി റെസി​ഡ​ന്‍സി ക​ര​ട് നി​ർ​ദേ​ശ​ങ്ങ​ള്‍ക്ക് മ​ന്ത്രി​സ​ഭ അം​ഗീ​കാ​രം. ചൊ​വ്വാ​ഴ്ച ആ​ക്ടി​ങ് പ്ര​ധാ​ന​മ​ന്ത്രി​യും പ്ര​തി​രോ​ധ-​ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ഫ​ഹ​ദ് യൂ​സ​ഫ് അ​സ്സ​ബാ​ഹി​ന്‍റെ അ​ധ്യ​ക്ഷ​ത​യി​ൽ ചേ​ർ​ന്ന പ്ര​തി​വാ​ര യോ​ഗ​ത്തി​ലാ​ണ് തീ​രു​മാ​നം. രാ​ജ്യ​ത്ത് പ്ര​വാ​സി​ക​ളു​ടെ താ​മ​സം സം​ബ​ന്ധി​ച്ച​താ​ണ് നി​ര്‍ദേ​ശ​ങ്ങ​ള്‍.

റെസി​ഡ​ൻ​സി​യി​ലെ വ്യാ​പാ​രം നി​രോ​ധി​ക്കു​ക, വി​ദേ​ശി​ക​ളെ നാ​ടു​ക​ട​ത്തു​ന്ന​തി​നും പു​റ​ത്താ​ക്കു​ന്ന​തി​നു​മു​ള്ള നി​യ​മ​ങ്ങ​ൾ നി​ർ​ണ​യി​ക്കു​ക, വി​ദേ​ശി​ക​ളു​ടെ താ​മ​സ നി​യ​മ​ത്തി​ലെ വ്യ​വ​സ്ഥ​ക​ൾ ലം​ഘി​ക്കു​ന്ന​വ​ർ​ക്കെ​തി​രെ ക​ടു​ത്ത ശി​ക്ഷ​ക​ൾ ചു​മ​ത്തു​ക എ​ന്നി​വ​യാ​ണ് ക​ര​ട് നി​ര്‍ദേ​ശ​ത്തി​ലു​ള്ള​ത്. നി​യ​മം പ്രാ​ബ​ല്യ​ത്തി​ൽ വ​രു​ന്ന​തോ​ടെ ഇ​ത്ത​രം കൃ​ത്യ​ങ്ങ​ളി​ൽ ന​ട​പ​ടി ശ​ക്ത​മാ​ക്കും. ക​ര​ട് നി​യ​മ​ത്തി​ൽ 36 ആ​ർ​ട്ടി​ക്കി​ളു​ക​ൾ അ​ട​ങ്ങി​യി​ട്ടു​ണ്ട്.

റെസി​ഡ​ൻ​സി വ്യാ​പാ​ര നി​രോ​ധ​ന​മാ​ണ് ഇ​തി​ൽ പ്ര​ധാ​ന​പ്പെ​ട്ട​ത്. എ​ൻ​ട്രി വി​സ ന​ൽ​ക​ൽ, റെസി​ഡ​ൻ​സി പെ​ർ​മി​റ്റ് പു​തു​ക്ക​ൽ എ​ന്നി​വ​ക്ക് പ​ണം വാ​ങ്ങി​യു​ള്ള വി​ൽ​പ​ന ക​ടു​ത്ത ലം​ഘ​ന​മാ​യി ക​ണ​ക്കാ​ക്കും. സ്‌​പോ​ൺ​സ​ർ​മാ​ർ വി​ദേ​ശി​ക​ളു​ടെ എ​ൻ​ട്രി വി​സ​യു​ടെ സ്റ്റാ​റ്റ​സ് ആ​ഭ്യ​ന്ത​ര മ​ന്ത്രാ​ല​യ​ത്തി​ൽ അ​റി​യി​ക്കു​ക​യും വേ​ണം.

ഞാ​യ​റാ​ഴ്ച കു​വൈ​ത്തി​ലെ​ത്തി​യ യു.​എ.​ഇ പ്ര​സി​ഡ​ന്‍റ് ശൈ​ഖ് മു​ഹ​മ്മ​ദ് ബി​ൻ സാ​യി​ദ് ആ​ൽ ന​ഹ് യാ​ന്‍റെ സ​ന്ദ​ർ​ശ​ന​ത്തെ സ്വാ​ഗ​തം ചെ​യ്ത മ​ന്ത്രി​സ​ഭ സ​ന്ദ​ർ​ശ​ന​ത്തി​ന്‍റെ ഫ​ല​ങ്ങ​ൾ അ​വ​ലോ​ക​നം ചെ​യ്തു. ചി​ല വ്യ​ക്തി​ക​ൾ വ്യാ​ജ​രേ​ഖ ച​മ​ച്ച് നേ​ടി​യ കു​വൈ​ത്ത് പൗ​ര​ത്വം പി​ൻ​വ​ലി​ച്ച കേ​സു​ക​ൾ ഉ​ൾ​പ്പെ​ടു​ന്ന കു​വൈ​ത്ത് പൗ​ര​ത്വ അ​ന്വേ​ഷ​ണ​ത്തി​നു​ള്ള സു​പ്രീം ക​മ്മി​റ്റി​യു​ടെ മി​നി​റ്റ്സി​നും മ​ന്ത്രി​സ​ഭ അം​ഗീ​കാ​രം ന​ൽ​കി.